9 Mozé anga u iudika nhoka ia ngôndo, hé u i tudika ku muẋi; anga ki bhita muene; hé muthu a mu numata kuala nhoka, kia tala ku nhoka ia ngôndo, u bhuluka.
Kuma muenʼiú ua katula o matala oso, o italamu ioso ua i bula-bula, o mixitu ua i kokela bhoxi, o nhoka ia utadi ia bhangele Mozé muene ua i tuetujula; mukonda katé hanji bhu kizuua kieneʼokio, o anʼa Izalele a kexi mu i ohela uasu ua dizumba ni ku ixana, exi: Nehuxtane.
O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.
Mbata o vondadi ia Tata iami ienhiʼii: Kuila uoso ua tale ku Mona, iú ua mu xikana, a kale ni muenhu ki úabhua; eme-phe ngi mu fukununa mu kizuua kia kà suka-ku.
Kuma o Njimbu Iambote iene ia tu idikisa kioso Nzambi kia tu xikina, etu tua lungila mu kuxikana; kuma mu kuxikana ngó mu tu lungila. Kala kia ki soneka mu Mikanda Ikôla exi: Uoso a mu xikina kua Nzambi mu kuxikana, ió u laia.
Kima kia lémbua o Kitumu kia Mozé mukonda dia kubhuila kuê mu xitu, Nzambi ua ki bhange muène mu kikexilu kia xitu, ituxi ua i êlesa mu kutumikisa Monʼ ê muène, mu kidifua kia xitu ia ituxi, mu kufuila o ituxi, mbé ituxi na tene ku i zubha-ku.
Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.
Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.
Uoso u jijila kuta ituxi, ua tokala kua Diabhu, kuma o Diabhu mukua ituxi tundé ku dimatekenu dia mundu. Kiene kia bhekelele Monʼa Nzambi kutukuluka, phala a muange o ikalakalu iene mu bhanga Diabhu.