Athu engi a ku bhikile, Miiji ia kanga i ku bheza; Kala u ngana u tumina phange jê, Anʼa mamʼenu ende ni ku ku diundila. A kale mukua mázui uoso u ku ta eie o mázui A kale ni dibesá uoso u ku bha dibesá.
Anga u kuata kifika kiê, uixi: Balake dia sobha ia Mouabhe ua ngi takana ku Alame, Mouabhe ua ngi kolomona muene ku milundu ia thunda, uixi: Zá u ngi bhubhidile Jakobo, uta muene mázui kua Izalaiele.
Bhenhobho Balake njinda i mu kuata ia Balamu, u beta makanda a maku; Balake anga u ambela Balamu, uixi: Nga ku kolomona phala jinguma jami u ngi tele-nâ mázui; ua mono-phe, ua a te kizediuise kioso, mu lutatu luosʼulu!
Mukua Fidíxia anga u ambela Davidi, uixi: Kifua ua ngi mono ngi ímbua, uala ku ngʼendela ni mbangala? Mukua Fidíxia anga u xinga Davidi jindaka ni ku di hambelela ku jinzambi jê.