Dialuilu 22:34 - O Mikanda Ikola

³⁴ Balamu anga u zuela, uixi: Nga te kituxi; kuma ki nga kʼijidile kuila eie ua ngʼimanena mu njila; kiki-phe hé kia ku iibhila, zá ngi vutuke ku nga tundu.

Dialuilu 22:34 ပူးပေါင်းရင်းမြစ်များ

II Samuuele 12:13

Davidi anga u ambela Natane, uixi: Nga te kituxi kua Jihova. Natane anga u ambela ue Davidi, uixi: Kidi, maji Jihova ua ku loloka kiá kituxi kié, kua-nda kufua, kana.

I Malunda 21:7

Hundu iii ue, Nzambi ua i mono kuiibha ku mesu mê, kia mu bhangesa kukuama Izalaiele.

Jisálamu 78:34

Muene uila u a jibha, ene kiene kiua kia mu kenga; a diela hé a vutuka ni kusota Nzambi makidikidi.

Makatukilu 9:27

Bhenhobho Falaó u tuma kuixana Mozé ni Alá, u a ambela, uixi: Kumbʼidi nga te muene kituxi; Jihova kidi kiê, ualunguʼê, ni eme ni mundu uami tua bhukumuka.

Jisabhu 24:18

Jihova ua vula ku ki mona, anga ki mu ibhila ku mesu mé, anga njinda iê u i zumbula kua ió.

Dialuilu 11:1

Kifuẋi anga ki kala mu longolola, a zuela ima iaiibha mu mátui ma Jihova; Jihova-phe kia kʼivu njinda i mu kuata; túbhia tua Jihova anga tu uama muʼaxaxi kâ, o bhua suku kilômbo, hé enda ni kuaúka.

Dialuilu 14:40

Ki kúkia a di meneka ku thala dia mulundu, exi: Kiki, etu-ú, banda muene ku kididi kia tu tangela Jihova, kuma tua te kituxi.

Dialuilu 22:12

Nzambi anga u ambela Balamu, uixi: Kana kuia-nâ; ni kituxi kiki kana ku a ta mázui; kuma ala ni kuzediua.

Dialuilu 22:33

Bulu-phe ia ngi mono, ia ngʼebha kiá lutatu; hé ki iene ku ngʼebha, ni kidi kiene hinu nga ku jibha, bulu iene ieji kuxalé ni muenhu.

I Samuuele 15:24

Saúlo anga u ambela Samuuele, uixi: Nga te kituxi; kuma nga tondala kia ngi tumu Jihova, ni kizuelu kié-eie; mukonda nga kexe ni uoma ua mundu, eme ngevu dízui diâ.

I Samuuele 15:30

Muene bhenhobho uixi: Nga te kituxi; kiki-phe ngi bhange kia ngó ujitu, nga ku diondo, bhu pholo ia adiakimi a mundu, ni bhu pholo ia Izalaiele, nda uize u ngi bheke, phala ngi bheze Jihova Nzambi ié.

I Samuuele 24:17

Anga u ambela Davidi, uixi: Eie ua lungu, ki ngi lungu eme; kuma ku thandu dia eme ku ku bhanga phulu, eie ua ngi bhange mbote.

I Samuuele 26:21

Saúlo bhenhobho anga u zuela, uixi: Nga bhange kiaiibha! Vutuka monʼami Davidi, kuma ki nga-nda ku ku bhanga dingi phulu; mukonda muenhu uami eie lelu ua u kiti kima kikôla. Ni kidi muene nga bhange uoua, nga tondala kiavulu muene.