Dialuilu 18:8 - O Mikanda Ikola

⁸ Jihova anga uambela dingi Alá, uixi: Tala-phe, kuma eme nga ku bhakuila o kilangidilu kia maujitu ami oso a kuzangumuna, kumoxi kiá ni ima ioso ikôla ia anʼa Izalaiele; mukonda dia ku ku unda ni maji, nga ku bhana na-iu eie ni anʼê, mu kijila ki nangenena katé ku hádia ni hádia.

Dialuilu 18:8 ပူးပေါင်းရင်းမြစ်များ

II Jisobha 12:16

Maji o kitadi kia sata ia mulonga ni kitadi kia sata ia ituxi, o kiókio ka kexi mu kuiza na-kiu kʼonzo ia Jihova, maji kia kexi mu kala kiangene kia jinganga.

II Malunda 31:4

Anga u tendelela o mundu, a tungu mu Jeluzaleme, kuila, o mbandu ia tokala o jinganga ni jilevita a i bhane; phala ene uâ a tene o ku di bhakula ngoho ku kitumu kia Jihova.

II Malunda 31:5

O kizuelu kienhiki kioso ki kia sambuka ku mbandu joso, anʼa Izalaiele a bheka ndumba dia idima ia mutômo ia tiliku, makúnua, ni maji, ni uiki, ni idima ioso kiá ia dima jinga ku mukáu; ni mbandu ia kakuinhi ku ima ioso ʻue, eza na-iu ni kuvula kuoso.

Makatukilu 28:43

a ji zuata ni Alá ni anʼê, kioso ki aia mu balaka ia kutakanena, mba ki a zukama ku kalatódio mu bhanga unganga uâ mu kididi kikôla; phala ka bonge kuêla nʼa fue; ki kala kijila ku thembu joso, ni kua muene ni ku mbutu iê hádia i mu bhingana.

Makatukilu 29:21

U katula ue ku manhinga mala ku kalatódio, ni ku maji a kuuesa, u ma sangela kua Alá, ni ku izuatu iê, ni ku anʼê ni ku izuatu ia anʼê kumoxi ni muene.

Makatukilu 29:28

Di kala diene o dikânda dia Alá ni anʼê, kuila kiâ ku anʼa Izalaiele ku thembu joso, dikânda dia kunomona, kuma a i nomona ku jisata ja paze ja bheka anʼa Izalaiele kua Jihova; ujitu uangene ua Jihova, kuma uene ujitu ua bheka anʼa Izalaiele kua Jihova.

Makatukilu 29:29

O izuatu ikola ia Alá, i kala ue ia anʼê oso a kà mu bhingana; iene ia unda na-iu, iene ia a lumbila na-iu ku unganga.

Makatukilu 40:13

Alá anga u mu zuika ni izuatu ikola, anga u mʼunda ni maji, u mu kôlese, phala a tene ku ngi kalakela ku unganga.

Makatukilu 40:15

anga u a unda ue ni maji, kala ki ua undu tatʼâ, mbé ene uâ a ngi kalakele ku unganga; o ku a unda kuâ ku kala kua unganga unangenena ku miiji iâ ioso.

Izaía 10:27

Anga kia kà bhita mu kizuua kieneʼokio, kuila kimbamba kia ku xinine Asídia bhu kisuxi, a kà ku tulula-kiu, ni kànga ioso ia ku kuzuikile muene mu xingu. O kànga a kà i sasujula mukonda dia athu ami nga undu ni maji.

Ijila 21:10

O nganga iadikota-phe, muʼaxaxi ka phange jê, a mu tunguile anga a mu lunduluila o maji ma ku undila, ia a mu lumbu phala kuzakela o izuatu ikola, nuka a vungununa mútue uê, mba utandůla izuatu iê;

Ijila 23:20

O nganga-phe a ji bhukile kuma sata ia kubhukila bhu pholo ia Jihova kumoxi ni jimbolo ja mutômo, ni tumbudi tuiadiʼoto; iii-phe iene o ima ikolʼiii ia Jihova phala o nganga.

Ijila 6:16

O ioso ia subhuka-ku, Alá ni anʼê ene a i dia; a i dia ia kambe felemendu, a i dila bhu kididi kikola; mu kithâdi kia balaka ia kutakanena muene mua i dila.

Ijila 6:18

Mala oso ku anʼa Alá ene a dia-ku; dikânda diâ izuua ioso, katé kua suka miji ienu, diókatule ku maujitu ma Jihova ma mu bhakuila ni túbhia; uoso u kuata-ku ua di bhange kiá muthu ukôla.

Ijila 6:20

Ujitu uenhú ua tokala Alá ni anʼê kubhana bhu kizuua kia mu unda ni maji ku unganga mbandu ia kakuinhi ia efah ia fuba ia uabha kiambote ia mubhaku ua mákudia; kaxaxi kê a ka bhakula mu kimene, kaxaxi mu ngoloxi, ni ku hádia kiene kia kà bhanga jinga.

