Anga mu nzala iâ u a bhana kúdia mbolo ia diulu, o mu dinhota diâ u a katuila menha a fuáfua mu ditadi; Eie anga u a tangela kuila a bokone kiá mu tambula o ixi i nga lekela o lukuaku ni kuloka ngixi ngʼa bhana-iu muene.
Bhenhobho, ni Mozé ni Alá a tunda bhu pholo ia kilômbo, hé aia bhu muelu ua balaka ia kutakanena, anga a di ṗhudikila o jipholo bhoxi; hé o kubenha kua Jihova kua tukulukila.
Katula mbangala, u bhongolole o kilômbo, ni eie ni phangʼié Alá, anga bhu mesu mâ, mu zuelela o ndangji o iene i bhane o menha mê; kienhiki mua-nda ku a katuila o menha mu ndanji, anga mua kà bhana kúnua ku kifuẋi ni ibhaku iâ.
