Dialuilu 18:5 - O Mikanda Ikola

⁵ Enu-phe kiá, enu mua kà bhanga o kilangidilu kia dibhezelu ni kilangidilu kia kalatódio; mbebhu ki kuize dingi njinda lua mukuá ku thandu dia ana a Izalaiele.

Dialuilu 18:5 ပူးပေါင်းရင်းမြစ်များ

I Malunda 23:24

Enhá ene ana a Leví, kala kia tokala mu mabhata a jitata jâ, ilamba ku jitata, kala kia fuama mu ku a tanga o dialuilu diâ ku majina-majina, mu ilamba iâ kala kiatokala o atumini-â, akexile ku ufunu ua ukunji mʼonzo ia Jihova, mu kumatekena mu makuinhi aiadi a mivu, nʼende ni kubanda.

I Malunda 23:32

Phala a kuate ue muanu ua kutambula o konda ia balaka ia kionge, ni kulangidila o kididi kikôla kinéne, ni kutalela o ana a Alá, o jiphange jâ, mu kikalakalu kia ukunji ua inzo ia Jihova.

I Malunda 24:5

Hé a a uana mu ibhuku enhoso kumoxi mudiâ, mukonda muʼaxaxe ka ana a Eliiazale, ni muʼaxaxe ka ana a Itamale, mua kexile makota mu kididi kikôla kinéne, mu dibhezelu, ni makota mu inzo ia Nzambi.

I Malunda 9:19

O Salume, mona a Kole, mona a Ebiiasafe, mona Kola ni jiphange jê mu dibhata dia tatâ, o jikolahita, akexile ku pholo ia kikalakalu kia ukunji uâ, kuma akexile alangidi a mielu ia balaka ia Ngana; o jitata jâ akexile jikabhitangu ja kilômbo kia Jihova, ene alangidila jinga bhu dibokuenu dia kibènge kia akua Ngana.

I Malunda 9:23

Akexile-phe, ni ene ni anʼâ mu kulangidila jinga o mielu ia inzo ia Jihova, ni mielu ia inzo ia balaka.

I Malunda 9:33

Kua iâ kukala ue o jingimba, mítue ia jitata mu akua Levi, a tunga mu maxilu a tembulu, ia a a katula ku ikalakalu ioso iamukuá, mukonda mu muanha ni mu usuku ene akuata jinga ngó o kikalakaluʼiki kia kukala mu kuimba.

Makatukilu 27:21

O mu balaka ia kutakanena, bhu kololo, bhua bhiti o kibatulu, umbangi anga u kala mu xilu, bhene bhu kala o kandeia; Alá ni anʼê ene a ka tambula konda, tunde ngoloxi katé kimene, bhu pholo ia Jihova; ki kala kijila kiâ, kutunda muiji, kuiza muiji, ku ana Izalaiele.

Jelemiia 23:15

Uila kiki Jihova dia Ilombo Ieta uambe kiki ku jipolofeta: Talesenu o jipolofeta jiji nga-nda ku ji disa lojina, anga nga a nuisa menha ma ndululu; Kuma lufuku lua jipolofeta ja Jeluzaleme lua sambukila oxi ioso.

Izekiiele 44:15

Maji o jinganga, akua muiji ua Levi, o anʼa Zadoko, aiuka o kilèkelelu kia dibhezelu diami, kioso anʼa Izalaiele kia ngi balukila, ene enda ni kubhiẋila kokuami, phala ku ngi bhikila, enda ni ku kala bhu pholo iami, phala o ku ngi bhakuila o maji ni manhinga, Jihova Nzambi ua ki tange.

Izekiiele 44:16

Ene a kà bokona jinga mu dibhezelu diami, hé a bhikila muene ku meza mami, mbé o ku ngi bhikila, nʼende ni kubhaka o kitendelelu kiami.

Ijila 10:6

Mozé anga u ambela Alá, ni anʼê Eliiezale ni Itamale, uixi: Kana kuehela ndemba ienu kuila ngó fuandu-fuandu, kana kutandula ue o izuatu ienu, phala ki mu fue, mba kuiza njinda ia Jihova ia dikota ku thandu dia kilômbo kioso; maji ehelenu akuenu, o dibhata dioso dia Izalaiele, ene a dila o thambi ia kujokota kuenhuku kua túbhia tua tundu kua Jihova.

