Dialuilu 20:16 - O Mikanda Ikola

¹⁶ Etuʼetu tua di kola kua Jihova, o muene iú uevu o dízui dietu, iú ua tumikisa anju iê, i ia tu katula mu Ijitu; o kiki-phe tuala bhabha bhu Kadexi, dibhata diasu o mbambe ni ixi ié.

Dialuilu 20:16 ပူးပေါင်းရင်းမြစ်များ

Makatukilu 14:10

Kia zukama Falaó, anʼa Izalaiele a zambula mesu, a mona Ijitu ioso ia solomoka mu ku a kaiela; anga a bhuuama ni uoma, a dikola kua Jihova.

Makatukilu 14:19

O Anjo ia Jihova ia tuanemena o kilômbo kia Izalaiele, anga i tunda ku pholo iâ iza hé i a kalela ku dima; ni philadi ia dituta i tunda ku pholo ku ia kexile, ieza, iemana ku dima diâ.

Makatukilu 23:20

Talesa, ngi tuma anju iami ku mi diangela ku pholo ienu, phala a mi lange mu njila iii, mbé a mi bheke ku kididi ki nga mi iudikila.

Makatukilu 33:2

Nga-nda kutuma-phe Anju ku ku tuamenena; o Makanana, ni Mamodi, ni Mahiti, ni Mapelezi, ni Mahivi, ni Majebusi, nga-nda ku a kaia-mu;

Makatukilu 6:5

O kukema kua anʼa Izalaiele nga ku ivu, a a bhake mu ubhika kuala akua Ijitu; eme nga lembalala o kikutu kiami.

Daniiele 6:22

Nzambi iami uatumina anjo iê, iú uajika o makanu ma jihoje, phala ki ji ngi kuame mukonda bhu pholo iê ka ngi sange ni kikuma; né-mbe ko kuê, sobha, eme ki nga ku te kituxi kia kima.

Dialuilu 20:15

ni kioso o jitata jetu kia kulumukine ku Ijitu, etuʼetu tua tungu ndumba dia izuua mu Ijitu; ni kioso akua Ijitu kia tu bhanga jinga o usuéia, ni etu ni jitata jetu.

Dialuilu 21:22

Ngʼehele kubhita mʼoxi ié; ki tu abhuka mu mábhia, kana, mba mu isoka ia mivide; ku menha a ixima ki tu nu-ku; tuendela ngó mu ikoka iatu, katé mu mbambe ié tua somboka-mu.

Dialuilu 33:37

Kutunda bhu Kadexi, kibangu mu mulundu ua Hole, bhene bhu mbambe ia ixi ia Idomo.

Matendelelu 4:34

Inga kua kexi kiá Nzambi ua xikina o kutambula kifuẋi phala muene nuʼaxaxe ka athu engi, ni jipolova ni isuma, ni madiuanu, ni kúlua mvunda, ni lukuaku lua suina, lua sununuka, ni ima iavulu i kuatesa uoma kala ia bhange Jihova Nzambi ienu, ku mesuʼenu, mu Ijito?

Matendelelu 4:37

Mukonda muene ua zola adié, iu ua sola o mbutu iâ, iú ua i tungula kioso ene kia zubha kúfua, muene ua ku katula eie mʼoxi ia Ijito ni undanda ua nguzu iê.

Josuué 15:1

Muondona-phe uabuila kibuka kia anʼa Judá, ku majiku-majiku, ia bhela katé mu mbambe ia Edomo, kikangalakata kia Zini kia xala ku sulu, katé kua sukila o mbandu ia sulu.