Dialuilu 22:5 - O Mikanda Ikola

⁵ Anga u tuma jiphunga kua Balamu monʼa Beola, bhu Petolo, bhu mbandu ia njila, iene ixi ia undundu uê, phala ku mu kolomona, uixi: Kunu-ze kueza kituxi kia tundu mu Ijitu; a tula ixi ioso, o bhua tula a ngi zukama kiá.

Dialuilu 22:5 ပူးပေါင်းရင်းမြစ်များ

Dimatekenu 13:16

Mbutu ié nga kà i sokolola mukuâ ni fufutila ia mavu, i bhinga se muthu u tena kualula o fufuta ia mavu, ni mbutu ié-eie ua kà i alula ue.

Jisálamu 105:24

Muene anga u sokolola kiavulu o muiji uê, hé u a bhana kukala ni nguzu, o jinguma jâ ndenge.

Makatukilu 10:15

Kuma kiezalesa ixi ioso, mavu oso a kusuka ni ene nguí ni kihoho, anga ki dia o iangu ioso ku mavu, ni ibundu ioso ku miẋi, ni ioso kiá ia subhuka ku matadi a mvula; katé ku miẋi ioso ni ku idima, ni kiangu ngó ki ki xala-ku mʼoxi ioso ia Ijitu, tundé ku mbámbe katé ku mbámbe ia mukuá.

Mikeia 6:5

Banza-kiu hanji, muiji uami, tata! kia ku kanena Balaki sobha ia Mouabhe, ni kioso kia mu vutuila Balamu monʼa Beola; banza hanji o ima ioso i ua bhiti na-iu tunde bhu Sitimi katé bhu Jidingale, nda uijiie o kuiuka kua Jihova ni mabatuilu mê.

Dialuilu 23:7

Anga u kuata kifika kiê, uixi: Balake dia sobha ia Mouabhe ua ngi takana ku Alame, Mouabhe ua ngi kolomona muene ku milundu ia thunda, uixi: Zá u ngi bhubhidile Jakobo, uta muene mázui kua Izalaiele.

Dialuilu 31:8

Jisobha ja Midiiane anga a ji jibhila kumoxi ni athu amukuá afu: ni Evi, ni Lekeme, ni Zule, ni Hule, ni Leba, jisobha jitanu ja Midiiane, ni Balamu dia Beola ue a mu jibha ni xibhata.

Matendelelu 23:4

Mbata o ki mua tundile ku Ijito, ene a ditunine ku mi kauidila mu njila ni mbolo ni menha; ni mukonda ue dia kulukala Balamu, monʼa Beole ku Petole ia Mezopotamiia, phala ku mi ta mázui.

Matendelelu 23:5

Maji o Jihova phe ka ẋikinine kuívua ki zuela Balamu; inda Jihova Nzambi ié o mázui ua ma bilula dibesá; mbata Jihova Nzambi ié ua ku zola.

Josuué 13:22

Anʼa Izalaiele ue a jibhile Balamu, monʼa Beola, kimbanda kia kuzambula, ni amukuá dingi oso a a jibhile kuala ene.

Josuué 24:9

Balaki-phe, monʼa Zipolo, sobha ia Mouabhe, uafundumuka ue, mu kúlua ita ni Izalaiele. Anga u tuma kukolomona Balamu, monʼa Beola, phala a mi bhubhidile ni mázui.

Juda 1:11

Lamba diâ! Kuma a kaiela mu njila ia Kaini! Mukonda dia luimbi lua kitadi, a texikila mu kutondala kua Balamu, ua bhindamenéne o nganhu! A buikila mu kuxibhaka kala Kola kia xibhakele iú ua buika.

Dijingunuinu 2:14

Sai-phe tuma tuofele tu nga ku êlesa; mukonda sai-ku amoxi-mu bhenhobho a kuata o ulongelu ua Balamu ua longesele Balaki kuta kidibhukanu bhu pholo ia anʼa Izalaiele, mu ku a longesa kuila a fuama kúdia jisata ja makudia ma satela itèka, ni kubhanga maundumbu.