Dialuilu 22:3 - O Mikanda Ikola

³ Mouabhe u kala ni uoma uavulu mukonda dia kifuẋi kiki, kuma avulu; Mouabhe anga u bhondalala mukonda dia anʼa Izalaiele.

Dialuilu 22:3 ပူးပေါင်းရင်းမြစ်များ

Nehemiia 13:2

Mbata ene ka tundile mu kauidila anʼa Izalaiele ni kúdia ni menha; inda a kasele Balamu kuiza mu ku a bhubhidila; sumbala o kubhubhidila kuê Nzambi ietu ua ku kituile madibesá.

Jisálamu 53:5

A tukumuka-phe uoma ua a kuata, sumbala kingumba ki ki moneka; kuma Nzambi ua muange ifuba ia ió oso ejiie ku ku lokalala; jisonhi ja a kuata, mukonda Nzambi ua a tobhesa.

Makatukilu 1:12

Maji kioso-phe kiala kuenda ni ku a talesa hadi, ene ia aia ni kusokoloka dingi ni ku di uanena dingi mu ixi. Ene anga aia ni kukala ni hele ia anʼa Izalaiele.

Makatukilu 15:15

Mavunda a Idomo a diuana; mazonda a Mouabhe kua exa kìmbulambula; akuaʼaxi ia Kanana a botomoka.

Makatukilu 23:27

Ngi tumikisa uoma uami bhu pholo ienu, kuma uene u bhesa lusolo ifuẋi ioso i mua kà sanga; ngi bhangesa kuila o jinguma jenu ji mi bhana makunda mu ku mi lenga.

Izaía 23:5

Kioso kianda kuiza njinbu ia Tilu, bhua-ndu kala misusu kala kiejile jinjimbu ja divuua dia Ijitu.

Matendelelu 2:25

Tunde lelu dienhidi nga-nda kuandeka kuta kimbuua ni uoma ué ku thandu dia mundu uoso bhoxʼabha; oso kiá a ku ivua o fuma, enda ni kuteketa bhu pholo ié a bhondalala ni uoma, mukonda dié-eie.

Josuué 2:24

Ambela Josuué, exi: O kutanga kidi, ixi ioso iii Jihova ua i bhana kiá bhu makuʼetu kuma akuaʼxi ene oso iá teketa kiá ni uoma mukonda dietu.

Josuué 9:24

Ene-phe a kumbulula Josuué, exi: Etu, o kia tu bhangesa kiki, uoma ua kúfua, mbata kutanga o kidi, tuevu a tu kundu-kiu muene kuma o Jihova Nzambi ié ua tangela Mozé, selevende iê, kuila oxi ioso iii hinu u mi bhana-iu enu, o mundu uoso ua tunga-mu u u jikinisa; tuexi-phe, etu tuafu-ó.