Dialuilu 20:17 - O Mikanda Ikola

¹⁷ Tuehele-phe kubhita mʼoxi ié; ki tua-nda kubhita ku mábhia, mba mu isoka ikokʼé-ikoka; ki tu bhambuka ku kadilu, mba tui bhambuka ku kiasu, katé mu jimbambe jé tua somboka-mu.

Dialuilu 20:17 ပူးပေါင်းရင်းမြစ်များ

II Malunda 20:10

Tala-phe kindala o anʼa Amone, ni anʼa Mouabhi, ni akua milundu ia Seíle, u ua fudixile Izalaiele kubhita mu kaẋi kâ, kia kexe mu kuiza, a mu tunda mʼoxi ia Ijitu, anga a a kunga muene, a bhita kuengi, hé a fula o ku a jikinisa,

Dialuilu 21:1

Kiki mukua Kanana, sobha Alade, ua tungu mu Sulu, kievu kuila Izalaiele uala kuijiia mu njila mua bhitile ilolo, u tunda mu kulua-nâ, amukuá anga ua kuta, aia-nâ, hutile jê.

Matendelelu 2:27

Ngʼehele ngi bhite moxi ié; ngenda muene kikokʼé o kikoka; ki nganda kuabhuka ku kadilu mba ku kiasu.

Matendelelu 2:28

Kúdia kuoso ku ngidia u ngi sumbisa-ku mu kitadi; o menha ue u ngi sumbisa-na-u mu kitadi, oso u nginua; hé kima ngi bhe ngó disesa dia kusombokʼami,

Matendelelu 2:29

kala kia ngʼenzela anʼa Izaú, a tungu mu Seíle, ni akua-Mouabhe a tungu mu Ale; katé ki nga-nda kuzaúka Njolodá, anga ngi bokona mu ixi ia-nda ku tu bhana kuala Jihova Nzambi ietu.