Dialuilu 24:14 - O Mikanda Ikola

¹⁴ Kiki-phe, ngiia kiá koʼkuetu; imana-phe, ngi ku tangele kioso o kifuẋi kiki ki kia kà bhanga ku kifuẋi kié izuua ia hádia.

Dialuilu 24:14 ပူးပေါင်းရင်းမြစ်များ

Dimatekenu 49:1

Jakobo anga uixana anʼê, uixi: Bhongolokenu, ngi mi tangele ima ioso ia kà mi bhita mu izuua ia hádia.

Izaía 24:22

Anga ene-oso a kà a lunjika mu ngenda kala jipelezo, à kala ku upelezo mu katutu; o ki bhita dingi nzungule ia izuua, a kà a zungila luamukuá.

Jelemiia 48:47

Maji kua kà suka izuua, kikexilu kia Mouabhe nga kà ki lungulula, jihutile jê ja kà vutuka dingi, mu kizuua kia sukidila, Jihova ua ki tange katé bhabha bhene bhua suku o difundisilu dia Mouabhe.

Jelemiia 49:39

Kia kà kala phe kiki, kuila mu kizuua kia kà sukidila-ku, kiene ki nga kà bhangesa ku vutuka jihutile ja Elame, Jihova ua ki tange.

Daniiele 10:14

O kiki ngeza ku ku ijidisa kioso kia-nda kubhita na-kiu o mundu ué, mu izuua i sukidila-ku; mbata kisuma kiki, kia mu tanga ima ia kʼèza ku hádia.

Daniiele 2:28

Sai-ku Nzambi ku diulu, muene mukua kujingununa ijinganu ioso; muene-phe ua-tumu kuijidisa sobha Nabukodonozolo kioso kia-nda kuiza-ku mu izuua ia sukidila-ku; o nzoji ié ni isuma i ua diuana ki uele ku kilu bhu hama ié, ienhiʼii:

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Mikeia 6:5

Banza-kiu hanji, muiji uami, tata! kia ku kanena Balaki sobha ia Mouabhe, ni kioso kia mu vutuila Balamu monʼa Beola; banza hanji o ima ioso i ua bhiti na-iu tunde bhu Sitimi katé bhu Jidingale, nda uijiie o kuiuka kua Jihova ni mabatuilu mê.

Dialuilu 24:17

nga mu mono, maji ki lelu; bhu nga mu muena, ki bhabha; kua kà tunda théthembua mua Jakobo ku kala mbasá muʼaxaxi ka Izalaiele, Mouabhe a ka mu beta mbandu ni mbandu, akua jimvunda a kà a xinina bhoxi, ana oso a Sete a kà a jikinisa

Dialuilu 24:25

Balamu anga u balumuka-bhu, uenda, u vutuka ku bhata diâ; Balake ue uela ni njila iê.

Jipoxolo 2:17

Talesenu, Nzambi uambe: Mu izuua ia kà suka-ku, nga kà bhanga kiki: Nga kà lundulula o Nzumbi iami ku thandu dia athu oso. Anʼ enu a mala ni anʼenu a ahatu a kà tanga o maka mami. Minzangala ienu ia kà mona isumua, o adiakimi enu a kʼ ànjiua jinzoji.

II Timote 3:1

Ijiia na-kiu-phe, kuma: Mu izuua isukidila-ku kuanda kuiza jithembu jabhonzo.

Josuué 13:22

Anʼa Izalaiele ue a jibhile Balamu, monʼa Beola, kimbanda kia kuzambula, ni amukuá dingi oso a a jibhile kuala ene.

Dijingunuinu 2:10

Ku kale ni uôma ua jiphaxi ji ua-nda kubhita na-ju. Talesenu, amoxi mudienu, Diabhu ua-nda ku mi ta muʼaleia phala ku mi lola. Mu tala hadi mu kuinhi dia izuua. Kala-phe u fiiele katé bhʼufilu, eme ngi ku bhana o kitundu kia muenhu.

Dijingunuinu 2:14

Sai-phe tuma tuofele tu nga ku êlesa; mukonda sai-ku amoxi-mu bhenhobho a kuata o ulongelu ua Balamu ua longesele Balaki kuta kidibhukanu bhu pholo ia anʼa Izalaiele, mu ku a longesa kuila a fuama kúdia jisata ja makudia ma satela itèka, ni kubhanga maundumbu.