Dialuilu 18:10 - O Mikanda Ikola

¹⁰ Bhu kididi kikôla kinéne bhene bhu u i dila jinga; mala oso ene a dia-ku; u ijiia-phe kuma ikôla.

Dialuilu 18:10 ပူးပေါင်းရင်းမြစ်များ

Izekiiele 42:13

Anga u ngʼambela, uixi: O maxilu a kexile ku mutunmdila-kumbi ni maxilu a kexila ku uombe, ala ku pholo ia kididi kia di kalela, ió maxilu a kôla, mua bhingi kuila o jinganga, ja mu bhixila kua Jihova, muene mua dila o ima ikôla kinéne; o ima ikôla kinéne, muenhomo mua i tula, ni maujitu a makúdia, ni sata ia kituxi ni sata ia kuêla; mbata kididi kiókio kikôla.

Ijila 10:13

Kala kiki, mu u dila bhu kididi kikôla; mukonda diene o dikânda dié ni dia anʼé, ku maujitu a Jihova a kubhakula ni túbhia; kuma kiene kia ngi tumu.

Ijila 10:17

Phalahi o sata ia kituxi ki mu i dila bhu kididi kia zele kia dibhezelu? Kuma iene i kôla kinéne; kima kia mi bhana Jihova mu kuambata o ikuma ia kilômbo kioso, ni ku a bhangela kiamenga bhu pholo ia Jihova.

Ijila 14:13

Anga o kambudi u ka jibhila bhuoso bhuene kujibhila o sata ia kiamenga kia kusatela kituxi ni sata ia kubhakula ni túbhia, bhu kididi kikôla; mbata ni sata ia kiamenga kia tokala o kuêla ni sata ia tokala kituxi, iangenge ia nganga; kuma kima kikôla kinéne.

Ijila 21:22

Maji o mbolo ia Nzambi iê, kixi ikôla, kixi ikôla kinéne, i tunda ku jisata jikôla kinéne, a diê.

Ijila 6:16

O ioso ia subhuka-ku, Alá ni anʼê ene a i dia; a i dia ia kambe felemendu, a i dila bhu kididi kikola; mu kithâdi kia balaka ia kutakanena muene mua i dila.

Ijila 6:18

Mala oso ku anʼa Alá ene a dia-ku; dikânda diâ izuua ioso, katé kua suka miji ienu, diókatule ku maujitu ma Jihova ma mu bhakuila ni túbhia; uoso u kuata-ku ua di bhange kiá muthu ukôla.

Ijila 6:26

Nganga uoso ua i bhakula mu kusatela kituxi, muene u i dia; u i dila bhu kididi kikôla, mu kithadi kia balaka ia kutakanena.

Ijila 6:29

Diiala dioso ku jinganga, u diê-ku; kuma kima kikôla kinéne.

Ijila 7:6

Diiala dioso ku jinganga, ku sata iii u die-ku; a i dila-phe bhu kididi kikôla; kuma i kôla kinéne.

Dialuilu 18:11

O ima ia mukuá iii ue i kala ié. O ujitu uâ ua kuzangumuna mu uthu uâ, ni mibhaku ioso ia kubhukila ia anʼa Izalaiele; nga i bhana kokué-eie, ni ku anʼê a mala, ni anʼé a ahetu u uala-nâ; nga i bhana i kale kijila ki nangenena; uoso ua di zelela uala mʼonzo ié muene udia-ku.

Dialuilu 18:9

O ku ima ikôla kinéne, ia túbhia, eie u kala jinga-ku ni iii: o maujitu mâ moso, kumoxi ni maujitu mâ moso ma mákudia, ni jisata jâ joso ja kiamenga kia kituxi, ni jisata jâ joso ja kiamenga kia kuêla, ima ioso ia-nda ku ngi bhakuila, ia kà kala ima ikôla kinéne, phala eie ni añê.