Dialuilu 22:6 - O Mikanda Ikola

⁶ Iza-phe, nga ku diondo, kituxi kiki u ngi tele-nâ mázui; kuma a ngi tundu mu nguzu; sumba ngʼa Ienda o ku a beta, ni ku a kaia mʼoxi; kuma ngejiia kuila eie uoso u mu zediuisa u kala ni kuzediua muene, uoso u mu ta mázui, mukua mázui muene.

Dialuilu 22:6 ပူးပေါင်းရင်းမြစ်များ

Dimatekenu 12:3

Nga kà a benzela oso a ku benzela eie, nga kà bhubhidila oso a ku bhubhidila eie; momué muene mua kà zediuila o miiji ioso mu ngongo.

Dimatekenu 27:29

Athu engi a ku bhikile, Miiji ia kanga i ku bheza; Kala u ngana u tumina phange jê, Anʼa mamʼenu ende ni ku ku diundila. A kale mukua mázui uoso u ku ta eie o mázui A kale ni dibesá uoso u ku bha dibesá.

I Jisobha 22:13

Anga phunga uendele mu kuixana Mika, u mu zuelesa, uixi: Tala kunu, o jipolofeta nʼakuenu, mu dízui dimoxi ngó, a mu tangela sobha ima iambote iala ku pholo; eie-phe ue u zuela kiene kimoxi kala ene, nda u zuele ima iambote kua sobha.

I Jisobha 22:6

Bhenhobho sobha ia Izalaiele u bhongolola nzungule ia jiplofeata, manhí mba kukamba ngó bhuòfele mu kutenesa hama jiuana ja jipolofeta, anga u a ebhula, uixi: Enu kiebhi-ze, ngiia ma kúlua ni Lamote dia Ngiliiade, mba ki ngiii-ku? Kuala ene: Banda, mukonda Ngana ua kà mu bhana bhu lukuaku lué, u sobha.

I Jisobha 22:8

Bhenhobho sobha ia Izalaiele uambela Jozafate, uixi: Sai hanji muthu umoxi tu tena ku mu tuma ku tu sotela kuijiia kizuelu kia Ngana; maji eme-phe nga dizemba-nê, mukonda eme nuka a ngi zambuila mbote ia kima, kala kuii-bha mu kuiibha ngó; muenʼiú o dijina diê Mika, monʼa Imila. Jozafate-phe, uixi: Sobha kana kuzuela kiokio.

Nehemiia 13:2

Mbata ene ka tundile mu kauidila anʼa Izalaiele ni kúdia ni menha; inda a kasele Balamu kuiza mu ku a bhubhidila; sumbala o kubhubhidila kuê Nzambi ietu ua ku kituile madibesá.

Jisálamu 109:28

Ene a te-â o jihasa, kabasa eie u ngi zediuisa; oso ala mu ngi balumukina, jisonhi ja-nda ku a kuata; maji o selevende ié, u kala mu tana.

Jisabhu 26:2

Njila i nhungina kima, phiáphia u tukila ue kima; o muthu ue ku mu ta o mázui nʼa mu kuata, kale bhu kala kikuma.

Izekiiele 13:6

Ala mu kumona kingoho ni kuzambula makutu, oso a mu zuela, kuila: Ngana uixi: mbebhu Ngana ki muene ua a tumikisa; anga a bhangesa athu ku kinga kuila o kizuelu kia tange ki bhite.

Mikeia 6:5

Banza-kiu hanji, muiji uami, tata! kia ku kanena Balaki sobha ia Mouabhe, ni kioso kia mu vutuila Balamu monʼa Beola; banza hanji o ima ioso i ua bhiti na-iu tunde bhu Sitimi katé bhu Jidingale, nda uijiie o kuiuka kua Jihova ni mabatuilu mê.

Dialuilu 22:12

Nzambi anga u ambela Balamu, uixi: Kana kuia-nâ; ni kituxi kiki kana ku a ta mázui; kuma ala ni kuzediua.

Dialuilu 22:17

ngi ku bhanga ujitu uavulu, kioso ki u ngi xinda ngi ki bhanga; izá-phe, nga ku diondo, kituxi kiki u ngi tele-nâ mázui.

Dialuilu 23:13

Balake anga u mu ambela, uixi: Iza-ze, ngi ku bheke kididi kiamukuá, bhu ua muena; ua mona-phe ngó sungu ia kibangu kiâ, ku a mone ene oso; bhenhobho bhene bhu u ngi tela-nâ mázui.

Dialuilu 23:27

Balake anga u ambela Balamu, uixi: Iza hanji, ngi ku bheke kididi kiamukuá; sumba ki uabhela Nzambi, u ngi tele-nâ mázui koko ku tuia.

Dialuilu 24:9

Ua butama, ua zeka kala hoji, mamʼa hoji mukuâ; nanhi u mu lokalala? A-zediue oso a ku zediuisa, a a bhubhidile oso a ku bhubhidila.

Jipoxolo 16:16

Mu kukala kuenioko, kizuua kimoxi ki tu kala mu kuia ku kididi kia kusambela, tu takana ni kahatu uala ni kithûtha kia kuzambula. Muenʼiú mukua kunganhalesa jingana jê kitadi kiavulu mu kuzambula kuê.

Matendelelu 23:4

Mbata o ki mua tundile ku Ijito, ene a ditunine ku mi kauidila mu njila ni mbolo ni menha; ni mukonda ue dia kulukala Balamu, monʼa Beole ku Petole ia Mezopotamiia, phala ku mi ta mázui.

Josuué 24:9

Balaki-phe, monʼa Zipolo, sobha ia Mouabhe, uafundumuka ue, mu kúlua ita ni Izalaiele. Anga u tuma kukolomona Balamu, monʼa Beola, phala a mi bhubhidile ni mázui.

I Samuuele 17:43

Mukua Fidíxia anga u ambela Davidi, uixi: Kifua ua ngi mono ngi ímbua, uala ku ngʼendela ni mbangala? Mukua Fidíxia anga u xinga Davidi jindaka ni ku di hambelela ku jinzambi jê.