Dialuilu 24:8 - O Mikanda Ikola

⁸ Nzambi ua mu katula mu Ijitu; uala ni nguzu kala phakasa; ifuẋi iamukuá u i dia, andala a bhânga-nê, ifuba iâ u i bukujula, u a asa muene mifula ié.

Dialuilu 24:8 ပူးပေါင်းရင်းမြစ်များ

Jisálamu 2:9

U a tolola ni mbangala ia felu; u a bhanga imenga-imenga kala ímbia ia mavu.

Jisálamu 21:12

Kuma eie ua-nda ku a bhesa lusolo; misongo ié ua-nda ku a asa na-iu mu jipholo.

Jisálamu 45:5

Misongo ié i uasa, iatu muene o jisungu, ia kuata mu mixima ia jinguma ja muenexi; ifuẋi ia dibhale, eie hé u bhita ni ku a diota.

Jisálamu 45:6

Kiandu kié, Nzambi iami, ki xalela sè thembu, katé ku hádia ni hádia; mbasá ia utuminu ué, ia kukumbidila kuoso.

Makatukilu 23:22

O ki kala-phe mu ivua muene o dízui diê anga mu bhanga ioso i nga zuela, eme-phe ngi kala ngi nguma ia jinguma jenu, ngi zoka ni ió a zoka ni enu.

Izaía 38:13

Eme-phe nga kinga ni muanu katé mu kalaji, maji o ifuba iami muene ua i bukujula mukuâ ni hoji; uandekela mu kimene, o kutula mu ngoloxi ua ngi zunzumuna.

Jelemiia 50:17

Izalaiele ua soko ni mbudi ia jimbila; a mu kaiesa kuala jihoji; sobha ia Asídia muene ua dianga ku mu dia; o kua suku kunu, Nabukodonozolo, sobha ia Babilonha, muene ua mu bukula o ifuba.

Jelemiia 50:9

Mukonda, tala, eme nga-nda kufundumuna ni kutumikisa, kifuẋi kia miji iònene, akua ixi ia kusuku, a kà di iudika mu kuzoka ni Babilonha, bheneʼobho a ka mu tolola muene; o misongo ia mifula iâ ia kèla kala ia kiiala kia dizonda; né umoxi ngó ki u vutuka ua kambe kubhanga kima.

Daniiele 6:24

Sobha-phe u tuma ue kutakana mala ió oso a kunduile Daniiele, anga eza na-u, hé a a takula ue mu ngenda ia jihoje, ni ene, ni anʼâ, ni akajiʼâ. Mu ngenda-phe ka tula-mu luua bhoxi, jihoje ja a kambuila kiá bhulu bhene, anga ji a sasala ifuba.

Dialuilu 14:9

Hé kima, kana kukitukila Jihova, kana kukala ni uoma ua akua-xi; kuma a kala mbolo ietu ia kúdia, kilembeketa kiâ kia tundu-ku, kala na-kiu dingi, etu-phe Jihova tuala-nê; ki mu kale ni uoma.

Dialuilu 21:5

Kifuẋi anga a longolola Nzambi ni Mozé, exi: Mukonda diahi ua tu katula mu Ijitu, ni tu fuile ngó mu kikangalakatʼumu? Ki mu moneka mbolo, ki mu moneka menha; ima ia maná iii ia tu kumu!

Dialuilu 23:22

Nzambi ua a katula mu Ijitu; nguzu uala na-iu uila ia phakasa.

Dialuilu 23:24

Kifuẋi kiê a balumuka kala mama ia hoji, mba, ndumbe ia hoji kia lundumuka; ka zeka ngó sé kudia mbole, anga u nua manhinga ma tunda ku isasu.

Matesu 2:15

Kuene kiá kua kexile katé bhu ufuilu ua Helode. Kiki kia bhiti, phala ni ki tenene, kia tangele Ngana kua polofeta, uixi: Mu Ejitu muene mu ngexana monʼami.

Matendelelu 32:23

Nga-nda ku a lunjika ndumba ia jiphaxi ku thandu diâ; matôma mami ngi ma zubha muene ni ku a kuba-kuba-u.

Matendelelu 32:42

Matôma mami ngi ma kodiuisa muene ni manhinga, o xibhata iami idiaúla xitu ni manhinga ma afi, ni ma jihutile; o mu kuvutula phonzo, jinguma ngi ji andekela tunde ku mútue.

Matendelelu 7:1

Kia kà zubha Jihova Nzambi ié ku ku bokuesa mʼoxi i ua-nda kúvua, anga u ku toluela miji iavulu ia matumbu hé u a kaiesa bhu pholo ié, o sambuadi dia ifuẋi diosoʼidi, akua Mahiti, akua Jijidingaze, akua Mamodi, akua Kanana, akua Mapelezi, akua Mahivi, ni Majebusi, athu a ku tundu mu nguzu ia a ku tundu mu kuvula.

Josuué 2:10

Kuma tuevu kioso kia kukutisa o menha ma Kalunga Kakusuka, mbé enu kubhita, ki mua tundu mu Ijito; ni kioso ue ki mua bhange jisobha jiiadi ja a Mamodi, ku sámbua dia Njolodá, ni Sihone ni Hoke, mua a buikisa muene.