Dialuilu 19:13 - O Mikanda Ikola

¹³ Ió uoso u kuata ku file ioso-ioso, mba kimbi kioso-kioso kia muthu ua fu, hé u kamba o ku di zelesa ku dibônzo, ió u bhekesa lufuku ku balaka ia Jihova; O muenhu ió mu Izalaiele a kà u batula-mu; mbata o menha a dibônzo ka mu sangela-u ku thandu diê, ua kasana; o kukasana kuê iú-uê na-ku hanji momuʼê.

Dialuilu 19:13 ပူးပေါင်းရင်းမြစ်များ

Makatukilu 30:33

Uoso u iudika maji kala iá, mba u a ta ku mukutu ua muthu uengi, ió muthu ua ku mu batula mu jindandu jê.

Jisabhu 14:32

Kisuéia, o usuéia uê uene ua-nda ku mu kakula; maji o muthu Uaiuka-phe, katé ni mu kúfua kuê, hanji sai kia dielela.

Izekiiele 44:26

O kioso kia zubha o ku di bonza, a mu xindila sambuadi dia kizuua.

Ijila 15:31

Bhangenu jinga kienhiki, mu tungule anʼa Izalaiele, mbe o ufusa uâ u di kalele, ka bheke lufûku ku balaka iami iala momuâ, ni kiʼa bhekela kalunga.

Ijila 20:3

Eme uami muthu íó ngi di lulama-nê o pholo mu kuzoka-nê anga ngi mu mona bhu-aia, katé ki nga-nda ku mu batula mu kifuẋi kiê; mukonda ua katula ku mbutu iê iu ua bhakuila Mulôko; mu kubhanga kiki-phe, uakasanesa o dibhezelu diami dikola, iu ua sebulula o dijina diami diangene.

Ijila 22:3

A tangele: Uoso muthu, ku miiji ienu, ku mbutu ienu ioso-lolo u di thethemeka ku ima ioso ikôla anʼa Izalaiele a i tungula phala Jihova, o muene sai kukasana kuala na-ku, muthu ukala kiki a mu batula bhu pholo iami nʼa ngi bhue ku mesu; Eme Jihova.

Ijila 22:4

Ku mbutu ia Alá, se kuala muthu uala ni dibhute, mba kibhubhe kia manhinga, kana ku mu ehela kúdia ku ima ikôla, kale uiluka hanji; kiene ue kimoxi ni ió uoso uababata ku kima kia kasana kia muthu uafu, ni diiala uoso uatundu mu sendumuna o mbutu ia luvalu kindala,

Ijila 5:17

Se muthu u ta kituxi, u bhanga kima kioso-kioso ku ima ia kidika Jihova kuila kana ku i bhanga; né muene ka kʼijiia, hanji u kala ni kuêla, o kikuma kiê uenda na-kiu, ka tena kulunga.

Ijila 5:3

Mba se ua babata ku dixilu dia muthu uaxidi, se ku kʼijiia, dixidilu dioso kiá muthu ió dia dikasanesa na-diu; kia-ndu zubha ku kʼijiia u kala ni kuêla.

Ijila 5:6

a bheke-phe kua Jihova mu kuêla kuê, sata ia kusatela kituxi kiê kia te, kibhaku kia e mukaji, mba mbudi mba hombo, mu sata ia kituxi; nganga anga u mu bhangela kiamenga mukonda dia kituxi kiê.

Ijila 7:20

Maji muthu uoso-phe uala ni kuxila nʼa die ku xitu ia sata ia paze, iangene ia Jihova, ió muthu ua ku mu batula mu junda ia povo iê.

Ijila 7:21

Se muthu uoso ua babata ku kima kia xidi, kuxila kua muthu, mba kuxila kua kiama, mba kuxila kua lufuku luoso-luoso, kia tunda-ku nʼeza mu dia ku xitu ia sata ia paze, iangene ia satela Jihova, ió muthu ua ku mu batula mu kionge kia mundu uê.

Dialuilu 15:30

Muthu uoso-phe u ta kituxi ku luelu, a kale mvàle, a kale nzuángiza, ua bhumina Jihova, muthu ua ku mu batula ku kifuẋi kiê.

Dialuilu 19:14

Kienhiki kiene o kijila se kúfua muthu uoso-uoso mu balaka ioso-ioso: muthu uoso-uoso kiá u bokona mu balaka ioio, mba uoso-uoso kiá u kala mu balaka ienhoio, u kasana mu sambuadi dia kizuua.

Dialuilu 19:18

Anga bhu kala muthu ua zele u zangula hisopo, hé u i bonda mu menha enhô anga ua sangela ku balaka ioio, ni ku imbamba ioso, ni ku athu oso a kala momo; uixi ue kua ió uoso ua kuata ku ifuba, mba ku muthu uoso-uoso a mu jibha, mba ió uafu, mba ku mbila.

Dialuilu 19:19

O ua zele, u sangela menha kua iú ua xidi mu kizuua kia katatu ni kia kasambuadi; mu kizuua kia kasambuadi-phe u mu zelesa; o muenhó ua kexile kikásane u sukula o izuatu iê, hé u zoua mu menha, o ku kiemba nʼa zele kiua.

Dialuilu 19:20

Maji-phe, uoso u kasana anga u kamba o ku di bonza nʼa zele, o muenhu ió mu kaẋi ka kionge a u batula-mu; mbata ua bheka lufuku ku dibhezelu dia Jihova: o menha a dibônzo (a zelesa) ka mu sangela-nâ ku thandu diê; ua kasana.

Dialuilu 19:9

Bhu kala muthu ua zele uongeka o uthôkua ua seseme ia ngombe, anga ua kà u tula ku kanga dia kibangu, bhu kididi kia zele, hé a u bhakela o kionge kioso kia anʼa Izalaiele, ene o menha a dibônzo; kienhókio o kiamenga kia kituxi.

Dialuilu 8:7

U a bhanga kienhiki mu ku a bonza: u a sangela menha ma dibônzo, a bhitisa phoko ia bhutu ku mukutu uoso, a sukule izuatu iâ, a dʼiẋike, a zele.

Dialuilu 9:13

Uoso-phe ua zedié, kai mu uenji, maji u fula kubhitisa Phasu, ió muthu ua ku mu batula mu kifuẋi kiê; mukonda ka bhitisa ujitu ua Jihova bhu kizuua kiê kia xindi; muthu ió kituxi ki kala ku thandu diê.

Nzuá 8:24

Kiene ki nga ki zuelela kuma muandʼ ufua mu ituxi ienu. Mbata se mua kambe ku ngi xikana eme, muandʼ ufua mu ituxi ienu.

Jihebeleu 10:29

Abha-phe kia kà bhita kiebhi ni ió ua ditunu o Monʼ a Nzambi, iú ua mono kuila o manhinga ma kikutu kia Nzambi ma mu kolêsa, kima kia ngoho? Kia kà bhita kiebhi ue ni uoso u lokalala o Nzumbi ia kiadi kia Nzambi? Xinganekenu-phe, se o kaxtiku kê ka mu tokala, ka kà soka kiebhi!

Jihebeleu 9:10

Iene ioso íii ia tange ngó makudia, ni makunua, ni nzungule ia jifesa ja ku di zelesa. Ilekelelu ia xitu i sedivila ngó kathangana katé Nzambi kia kà bhangulula o ima ioso.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 22:11

Uoso ua bukumuka, a jijile o kubhanga kiaiibha; uoso uala kifusa, a jijile o kubhanga ufusa; uoso uaiuka, a jijile o kubhanga ima ia kuiuka; o uoso uazele, a jijile o kukala ni kuzela.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.