Dialuilu 18:23 - O Mikanda Ikola

²³ Maji o jilevita ene a bhanga jinga o ukunji ua kikalakalu kia balaka ia kutakanena, o itondalu iâ ioso ia bhanga, ene kiá a ebhula; ki mi kale kijila ku miji ienu ioso katé ku hádia ni hádia; o muʼaxaxi ka ana Izalaiele ene uâ ka kala-mu ni undundu ua kima.

Dialuilu 18:23 ပူးပေါင်းရင်းမြစ်များ

Makatukilu 27:21

O mu balaka ia kutakanena, bhu kololo, bhua bhiti o kibatulu, umbangi anga u kala mu xilu, bhene bhu kala o kandeia; Alá ni anʼê ene a ka tambula konda, tunde ngoloxi katé kimene, bhu pholo ia Jihova; ki kala kijila kiâ, kutunda muiji, kuiza muiji, ku ana Izalaiele.

Izekiiele 44:10

Maji o jilevita, a ngʼixi eme iá a di takuila dikanga, kioso kienda jinga Izalaiele mu kutondala, kioso ene kia xile ima ia a fuama o kubhanga hé a kuata o kubungana ngó, anga a ngi sanduka mbé o kukaiela o mahamba mâ, enhó-phe hinu a kʼàmbata muene o kikuma kiâ ku thandu diâ.

Dialuilu 18:1

Bhenhobho Jihova uambela Alá, O uixi: Ni eie, ni anʼê, ni dibhata dia tatʼenu kumoxi, kikuma kioso kia dibhezelu kia kà kala ku thandu dienu, ki kala ku thandu dié eie kumoxi ni anʼé.

Dialuilu 18:20

Jihova ue anga uambela dingi Alá, uixi: O mu ixi ié eie kua kà kala-mu ni undundu ua kima, o muʼaxaxe kâ ene ki mua kà ku kala dikânda; muʼaxaxe ka anʼa Izalaiele, emiʼeme ngi undundu ué, eme ngi dikânda dié.

Dialuilu 19:21

Kienhiki ki kala kijila kiâ ki nangenena; o uoso u sangela o menha a dibônzo, u sukula o izuatu iê; o uoso u kuata ku menha a dibônzo, u kasana katé mu ngoloxi.

Dialuilu 26:62

Kia alula a tena makuinhi aiadi a midi ni midi jitatu, mala oso ala mu mbeji imoxi, mba kua di te kiá; kuma ene ka alula mu anʼa Izalaiele ni akuâ, mukonda ene ka a bhana undundu ua kima mu anʼa Izalaiele.

Dialuilu 3:7

Aie ni ku mu langidila muene, a langidile ue kilômbo kioso, bhu kanga dia balaka ia kutakanena, ende ni kubhanga kikalakalu kioso kia balaka.

Dialuilu 35:29

Maka iá a kale ngonge ienu ia kufundisila, ku miji ienu ioso, ku mabhata menu moso.

Matendelelu 10:9

Kiene kia bhekesa kuila o Levi kala ni undundu ua kima muʼaxaxi ka jiphange jê, mukonda undundu ua-muene, Jihova muene, kala kia ku ambela Jihova Nzambi ié.

Josuué 13:14

O mu kuuana ubhinganu, Mozé o muiji ua Levi ka u bhana kima; mukonda o jisata ja kuoha, ja bhana kua Jihova Nzambi ia Izalaiele, diene o dikanda diâ dia ubhinganu, kala kia a ambelele kiá.