Dialuilu 23:5 - O Mikanda Ikola

⁵ Jihova anga u ta kizuelu mu kanu dia Balamu, uixi: Vutuka kua Balake, u zuele kienhiki.

Dialuilu 23:5 ပူးပေါင်းရင်းမြစ်များ

Makatukilu 4:15

Eie-phe ua kà zuela ni muene, u mu ta maka mu kanu diê; eme-phe ngi kala ni dikanu dié, ni dikanu dia muene, anga ngʼenda ni ku mi longesa ioso i mu bhanga.

Jisabhu 16:1

Ima ioso i xinganeka o muẋima, i tunda ku muthu; maji o kuvutula kua kidi kua hundu ia dikanu-phe, ku tunda kua Jihova.

Jisabhu 16:9

O muẋima ua muthu, u xinda o njila iê ia kuenda; maji Jihova muene u mu tesa díkanda diambote.

Izaía 51:16

Eme-phe ngi ta maka mami mu kanu dié, hé ngi ku vungina ni kilembeketa kia lukuaku luami, phala kuxikika o diulu, phala ue kusoma oxi, ni kuambela ue Ziione kuma: eʼmuène u povo iami.

Izaía 59:21

Kienhiki, kiene kikutu kiami eme ki ngi ta-nâ, eme ngi Jihova: O Nzumbi iami ia ku tula ku thandu, ni maka mami, u nga-te mu kanu dié, ka kà tunda-mu né mu kanu dia mbutu ié, né mu kanu dia mbutu ia mbutu ié, a xalela muene tundé kiki katé ku hádia ni hádia, kiene kia tange Jihova.

Jelemiia 1:9

Jihova iú ua sunununa o lukuaku luê, anga u ngi tuta ku dikanu; anga Jihova u ngambela uixi: Tala, ngi ta maka mami mu kanu dié.

Dialuilu 22:20

Nzambi anga uiza kua Balamu mu usuku, u mu ambela, uixi: Mala iá hé eza ku kuixana, balumuka, uie-nâ; ki kale-phe kizuelu kioso ki ngi ku tangela, kiene ki u bhanga.

Dialuilu 22:35

Anju ia Jihova phe uixi: Ndeie kiá ni mala enhó; kikale-phe kizuelu kioso ki ngi ku ambela, kiene ki u zuela. Balamu anga uia ni ilamba ia Balake.

Dialuilu 23:16

Jihova anga u takana ni Balamu, u mu ta kizuelu mu kanu, uixi: Vutuka kua Balake, u zuele Kienhiki.

Dialuilu 23:4

Nzambi anga u takana ni Balamu, o Balamu u mu ambela, uixi: Nga iudika sambuadi dia kalatódio, kalatodio ni kalatódio nga satela-ku ngombe ni kilumbe.

Dialuilu 23:6

Anga u vutuka kua muene, u mu sanga iú uemanʼú bhu mbandu ia sata iê ia kuoha, ni muene ni ilamba ioso ia Mouabhe.

Luka 12:12

Mukonda o Nzumbi Ikôla, muène u mi longa kumbi dienhódio, kioso ki mua fuama kuzuela.

Nzuá 11:51

Kienhiki ka di zuelela-kiu ngó. Mukonda Kaiafa, muène nganga ia dikota muvu uenhó, iu ua zambula kuma Jezú ua-ndu fuila o muiji bhu kididi.

Matendelelu 18:18

Talesa-phe, Eme nga-nda kubalumuna kiá polofeta muʼaxaxi ka phange jé, mukua ni eie, anga ngi mu ta o maka mami mu kanu diê, muene anga u a jimbuila ioso i ngi mu tuma.