Dialuilu 22:21 - O Mikanda Ikola

²¹ Kúkia ni kimene, Balamu u balumuka, u zuika bulu iê ia mukaji, uila kumoxi ni ilamba ia Mouabhe.

Dialuilu 22:21 ပူးပေါင်းရင်းမြစ်များ

Dimatekenu 22:3

Kúkia ni kimene, Mbalahamu anga u balumuka, u zuika o bulu iê, uambata selevende jiiadi, ni monʼê Izake; u ẋanga ue jihuinhi ja sata ia kuoha, anga u katuka, uia ku kididi kia mu idikiza Nzambi.

Jisabhu 28:18

Muthu uoso uenda ni muẋima ua iuka, hinu ua kà bhuluka; maji o ua kuata-phe mauendelu ma bhangalala, kà nanga kúfua mu dikungu.

II Phetele 2:15

A jimbila, iá ala kubungana ngó, kuma njila ia kidi a tokoka ku i ijiia! A kaiela mu njila ia Balamu, monʼa Beola, uandalele o nganhu ia kitadi mu kubhanga kia iibha.

II Phetele 2:16

Muène-phe a mu bazelele mukonda dia kituxi kiê. Bûlu iê, kiama ki kiene kuzuela, anga i zuela ni dizui dia muthu, hé i fudisa polofeta kusaluka.