Dialuilu 18:19 - O Mikanda Ikola

¹⁹ Maujitu oso a kôla, eza na-u ana a Izalaiele mu ku a bhakuila Jihova, nga ku bhana na-u eie kumoxi ni anʼé a mala ni anʼé a ahatu u uala-nâ, ia mi tokala katé ku hádia ni hádia; kiki kikutu kia môngua ki nangenena katé ku hádia ni hádia bhu pholo ia Jihova, phala eie ni muiji ué kumoxi.

Dialuilu 18:19 ပူးပေါင်းရင်းမြစ်များ

II Jisobha 12:16

Maji o kitadi kia sata ia mulonga ni kitadi kia sata ia ituxi, o kiókio ka kexi mu kuiza na-kiu kʼonzo ia Jihova, maji kia kexi mu kala kiangene kia jinganga.

II Malunda 13:5

Manhi ki kia mi fuama ku kʼijiia, kuila Jihova, Nzambi ia Izalaiele, o ungana ua Izalaiele ua u bhana kua Davidi, ni muene ni anʼê, ku mivu ni mivu, mu kikutu kia môngua?

II Malunda 31:4

Anga u tendelela o mundu, a tungu mu Jeluzaleme, kuila, o mbandu ia tokala o jinganga ni jilevita a i bhane; phala ene uâ a tene o ku di bhakula ngoho ku kitumu kia Jihova.

Makatukilu 29:27

O phetu iii ia kusakesa, u i lumba kumoxi ni kinama kia taku ki ua sakesa, kiókatule ku kilumbe kia tokala Alá ni anʼê.

Izekiiele 43:24

Anga ua kà i bhakula bhu pholo ia Jihova; o jinganga ene a kà i toua môngua ku thandu diê, hé a kà i bhakuila ni túbhia kua Jihova.

Ijila 2:13

Maujitu moso ma mubhaku ua musa, u ma tôua ni môngua; môngua ua kikutu kia Nzambi iê, ki u kambe dingi ku mubhaku ua musa; maujitu moso ma kubhakula kua Jihova, a a bheka ni môngua.

Ijila 21:22

Maji o mbolo ia Nzambi iê, kixi ikôla, kixi ikôla kinéne, i tunda ku jisata jikôla kinéne, a diê.

Ijila 7:14

Nganga-phe ku jimbolo ja kambe felemendu u katula-ku imoxi, o jala ni felemendu ue u katula-ku imoxi, kifua munomo uangene ua Jihova; ji kala-phe ja nganga uoso ueẋika o manhinga ma kibhaku kia sata ia kusakidila.

Dialuilu 18:11

O ima ia mukuá iii ue i kala ié. O ujitu uâ ua kuzangumuna mu uthu uâ, ni mibhaku ioso ia kubhukila ia anʼa Izalaiele; nga i bhana kokué-eie, ni ku anʼê a mala, ni anʼé a ahetu u uala-nâ; nga i bhana i kale kijila ki nangenena; uoso ua di zelela uala mʼonzo ié muene udia-ku.

Dialuilu 18:8

Jihova anga uambela dingi Alá, uixi: Tala-phe, kuma eme nga ku bhakuila o kilangidilu kia maujitu ami oso a kuzangumuna, kumoxi kiá ni ima ioso ikôla ia anʼa Izalaiele; mukonda dia ku ku unda ni maji, nga ku bhana na-iu eie ni anʼê, mu kijila ki nangenena katé ku hádia ni hádia.

Dialuilu 31:29

kioso ki u katula ku mbandu ia ene, mu ki bhana kua nganga Eleazale, uene ujitu uangene ua Jihova.

Dialuilu 31:41

Mozé anga u bhana lubhaku lua ngene lua Jihova kua nganga Eleazale, kala kia tumu Jihova kua Mozé:

Matendelelu 12:26

Maji ioso ima i ua lumbila Nzambi, ni ioso kiá i mua tela hasa ienu, muiza na-iu muene bhu kididi kioso kia tungula Jihova,

Matendelelu 12:6

Bhene bhu muenda ni kubheka o jisata jenu ja kuoha, ni ibhaku ienu ioso ia kusatela Jihova, ni madijimu menu ni maujitu menu ma ku di fikixila bhu lukuaku luenu, ni jihasa jenu, ni mibhaku ienu ia vondadi, ni jiphande-kumbi ja jingombe jenu ni ja jimbudi jenu.