Dialuilu 19:9 - O Mikanda Ikola

⁹ Bhu kala muthu ua zele uongeka o uthôkua ua seseme ia ngombe, anga ua kà u tula ku kanga dia kibangu, bhu kididi kia zele, hé a u bhakela o kionge kioso kia anʼa Izalaiele, ene o menha a dibônzo; kienhókio o kiamenga kia kituxi.

Dialuilu 19:9 ပူးပေါင်းရင်းမြစ်များ

Ijila 15:20

Ni ima ioso i a zala bhua zeka, mu izuua ioso ia kala mu ijiia kiki, iene ioso ikasana ue; ima ioso ue ia xikama muene ikasana ue.

Zakadiia 13:1

Bhu kumbiʼodio kua kà kala fiẋi ia jikuka phala o dibhata dia Davidi, ni iá a tungu mu Jeluzaleme, phala ku dizelesa ku ituxi ni ufusa.

Dialuilu 19:13

Ió uoso u kuata ku file ioso-ioso, mba kimbi kioso-kioso kia muthu ua fu, hé u kamba o ku di zelesa ku dibônzo, ió u bhekesa lufuku ku balaka ia Jihova; O muenhu ió mu Izalaiele a kà u batula-mu; mbata o menha a dibônzo ka mu sangela-u ku thandu diê, ua kasana; o kukasana kuê iú-uê na-ku hanji momuʼê.

Dialuilu 19:17

Phala ió uoso ua kasana, a katula-phe ku utôka ua kiohela kia kiamenga kia kituxi, o ku thandu dia utôka uenhú a ta-ku menha a fema, mu kitutu.

Dialuilu 19:18

Anga bhu kala muthu ua zele u zangula hisopo, hé u i bonda mu menha enhô anga ua sangela ku balaka ioio, ni ku imbamba ioso, ni ku athu oso a kala momo; uixi ue kua ió uoso ua kuata ku ifuba, mba ku muthu uoso-uoso a mu jibha, mba ió uafu, mba ku mbila.

Dialuilu 19:3

Anga mu i bhana kua Eliiazale, o nganga; o muene hé uia na-iu ku kanga dia kibangu, anga a i batuila o xingu bhu pholo iê.

Dialuilu 19:8

Uoso ue uoha o seseme ia ngombe u sukula o izuatu iê mu menha, hé u dʼiẋika o mukutu uê mu menha, anga u kasana muene katé mu ngoloxi.

Dialuilu 6:12

Anga u di lumbila kua Jihova luamukuá dingi, u bhanga izuua iê ia unazilé, u bheka kilumbe kia mbudi, kia muvu umoxi ku sata iê ia kuêla; o izuua ia dianga kubhanga-phe, i aie ngó; mukonda mu kaẋi ka ku di lumba, mua muiza ku kasana.

Dialuilu 8:7

U a bhanga kienhiki mu ku a bonza: u a sangela menha ma dibônzo, a bhitisa phoko ia bhutu ku mukutu uoso, a sukule izuatu iâ, a dʼiẋike, a zele.

Dialuilu 9:13

Uoso-phe ua zedié, kai mu uenji, maji u fula kubhitisa Phasu, ió muthu ua ku mu batula mu kifuẋi kiê; mukonda ka bhitisa ujitu ua Jihova bhu kizuua kiê kia xindi; muthu ió kituxi ki kala ku thandu diê.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

II Kolindo 7:1

O ki tualʼ iki, enu akuetu, o ikanenu ioso ienʼ iii ia tu tokala etuene. Tu dʼ iẋikienu, ni tu bhue o ufusa uoso ua xitu ni ua nzumbi, ni tu zubhe o kuzela, tu kale mù xila Nzambi.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

Jihebeleu 9:13

O manhinga ma jihombo ni jingombe, ni uthokua ua vitela ia ngombe, a u sangela ku thandu dia athu a xidi mu kukumbidila o kijila, phala ku a zelesa o mukutu ku kanga.