Ijila 24:3

Alá muene uenda ni ku ji ta kiambote mu ididi iê ku monôno, mu kolôlo ku kanga kunu dia kibatulu kia mvéu kia luluma ni umbangi, mu Balaka ia kutakanena, ji kale jinge bhu pholo ia Jihova mu bambuka kimuanu, tunde mu ngoloxi katé kuáki; ki kale kijila ki xialela ku miiji ienu.

Zakadiia 10:3

O njinda iami anga i uama ku thandu dia tubhila, o ilumbe iene mu ku tuamenena ngi i bhana kaxtiku; maji o Jihova dia Ilombo Ieta ua-nda kuzungila dingi o jimbudi jê; o dibhata dia Juda, anga ua kà di bhanga kabalu ka ku toluela mu ita.

Dialuilu 1:50

akua Levi-phe u a tungula, a kuate kulanga balaka ia umbangi, ni itutu iê ioso ni ima ioso ia tokala-ku; ene ambata o balaka ni itutu iê ioso; ene a i kalakela, mu ta kibangu ene a bhaka balaka mu kaẋi.

Dialuilu 1:53

Akua Levi-phe kibangu kiâ ki kondoloka, ki bhaka o balaka ia umbangi mu kaẋi, mbebhu ki ku kale njinda ku thandu dia kilômbo kia anʼa Izalaiele; kienhiki, akua Levi ene a kala ni muanu ua kulanga balaka ia umbangi.

Dialuilu 16:46

anga Mozé uambela Alá, uixi: Zangula o kiómuenu kié, u-te-bhu o túbhia tua kalatódio, u takuile-bhu o uasu ua dizumba, uie ni kunzunzuna kuala o kionge, ua kà a bhangele o kiamenga; mbata o njinda iavulu ia tundu bhu pholo ia Jihova; o dibhebhu-phe diandeka kiá.

Dialuilu 18:4

Maji a kà banda eie, nʼa kà bhanga o kilangidilu kia balaka ia kutakanena mu ukunji uoso ua tokala ku balaka; ki kua kà bhiẋile muthu uengi kokuenu.

Dialuilu 4:18

Muiji ua mabhata ma anʼa Kohate, kana ku a batula mu kibuka kia Jilevita;

Dialuilu 8:19

Jilevita-phe nga ji bhana kala ujitu kua Alá ni kua anʼê, nga ji katula muʼaxaxi ka anʼa Izalaiele, phala a kalakale bhu kididi kia anʼa Izalaiele mu kikalakalu kia balaka ia kutakanena, phala a bhuise ikuma ia anʼa Izalaiele, phala ki mu kale dibhebhu muʼaxaxi ka anʼa Izalaiele, kioso anʼa Izalaiele kia zukama bhu dibhezelu.

Dialuilu 8:2

Ambela Alá kuma, kioso ki u uika tundeia, sambuadi dia tundeia tu muikina bhuoso bhuemana o kaxtisale.

I Timote 1:18

Timote, monʼami, o mutendelelu iú nga ku xila-u eie. Uene ua lungila mu kukumbidila o mizambu ia jipolofeta, ia ku tunguile na-iu eie tunde mʼukulu. Maka iá a di bhange iene o ibhakatu ié, ki uenda ni kùlua ita iambote.

I Timote 3:15

O ki kala-phe ngi bhanga hanji izuua, mukanda iú u ku idikiza kioso kia tokala kukala athu mʼonzo ia Nzambi, kuma o inzo iê iene o ngeleja ia Nzambi ia muenhu, o philadi ni disesa kua tula o kidi.

I Timote 5:21

Nga ku tendelela ku mesu ma Nzambi, ni ma Jezú Kristu, ni ma jianju jangene, kuila mu ioso i u bhanga jinga, ima iii u i kumbidila muene sè hèle mba kubhanga kima ni kathômbo ka muthu.

I Timote 6:20

Timote, tata! Aiuka kiambote kioso kia ku bhana kulunda. Ditune jinge o kubuabuala kua ulalu kua ibhila Nzambi, ni kukuata jiphata ja uoua u exana ene exi unjimu, manhi unjimu ua makutu.