Dialuilu 24:17 - O Mikanda Ikola

¹⁷ nga mu mono, maji ki lelu; bhu nga mu muena, ki bhabha; kua kà tunda théthembua mua Jakobo ku kala mbasá muʼaxaxi ka Izalaiele, Mouabhe a ka mu beta mbandu ni mbandu, akua jimvunda a kà a xinina bhoxi, ana oso a Sete a kà a jikinisa

Dialuilu 24:17 ပူးပေါင်းရင်းမြစ်များ

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

II Samuuele 8:14

Anga u ta jipoxto mu Edomo, akua Edomo oso anga a kala mu bhikila Davidi.

II Samuuele 8:2

Anga u beta akua Mouabhe ni ku a zonga ni mukolo; u a zekesa bhoxi, anga u zonga mikolo iiadi ia ku jibha, mukolo umoxi ua ku a xisa ni muenhu. Akua Mouabhe anga a kala mu bhikila Davidi, enda ni ku mu bhakuila madijimu.

II Jisobha 3:5

Anga kibhita-phe kuila, kioso kia fu Akabe, sobha ia akua Mouabhi ua bilukila sobha ia Izalaiele.

I Malunda 18:2

Ua tolola ue akua Mouabhe, enhá anga a kala jiselevende ja Davidi, hé aia ni ku mu bhekela o lubhaku.

Jisálamu 110:2

Jihova u ku tumikisa o mbasá ié ia nguzu tunde mu Ziione, uixi: Enda ni kutumina o jinguma jé.

Jisálamu 45:6

Kiandu kié, Nzambi iami, ki xalela sè thembu, katé ku hádia ni hádia; mbasá ia utuminu ué, ia kukumbidila kuoso.

Izaía 15:1

Kimbamba kia Mouabhe, kutanga kidi, Ale dia Mouabhe a mu buikisa mu usuku umoxi, ia a mu sengulula; kutanga o kidi, Kidi dia Mouabhe a mu buikisa mu usuku umoxi, iá a mu sengulula uê.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Jelemiia 48:1

Mu kulungulukila Mouabhe, Jihova dia Ifuẋi, Nzambi ia Izalaiele, uambe kiki: Nebu, kokolo diê, kuma a mu sengulula; Kidiataimi, sonhi ja mu kuata, kuma a mu tolola kiá; Miska sonhi ja mu kuata, ua bhuuama.

Jelemiia 48:45

A kexile mu kulenga, nguzu jabhu ia a sukamena mu kilembeketa kia Hexebone; maji túbhia tua tundu mu Hexebone, ni mulengu mu kaxi ka Sihone, ua jikinisa thungi ja Mouabhe ni nguzu ia iiala ia bhumu.

Zakadiia 10:4

Mua Juda muene hádia mua kà tunda o ditadi dia thungi; muene mua kà tunda o phapha ja balaka, mua kà tunda o mufula ua ita, ni ilôlo ioso ia kà tuamenena ia kà tunda mueneʼomo kumoxi.

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Dialuilu 21:29

Eie u Mouabhe, lamba dié! Mua bhondalala, enu mu akua hamba dia Kamu. Anʼé a mala a lenge, Anʼé a ahatu a a kutu, aii-nâ, Kua Sihone sobha ia akua Amone.

Dialuilu 24:16

u zuela ió uevu maka ma Nzambi, uejiia ni uijidilu ua Suke-ku, u mona kisukila kia Muteni-a-ioso; uia ku kiambu, maji mesu a tono;

Luka 1:78

mukonda Nzambi ietu, Nzambi ia jihenda ni mbote! Ua bhangesa Dikumbi-dia-Thunda ku tu zungila,

Jihebeleu 1:8

Maji o kua Monʼê, muene uixi: O kiandu kié, eie u Nzambi, kienié katé ku hádia ni hádia! Eie o Utuminu ué, ua kà uendesa ni mbasá ia kuiuka.

Jihebeleu 7:14

Tua kʼijiia kuma Ngana Jezú ua tokala ku muiji ua Juda. O muiji iú-phe Mozé ka u tange kukala ni kima, kioso kia zuela bhu kaxi ni jinganga.

II Phetele 1:19

Mukonda dia kienhiki, o maka ma tanga jinga o misésedi, tua beta dingi o ku ma dielela kiavulu. Enu uenu mua-lu bhanga kiambote, o ku mʼaluka, enhá. Mukonda ene a di bhange mukuâ ni kandeia ka muikina mu kididi kia vundu, katé kikia o kizuua, anga o mukengeji ua thethembua ia kimene, u muikina mu miẋima ienu.

Juda 1:11

Lamba diâ! Kuma a kaiela mu njila ia Kaini! Mukonda dia luimbi lua kitadi, a texikila mu kutondala kua Balamu, ua bhindamenéne o nganhu! A buikila mu kuxibhaka kala Kola kia xibhakele iú ua buika.

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 22:16

Eme, ngi Jezú, nga tumu anju iami ku mi bhana umbangi ua imʼiii mu jingeleja. Eme ngi lundânji, nga tokala ku luvualu lua Davidi. Eme ngi théthembua ia kubenha, i muika mu kimene.

I Samuuele 14:38

Saúlo anga u zuela, uixi: Bhiẋilenu bhabha enu oso mu makota a mundu, tu te hasa mu tungula uoso lelu ua te kituxi.