Dialuilu 22:23 - O Mikanda Ikola

²³ Bulu anga i mona anju ia Jihova uemana mu njila, xibhata iê ua i tomona, ua i kuata bhu lukuaku; bulu anga i xia mu njila iia mu iangu; Balamu anga u i beta phala ku i bheka dingi mu njila.

Dialuilu 22:23 ပူးပေါင်းရင်းမြစ်များ

II Jisobha 6:17

Ilizeu hé u samba, uixi: Nga kudiondo, Jihova, mu jikule mesu phala a mone. Jihova anga u jikula o mesu a mubhika, muene hé u mona; u tula mulundu uoso uezala jikabalu ni makalu a túbhia ku jimbandu joso ja Ilizeu.

I Malunda 21:16

O Davidi, mu kuzambula mesu mê, uamono o anju ia Jihova, iemana mu dinga ni dinga, mu mbambe iaʼxi ni diulu, ni xibhata ia fuomona ma kizu ia kuata bhu lukuaku luê, ialeka mu kubuikisa Jeluzaleme. Kienhokio Davidi-phe ni makota moso, a zuata jisaku ja idinhaji, a dibhala o jipholo jâ bhoxi.

Jelemiia 8:7

Katé ni dibanda bhulu, uejiia ithangana iê ia mu xindila; o diembe ni munzoue ni phiaphia a tongolola kiambote o kithangana kiâ kia kuvutukila kua tundu; maji o mundu uami-phe, ua lémbua kuijiia ubatuilu ua Jihova.

Daniiele 10:7

Eme-muène-phe ngó ngi Daniiele nga mono kisuma kiókio; athu nga kexe-nâ kumoxi ka ki mono; sumbala kiene, maji kua eza kimbuua, anga alenga ni uoma hé a suama.

Dialuilu 22:22

Njinda ia Nzambi anga i uama kia mu mono uaii; anju ia Jihova anga u mu batuila mu njila, ua di bhange nguma. Tala, Balamu hé uia ni kuenda mu njila, ua sambela ku bulu iê, ni abhikʼé kiiadi a muia-nê kumoxi.

Dialuilu 22:24

Maji o anju ia Jihova phe anga uimana dingi bhua phophama o njila, mu kaẋi ka isoka ia mivide, bhuedi kuku lumbu, kuku lumbu.

Jipoxolo 22:9

Mala ene ngende-nâ, o mukengeji a u mono kidi. O dizui-phe ka dʼivu dia ió ua ngi zuelesa.

Josuué 5:13

Anga ki bhita kuila, kioso kiala Josuué mu mukáu ua Jedikó, u zambula mesu, u tukumuka diiala diemana ua di bhana-nê pholo, lukuaku lué lua kuata xibhata ia fomona mu kizu; Josuué anga u mu bhiẋila, uixi: Eie ua di bande kokuetuʼetu, inga ku jinguma jetu?

II Phetele 2:16

Muène-phe a mu bazelele mukonda dia kituxi kiê. Bûlu iê, kiama ki kiene kuzuela, anga i zuela ni dizui dia muthu, hé i fudisa polofeta kusaluka.

Juda 1:11

Lamba diâ! Kuma a kaiela mu njila ia Kaini! Mukonda dia luimbi lua kitadi, a texikila mu kutondala kua Balamu, ua bhindamenéne o nganhu! A buikila mu kuxibhaka kala Kola kia xibhakele iú ua buika.