Ijila 6:26

Nganga uoso ua i bhakula mu kusatela kituxi, muene u i dia; u i dila bhu kididi kikôla, mu kithadi kia balaka ia kutakanena.

Ijila 7:14

Nganga-phe ku jimbolo ja kambe felemendu u katula-ku imoxi, o jala ni felemendu ue u katula-ku imoxi, kifua munomo uangene ua Jihova; ji kala-phe ja nganga uoso ueẋika o manhinga ma kibhaku kia sata ia kusakidila.

Ijila 7:28

Jihova anga u ambela dingi Mozé, uixi;

Ijila 7:6

Diiala dioso ku jinganga, ku sata iii u die-ku; a i dila-phe bhu kididi kikôla; kuma i kôla kinéne.

Ijila 8:30

Mozé anga u tambula ku maji a kuundila, ni ku manhinga ala ku kalatódio, ua sangela kua Alá, ni ku izuatu iê, ni ku anʼê kumoxi ni izuatu iâ anga u kôlesa Alá ni izuatu iê, kumoxi ni anʼê, ni izuatu iâ.

Dialuilu 18:9

O ku ima ikôla kinéne, ia túbhia, eie u kala jinga-ku ni iii: o maujitu mâ moso, kumoxi ni maujitu mâ moso ma mákudia, ni jisata jâ joso ja kiamenga kia kituxi, ni jisata jâ joso ja kiamenga kia kuêla, ima ioso ia-nda ku ngi bhakuila, ia kà kala ima ikôla kinéne, phala eie ni añê.

Dialuilu 5:9

Kiene ue, ujitu uoso ua anʼa Izalaiele, ua ima ia kulumba, ua bhakula kua nganga, u kale ua nganga muene;

I Kolindo 9:13

Enuʼ enu mua kʼ ijiia kuma akua kusedivila mu Tembulu, a dia ku ima i tunda mu Tembulu. Mua kʼ ijiia ue kuila ni ió emanena o sata ia mu ku oha ku kalatodio, a nomona mbandu iâ ku sata ia ibhaku ia bheka mu kusatela bhu kalatodio.

Matendelelu 12:11

Kiene kiua Jihova Nzambi ienu kia kà sola kididi bhua kà tunga ue kiá o Dijina diê; o bhenhobho bhene bhu mua kà bheka jinga ioso-lolo i nga mi xindi: jisata jenu ja kuoha, mibhaku ienu ia kusatela, ni madijimu menu, ni ma-ujitu menu ma ku di fikixila bhu lukuaku luenu, ni ioso kiá i mu sola kubhakula ni hasa ioso i uate kua Jihova.

Matendelelu 12:6

Bhene bhu muenda ni kubheka o jisata jenu ja kuoha, ni ibhaku ienu ioso ia kusatela Jihova, ni madijimu menu ni maujitu menu ma ku di fikixila bhu lukuaku luenu, ni jihasa jenu, ni mibhaku ienu ia vondadi, ni jiphande-kumbi ja jingombe jenu ni ja jimbudi jenu.

Matendelelu 18:1

O jinganga ja jilevita, ni oso kiá atokala mu kibuka kia muiji ua, Levi, kà kala ni mbandu mba undundu mu Izalaiele kala amukuá oso. Hé kima, ene adia jinga ku jisata ja kuoha ni ku undundu uoso ua Jihova.

Matendelelu 26:13

O Jihova Nzambi ié-phe u mu ambela kiki, uixi: Ku ima ioso i ngʼavu, nga nomona-ku kiangene kia tokala eie, eme nga ki bhana ku levita, ni ku kidijila, ni monʼa difundu, ni mutudi ua fundu muadi uê, kala kiambe o jingonge jé ji ua ngi lekelela; kana ngonge i nga lueza-bhu, kana ngonge i nga landuka-ku.

Jihebeleu 1:9

Eie o kuiuka ua ku zola, usueia ua u zemba. Mukonda dia kiki, Nzambi, Ngana Nzambi ié, kiene kia ku solela, iu ua ku undu ni maji ma ngalasa, ni kijingu, akuenu oso ndenge.

I Nzuá 2:20

Maji enu-phe Kristu ua mi lunduluila o Nzumbi Ikôla ku thandu dienu, enu muejiia enhoso o kidi.

I Nzuá 2:27

Maji enu-phe Kristu ua mi lunduluila o Nzumbi Ikôla ku thandu dienu. Kiosuʼiki ió mua mu tambula kua muène ua tungu moxi dienu, ki mua bhingi dingi muthu ku mi longa. Mukonda o Nzumbi Ikôla muène u longa mu ima ioso, kuma muène o kulonga kuê kua kidi ki kua makutu, kana. Kala kiki, kioso kiá kia mi longo o Nzumbi Ikôla, ʼkiene ki mu kuata, mu jijile o kudiongeka ni Kristu.