Dialuilu 19:11 - O Mikanda Ikola

¹¹ Uoso u kuata ku file ioso-ioso, mba ku kimbi kia muthu, u kasana mu sambuadi dia kizuua.

Dialuilu 19:11 ပူးပေါင်းရင်းမြစ်များ

Izaía 52:11

Tundenu-ku, tudenu-ku, sondolokenu-bhu, kana kubabata kima kia ufusa; tundenu muʼaxaxi kâ, di-zelesienu enu oso muambata ingolongondo ia Jihova.

Kuditenda 4:14

A babajala mu kuenda kala ifofo mu jinzunga, a di kasanesa ni manhinga; Ki bhinga-phe muthu ka tena kubabata ku izuatu iâ.

Izekiiele 39:12

O muiji ua Izalaiele uene ua kʼènda ni ku a funda mu sambuadi dia mbeji, mbé kuzelesa o ixi.

Izekiiele 44:26

O kioso kia zubha o ku di bonza, a mu xindila sambuadi dia kizuua.

Ijila 11:31

iama iii i mi kale misekanda muene iahatu; kuila iafu kiá, uoso ngó u di bhiáuna-ku ua di kasanesa kiá, katé ku ngoloxi.

Ijila 21:1

Anga Jihova uambela kiua Mozé, uixi: Ambela jinganga, anʼa Alá, u a tangela kuma: Muthu a mu edi nganga ka kale mu kotamena kimbi kiafu mu ifuẋi iê, nʼa tambula-ku lufuku.

Ijila 21:11

ió ka tena kuzukama ku kimbi kioso-kioso, né-mbé phaiiʼâ, mba manhiʼâ, ka tena kutambuila-ku lufuku;

Ijila 22:4

Ku mbutu ia Alá, se kuala muthu uala ni dibhute, mba kibhubhe kia manhinga, kana ku mu ehela kúdia ku ima ikôla, kale uiluka hanji; kiene ue kimoxi ni ió uoso uababata ku kima kia kasana kia muthu uafu, ni diiala uoso uatundu mu sendumuna o mbutu ia luvalu kindala,

Ijila 5:2

Mba muthu ua kuata kima kiaxidi, mba kisasu kia kibhaku kia xidi, mba kisasu kia kibamba ki zanzala bhoxi, maji muene ka kʼijiia kiambote se kiene ki kia bhiti, se ua tambula lufuku, uala-phe ni kuêla.

Ajeu 2:13

Ajeu-phe, uixi: Se muthu ua kexile ni kuxila kuê, mukonda dia kubabata ku kimbi, muene anga u kuata ku ima iii, ima iii i kala ia xidi? O jinganga a vutula exi: Ia xidi muene.

Dialuilu 19:16

O ió ue uoso mu mukáu ua ngene ni ngene u babata kimbi kia muthu a mu jibha ni xibhata, mba kimbi kiengi, mba ku ifuba ia muthu uoso-uoso, mba ku mbila, u kasana mu sambuadi dia kizuua.

Dialuilu 31:19

Enu-phe, mu tula hanji mu kanga, ki muize luua mu kibangu, sambuadi dia kizuua; uoso-phe ua jibha muthu, mba ua kuata ku kimbi, kikale mu di bonza kizuua kia katatu ni kia kasambuadi, ni enu ni jihutile jenu.

Dialuilu 5:2

Tuma anʼa Izalaiele, a tubhule mu kibangu oso a kate dibhute, ni oso ku mikutu iâ kuala kutunda ima iabolo, ni oso a kasana mukonda dia imbi;

Dialuilu 6:6

Izuua ioso ia di lumbila kua Jihova, ka zukame ku kimbi.

Dialuilu 9:10

Tangela anʼa Izalaiele kuma, se bhu kala muthu ku muiji uenu u kala ni kuxila mukonda dia kukuata ku kimbi, mba u kamba kukala ku bhata mukonda dia kuenda njila ia dikanga, kiene kimoxi, ki ki mu fudisa kubhitisa Phasu ia Jihova.

Dialuilu 9:6

Anga bhu kala mala a kexile ni kuxila mukonda dia kukuata kimbi kia muthu; kiene kia a fudisa kubhitisa Phasu kizuua kienhókio; anga eza kua Mozé ni kua Alá, kizuua kienhókio;

Jipoxolo 21:26

Kieniokio Phaulu ua tambula o mal â kiuana kiâ, o kimene kiê anga u di bonzela-nâ kumoxi. Hé u bokona mu Tembulu u vizala bhoso bhu bhuila o izuua ia dibônzo, ni kioso ki anda kuzubha kubhana o ilumbu ia muthu ni muthu.

Jipoxolo 21:27

Ki kua kambele ngoho phala kuzubha o sambuadi dia izuua ia kudibônza, Jijudé ja akua Azia kia mono Phaulu mu Tembulu, a salumuna mundu, hé a mu kuata ni kukola,

Loma 5:12

Kala kiki, mukuâ ni kia bokona o ituxi mu ngongo ku muthu umoxi, o kufua kù kuejiia mu ituxi; kiene ue kia bhiti o kufua ku thandu dia athu oso, kuma ene oso ituxi a i te.

II Kolindo 6:17

Ngana muène uixi, dingi: Uila kiki, Tundenu mu mundu uâ, mu di kalele, eme ngi Ngana. Kana kubabata kima kia ufusa, eme nda ngi mi tambulule.

Efezo 2:1

Mʼukulu enu mua kexile mu afi mu nzumbi mukonda dia kuxibhaka kuenu kua Nzambi ni mukonda ue dia ituxi ienu.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.