Athu engi a ku bhikile, Miiji ia kanga i ku bheza; Kala u ngana u tumina phange jê, Anʼa mamʼenu ende ni ku ku diundila. A kale mukua mázui uoso u ku ta eie o mázui A kale ni dibesá uoso u ku bha dibesá.
Kuma o xibhata iami ia kodiuila mu diulu; talesa-phe ia kà tuluka mu Idomo phala kua fundisa, itula ku thandu dia mundu u nga bhubhidila phala ku a buikisa.
Mukuahi-ú u tunda ku Idomo, ni izuatu iedi kiki nguí, ua tundu ku Bozola? Ua kembe kiki ni kizuatu, kia kijingo? Ua mu kuenda ni nguzu iê ioso: Eme-muène ngi zuela ni kuiuka, ngi dizonda mu ku bhulula.
Mu kizuua kieneʼokio-phe, balaka ia Davidi ia dibhalele, nga kà imika dingi, mazungu mê nga kà a xita, jingundu jê nga kà ji balumuna dingi, nga kà i tunga kala mu izuua ia xahulu.
Mbebhu ende ni kúvua o jimbalu-mbalu ja subhuka kua Idomo, ni miji ioso iexanena mu dijina diami, kuma Jihova ua ki tange uixi: Ima ioso ienhiʼii ia kà bhita muene.