Dialuilu 18:6 - O Mikanda Ikola

⁶ Tala-ze, kuma eme nga katula o jiphange jenu, o jilevita, muʼaxaxe ka ana a Izalaiele; iá a mi bhana-u enu, mu ujitu, kuala Jihova, nʼende ni kubhanga o kikalakalu kia ukunji ua balaka ia kutakanena.

Dialuilu 18:6 ပူးပေါင်းရင်းမြစ်များ

Dimatekenu 6:17

Mukonda ijiia na-kiu kuma eme nga-nda kulundulula dilúvio dia menha mu ngongo, phala ku buidisa o xitu ioso iala ni muenhu bhoxi dia diulu; ima ioso mu ngongo ia kà buika.

Dimatekenu 9:9

Talesenu, eme nga-nda kuta o kikutu kiami ni enu, ni mbutu ienu ioso hinu i mi bhingana;

Makatukilu 14:17

Eme-ze ngi kolesa o miẋima ia akua Ijitu, phala ene uâ a kutuke-mu mu ku a kaiela; bhenhobho ngi tambula fuma ku thandu dia Falaó, ni ku kilômbo kiê kioso, ni makalu ê a ita, ni kavalelu jê.

Makatukilu 31:6

Talesa ue, sai mukuâ nga mu bhana-nê phala ku mu kuatekesa, dijina diê Aholiiabe, monʼa Ahisamake, ku muiji ua Dane; ni athu amukuá oso ala jihete, nga a te ku miẋima iâ o kuijiia kua tokala, phala a tene kuiudika ima ioso i nga ku tumu.

Izaía 48:15

Eme, eme-muène nga kiambe; muene ue nga mu ixana kiá, nga-nda ku mu sunga nʼeza, o njila iê nga-nda ku i zediuisa.

Izaía 51:12

Eme, eme-muène ngi muthu ua ku mi konda o malamba; eie-phe u muthu uami, u kala ni uoma ua muthu ni mukuenu, uà xikamena kufua? mba o monʼa muthu u lela kala iangu?

Izekiiele 34:11

Mukonda o Jihova Nzambi uambe kiki, uixi: Tala-ze, kuma eme, ememuène muene, nga-nda kusota o mbudi jami, inga ngi ji takana.

Izekiiele 34:20

Kiene kia bhekesa Jihova Nzambi ku a ambela, uixi: Talesenu, kuma eme, eme-muène-muene, nga kà fundisa bhu kaxi ni ibhaku ia nete ni ibhaku ia bhele.

Dialuilu 3:12

Ua mono, eme nga solo jilevita muʼaxaxi ka anʼa Izalaiele, bhu kididi kia ana a phande-kumbi, a tuama kujikula divumu muʼaxaxi ka anʼa Izalaiele; Jilevita a kale ami-eme;

Dialuilu 3:13

kuma ana oso a phande-kumbi a di bhange ami-eme; tundé kizuua ki nga beta ana oso a phande-kumbi mʼoxi ia Ijitu, nga di lumbila ana oso a pande-kumbi mua Izalaiele, ni ku athu ni ku ibhaku; a di bhange kiá ami-eme, eme ngi Jihova.

Dialuilu 3:45

Kuata Jilevita bhu kididi kia ana a phande-kumbi mu anʼa Izalaiele oso, ni ibhaku ia Jilevita bhu kididi kia ibhaku ia ene; Jilevita-phe a kale ami, eme ngi Jihova.

Dialuilu 3:6

Muiji ua Levi eze bhua zukama, ua bheka bhu pholo ia nganga Alá, ende ni ku mu kalakela.

Dialuilu 3:9

Jilevita kifua ua bhana kua Alá, ni ku anʼê; Ene a di tungula mu anʼa Izalaiele mu ku a bhana kua muene.