Dialuilu 24:20 - O Mikanda Ikola

²⁰ Anga u tala kua Amaleke, u kuata kifika kiê, uixi: Amaleke ua kexile ku pholo, ku ifuẋi ioso; maji o ku dizubhilu kua kàia-phe, u buika.

Dialuilu 24:20 ပူးပေါင်းရင်းမြစ်များ

Dimatekenu 36:12

Timina anga u kala mukama ua Ilifaji monʼa Izaú; anga u vuala mona ua Ilifaji, Amaleke; ene osoʼá anʼa Ada, muhatuʼa Izaú.

I Malunda 4:43

Oso a subhukile kua iá a bhulaka ku akua Amaleke ene a a buba ene oso muene, ia a tungu ene muenhomo katé mu kizuua kia lelu.

Estere 3:1

Kia zubha kubhita imʼiii, muenexi Asuuelu u zangeleka Hamane, monʼa Hamedata, mukua Akaki, anga u mu ta ku pholo ia enhoso; ditala diê dia mu bhake di kala kota, o jifixiiadi joso, o ilamba ni akuá, ndenge.

Estere 9:14

Muenexi anga u tuma ku ki bhanga; a ki xikisa ngonge mu Suzana; o kuinhi dia mona a Hamane anga a a nhenga.

Makatukilu 17:14

Jihova anga u ambela Mozé, uixi: Kiki soneka-kiu, ki kale musêndu mu divulu, u ki jimbuile ue mu mátui ma Josuué; kuma Amaleke ngi mu jimisa o mbutu, bhoxi a diulu u bhua-bhu.

Makatukilu 17:16

anga u amba, uixi: Mukonda Jihova ua loka, Jihova u kala ni mvunda ni Amaleke ku tunda muiji kuiza muiji.

Makatukilu 17:8

Amaleke anga u vubuka bhenhobho, u lua ita ni Izalaiele bhu Lefidimi.

Dialuilu 24:19

Mua Jakobo mua kà tunda ngûngu, u tumina, ua kà buidisa oso a subhuka mu jimbanza.

Dialuilu 24:24

Kua kà tunda jinaviiu ku kibumu kia Kitimi, a kà tatesa Asula, a kà tatesa ue Ebele, kuma muene ue a kà mu buidisa.

Dialuilu 24:7

Itabhu iê i subhajaka menha, mbutu iê a i kuua ku menha mavulu, sobha iê u tunda Akake mu kijingu, utuminu uê u zangalala.

Afundixi 6:3

Anga a kala mu kuila, Izalaiele kia zubha kudima ni kukuna, akua Midiiana eza, ni akua Amaleke, ni ana amukuá ku thunda-mbulu, eza mu ku a sota;

I Samuuele 14:48

Anga u bhanga uzonda, u beta akua Amaleke, u kudila Izalaiele bhu maku ma oso a kexile ku a bhûnda.

I Samuuele 15:2

Eme Jihova dia ifuẋi, uambe kiki: Nga xinganeka o konda ia usuéia ua bhangele Amaleke kua Izalaiele, kioso Amaleke kia bhângele-nê mvunda mu ku mu fudisa o njila mua kexe ma kuendela kioso Izalaiele kia tundile mu Ijito.

I Samuuele 30:1

Anga ki bhita kuila, kia zubha-phe Davidi ni makuenze-mê kubhiẋila ku Zikilake, mu kizuua kia katatu, a sanga akua Amaleke a vubuka mʼoxi ioso ia sulu, ni sanzala ia Zikilake a i beta; a i oha mu túbhia,

I Samuuele 30:17

Davidi anga ua beta tunde mu mixinda ia maku katé mu ngoloxi ia kizuua kiamukuá; ki bhuala diiala ua tundu-bhu, kikale ngó hâma jiuana ja minzangala a mondala jikamelu, ene ngó a lenge.