Dialuilu 23:13 - O Mikanda Ikola

¹³ Balake anga u mu ambela, uixi: Iza-ze, ngi ku bheke kididi kiamukuá, bhu ua muena; ua mona-phe ngó sungu ia kibangu kiâ, ku a mone ene oso; bhenhobho bhene bhu u ngi tela-nâ mázui.

Dialuilu 23:13 ပူးပေါင်းရင်းမြစ်များ

I Jisobha 20:23

Mbata akua mbèle ia sobha ia Sídia a mu ambela, exi: Ene ki a betesa nguzu etu ndenge, mukonda jinzambi jâ jinzambi ja milundu; tu di betele-nâ hanji mu mukáu ua sokelela, nda tu mone; ku kidi muene tua-ndu mona kuma etu kota nguzu ene ndenge,

I Jisobha 20:28

Anga kubhiẋila muthu ua Nzambi, hé u zuelesa sobha ia Izalaiele, uixi: O Jihova uambe kiki: Mukonda dia kuila akua Sídia a-mbe: Jihova, Nzambi ia milundu, ki Nzambi ue ia jihonga, eme kifuẋi kiki kioso kia akua Sídia, nga-nda ku a bhana bhu maku mé, eie nda uijiie kuma eme-muène ngi Ngana.

Jisálamu 109:17

O kuxinga jindaka, uene o mukumbi uê; kiki muene a lebhuke ue! o kubhana dibesá ki kua mu ijidila, dibesá-phe dia mu lenge!

Mikeia 6:5

Banza-kiu hanji, muiji uami, tata! kia ku kanena Balaki sobha ia Mouabhe, ni kioso kia mu vutuila Balamu monʼa Beola; banza hanji o ima ioso i ua bhiti na-iu tunde bhu Sitimi katé bhu Jidingale, nda uijiie o kuiuka kua Jihova ni mabatuilu mê.

Dialuilu 22:41

Kúkia ni kimene, Balake u katula Balamu, u mu bheka bhu thala dia Baale; bhenhobho u mona ngó tumbalumbalu tua suku-ku ku kifuẋi.

Dialuilu 22:6

Iza-phe, nga ku diondo, kituxi kiki u ngi tele-nâ mázui; kuma a ngi tundu mu nguzu; sumba ngʼa Ienda o ku a beta, ni ku a kaia mʼoxi; kuma ngejiia kuila eie uoso u mu zediuisa u kala ni kuzediua muene, uoso u mu ta mázui, mukua mázui muene.

Dialuilu 23:12

Muene anga u vutula, uixi: Manhi ngi kamba kukaiela kioso kia ngi te Jihova mu kanu?

Dialuilu 23:14

Anga u mu bheka mu mukáu ua Zofimi bhu thala ia Píxika, u tungila-bhu dingi sambuadi dia kalatódio, kalatódio ni kalatódio u satela-ku ngombe ni kilumbe.

Josuué 24:9

Balaki-phe, monʼa Zipolo, sobha ia Mouabhe, uafundumuka ue, mu kúlua ita ni Izalaiele. Anga u tuma kukolomona Balamu, monʼa Beola, phala a mi bhubhidile ni mázui.