Dialuilu 18:7 - O Mikanda Ikola

⁷ Maji eie-phe kiá kumoxi ni anʼê, muʼaluke o unganga uenu, mu ima ioso ia tokala ku kalatódio, ni ku ioio iala mu xilu dia mvéu, o ienhiʼii, iene o kikalakalu kienu; eme nga mi bhana o unganga uenu, u mi kale ujitu ua ukunji, o muthu uengi u bhiẋila-ku, u fua.

Dialuilu 18:7 ပူးပေါင်းရင်းမြစ်များ

Jisálamu 115:10

Enu dibhata dia Alá, dielelenu kua Jihova; muene dikuatekesu diâ, ngubu iâ.

Makatukilu 28:1

Ua kèxana phange ié Alá ni anʼê a mala, mu kaẋi ka anʼa Izalaiele, nʼa ku zukame, u a unde ku ngi kalakela ku unganga; ni Alá, ni Nadabe, ni Abihu, ni Eliezale, ni Itamale, ni anʼa Alá.

Makatukilu 29:9

U a kuta jiphonda, ni Alá ni anê, u a ta ijinga mu mútue, phala unganga u kala uâ-ene, ua kijila ki ki moneka bhu kia suku; kienhiki ki u a lumbila-u, ni Alá ni anʼê a mala.

Izekiiele 44:15

Maji o jinganga, akua muiji ua Levi, o anʼa Zadoko, aiuka o kilèkelelu kia dibhezelu diami, kioso anʼa Izalaiele kia ngi balukila, ene enda ni kubhiẋila kokuami, phala ku ngi bhikila, enda ni ku kala bhu pholo iami, phala o ku ngi bhakuila o maji ni manhinga, Jihova Nzambi ua ki tange.

Izekiiele 44:16

Ene a kà bokona jinga mu dibhezelu diami, hé a bhikila muene ku meza mami, mbé o ku ngi bhikila, nʼende ni kubhaka o kitendelelu kiami.

Izekiiele 44:8

Ki muʼaluka ue o kilèkelelu kia imbamba iami ikôla; o kia di te-ku dingi, anueniʼenu kiá mua di kitula mu alangidi a mutendelelu uami mu dibhezelu diami.

Ijila 16:2

Jihova phe uambela Mozé, uixi: Ambela phangʼié Alá: O mu dibhezelu, mu ʼxilu dia mvéuʼomo, ka kále mu bokona-bokona-mu ngó mu thembu joso, nʼa kala mu kuimana bhu pholo ia kibhuna kia kiadiʼokio, kiala kulu dia álaka ia umbangi phala kafue; mukonda Eme ngi tukulukila mu ifuke ku thanduʼa kibhuna kia kiadi.

Ijila 7:35

Dienhidi diene o dikandâ dia Alá, diene ue o dikânda dia anʼê ku maujitu oso a kuohela Jihova, tunde mu kizuua kia a bhakula phala kubhanga o kikalakalu kia unganga ua Jihova.

Dialuilu 1:51

O balaka né ia bhingi kuenda, ene akua Levi a i sokomona; o bhua bhingi ku imika dingi, ene akua Levi a i sokeka; hé bhueza muthu uengi ki kale a mu jibha.

Dialuilu 16:40

ni i kale dilembalelu phala ana a Izalaiele, mbé ki bhu kale dingi muthu uengi, ka tokala ku mbutu ia Alá, u bhumina o kubhiẋila phala kuoha uasu ua dizumba bhu pholo ia Jihova; mbé ka kale kala Kola ni kibuka kiê, kala kia mu tangelele Jihova ku dikanu dia Mozé.

Dialuilu 18:20

Jihova ue anga uambela dingi Alá, uixi: O mu ixi ié eie kua kà kala-mu ni undundu ua kima, o muʼaxaxe kâ ene ki mua kà ku kala dikânda; muʼaxaxe ka anʼa Izalaiele, emiʼeme ngi undundu ué, eme ngi dikânda dié.

Dialuilu 18:3

Anga ene enda ni ku ku langidila, ni kulangidila o balaka ioso; maji o ku itutu ia dibhezelu ka bhiẋile-ku, mba ku kalatódio, mbé kʼafue, kutale ene, uixi enu.

Dialuilu 3:10

Eie u tungula Alá ni anʼê, a xikamena kiá unganga uâ uene; muthu uengi uiza-bhu u kala muthu ua ku mu jibha.

Dialuilu 3:38

A ta kibangu kiâ bhu pholo ia balaka, ku mbandu ia thunda, ene a Mozé, ni Alá ni anʼâ, a langidila dibhezelu, ni ima ioso i bhanga anʼa Izalaiele mu kubheza; muthu uengi uiza-bhu u kala muthu ua ku mu jibha.

Matesu 10:8

Sakenu jihaxi, fukununenu madifundu, disanzesienu akua dibhute, kaienu madimonho. Mua tambula ngoho, bhanenu ngoho.

Nzuá 3:27

Nzuá ua vutula, uixi: Muthu ka tena kutambula kima, se a kambe ku mu bhana-kiu kuala Nzambi ku diulu.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

Matendelelu 18:2

Kienhiki-phe ene ka tambula undundu ua kima muʼaxaxi ka ʼphange jâ; Jihova muene ukala undundu uâ, kala ki a ambela kiá.

Jihebeleu 5:4

Kana muthu ue u di metena kusola o ujitu ua Unganga ua Dikota uenʼ iú. Kikale ngó uoso a mu ixana kuala Nzambi kukala Nganga ia Dikota, uila ki exanene Alá.

Josuué 18:7

Jilevita-phe (anʼa Levi) ka-nda kutambula kibatu muʼaxaxi kenu, kikale undundu uâ ene o kubhanga kikalakalu kia unganga uangene ua Jihova. O Ngadi, ni Lubene ni kaxaxi ka muiji ua Manasa, a tambula kiá ubhinganu uâ ku sámbua dia Njolodá, ku thunda, ua a bhele Mozé, o mukalakadi ua Jihova.

I Phetele 5:2

Kuila ingenu o kilunga kia Nzambi ku mualʼoko, ni ku ki tambula konda, kana ni usudi, maji ni vondadi ioso, kioso kia mesena Nzambi. Ki mu ki bhangela nganhu iaxidi, maji mu ki bhangela o muẋima ua mi tumu ku di bheka mu kusedivila.

I Phetele 5:3

Ki mu kale mu jingana ja kutumina ió ene a mi bhana-nâ ku a enga, maji mu kala mù atuameneni mua bhana phangu ku kilunga.

I Samuuele 2:28

Kʼeme nga mu solo muene mu miiji ioso ia Izalaiele mu ku kala nganga iami ia kubanda bhu kalatódio kami, ni kubhanga fumasa ia uasu ua dizumba, ni kuzuata efodi bhu pholo iami? Kʼeme nga bhana dibhata dia tatʼenu o jisata joso ja anʼa Izalaiele ja kuoha mu túbhia?