Dialuilu 20:21 - O Mikanda Ikola

²¹ Kienhiki kia ditunu Idomo kuenzela Izalaiele kubhita mu ixi iê; mukonda dia kiki Izalaiele uela kuengi, ua mu xi.

Dialuilu 20:21 ပူးပေါင်းရင်းမြစ်များ

II Malunda 20:10

Tala-phe kindala o anʼa Amone, ni anʼa Mouabhi, ni akua milundu ia Seíle, u ua fudixile Izalaiele kubhita mu kaẋi kâ, kia kexe mu kuiza, a mu tunda mʼoxi ia Ijitu, anga a a kunga muene, a bhita kuengi, hé a fula o ku a jikinisa,

Dialuilu 21:23

Sihone-phe nguê kuehela Izalaiele kubhita mʼoxi iê; Sihone anga u bhongolola mundu uê; uia mu sota kutakana ni Izalaiele mu kikangalakata; u a sanga bhu Jahaze; u kuata kulua-nâ.

Dialuilu 21:4

Anga a katuka bhu mulundu ua Hole, éla ia Kalunga Kakusuka, phala ixi ia Idomo a i kondoloke; kifuẋi anga ki thathamana muxima mukonda dia njila.

Matendelelu 2:27

Ngʼehele ngi bhite moxi ié; ngenda muene kikokʼé o kikoka; ki nganda kuabhuka ku kadilu mba ku kiasu.

Matendelelu 2:29

kala kia ngʼenzela anʼa Izaú, a tungu mu Seíle, ni akua-Mouabhe a tungu mu Ale; katé ki nga-nda kuzaúka Njolodá, anga ngi bokona mu ixi ia-nda ku tu bhana kuala Jihova Nzambi ietu.

Matendelelu 23:7

Mukua Edomo kana ku mu zemba, ku mu mone uthu uengi, mbata phangʼié; mukua Ijito ue ku mu suekele pholo, kuma ua ku zalelele kiá mʼoxi iê.

Afundixi 11:17

Bhenhobho Izalaiele anga a katula jiphunga jiia kua sobha ia Edomo, exi: Tua ku diondo, u tuʼehele kubhita mʼoxi ié, sobha ia Edomo-phe ka xikina ku a evua. Kiene kimoxi u tuma kua sobha ia Mouabhe, muene-phe ue ka xikina; Izalaiele anga a xikama bhu Kadexi.

Afundixi 11:18

Ku izuua anga a vutukila mu kikangalakata, ixi ia Edomo a i kondoloka, ni ixi ia Mouabhe; o ixi ia Mouabhe anga a i kunga ku mbandu ia thunda, eza a ta kibangu kiâ ku sámbua dia Anone; mbambe-phe ka i bokona ia ixi ia Mouabhe, kuma Mouabhe mbambe iê Anone.

Afundixi 11:24

Eie ku bhingana ixi ioso i ku bhana nzambi ié Kemoxi ku i bhingana? Oso phe a a tubhula kuala Jihova Nzambi ietu, a a kaie bhu pholo ietu, etu tu a bhingana.