Dialuilu 18:1 - O Mikanda Ikola

¹ Bhenhobho Jihova uambela Alá, O uixi: Ni eie, ni anʼê, ni dibhata dia tatʼenu kumoxi, kikuma kioso kia dibhezelu kia kà kala ku thandu dienu, ki kala ku thandu dié eie kumoxi ni anʼé.

Dialuilu 18:1 ပူးပေါင်းရင်းမြစ်များ

Makatukilu 28:38

O Alá anga u i zuata bhu dibhomo diê, Alá anga u ambata o kutondala kua anʼa Izalaiele mu ima ioso ikola ni mu maujitu mâ moso ma kôla ma lumbila Nzambi; i kale jinge bhu dibhomo diê, phala ene a a tambulule kua Jihova.

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Izaía 53:6

Etu oso tua kexi mu kuenda kala jimbudi ja jimbidila; kala muthu u di-texila ni njila iê; maji-phe o mulonga ua tu tokala etu-oso, Jihova ua mu xina-u kiá muene ku thandu diê.

Izekiiele 4:4

Uzeka ue kimbanji ku mbandu ia lukuaku lué lua kiasu, o kikuma kia dibhata dia Izalaiele, u ki tule ku thandu diê. Kioso kiá kia kà soka o dialuilu dia izuua ioso i u zekela-ku, kiene ue ki ua-nda kuambata o ikuma iâ.

Ijila 10:17

Phalahi o sata ia kituxi ki mu i dila bhu kididi kia zele kia dibhezelu? Kuma iene i kôla kinéne; kima kia mi bhana Jihova mu kuambata o ikuma ia kilômbo kioso, ni ku a bhangela kiamenga bhu pholo ia Jihova.

Ijila 22:16

Phala ki kia a bhekele kukala ni mulonga ua kuêla kuthandu diâ, mukonda dia kúdia ku ima iangene iokolese; kuma Eme Jihova, ngene ku a zelesa.

Ijila 22:9

A kale mu kualuka jinga o ijiia iami, phala ka balumune-ku kituxi kuthandu diâ, anga a bhitukila-ku o muenhu uâ, kia-nda kuila o ijiia a i lutu kiá; Eme Jihova, ngene ku mi kôlesa.

Dialuilu 14:34

Ki kaiela mu izuua i mua bhangele mu kulonda ixi, makuinhi auana a kizuua, mu makuinhi auana a muvu, kizuua muvu, kizuua muvu, muambata mulonga uenu mu makuinhi auana a muvu, muijiie ki kala o kuẋimbuka kuami.

Dialuilu 16:10

iú ua ku bhiẋidisa eie, kumoxi ni jiphange jê joso, o anʼa Levi; manhi hanji dingi ue mu sota o ukunji ua unganga?

Dialuilu 17:13

Ió uoso u zukama ku balaka ia Jihova, u fua; enu malʼenu, manhi tu jima o mbutu etuʼenʼoso?

Dialuilu 17:3

Maji o dijina dia Alá u di soneka ku mbangala ia Levi; mukonda kala mútue ua dibhata dia jitata jê, u kala ni mbangala iê.

Dialuilu 17:7

O Mozé anga u tula o jimbanji bhu pholo ia Jihova, mu balaka ia umbangi.

Dialuilu 18:11

O ima ia mukuá iii ue i kala ié. O ujitu uâ ua kuzangumuna mu uthu uâ, ni mibhaku ioso ia kubhukila ia anʼa Izalaiele; nga i bhana kokué-eie, ni ku anʼê a mala, ni anʼé a ahetu u uala-nâ; nga i bhana i kale kijila ki nangenena; uoso ua di zelela uala mʼonzo ié muene udia-ku.

Dialuilu 3:6

Muiji ua Levi eze bhua zukama, ua bheka bhu pholo ia nganga Alá, ende ni ku mu kalakela.

Matendelelu 10:8

Mu thembu muenhomo Jihova anga utungula kibuka kia Levi, phale kuambata o álaka ia kikutu kia Jihova, ni kukala bhu pholo ia Jihova, mu ku mu sedivila, nʼende ni kubhana kizediuise ku athu mu dijina diê, katé mu kizuua kia lelu.

Jihebeleu 13:17

Enió oso a mi kala ku pholo a tumakienu, mu itaie ioso ia mi mesena ku bhanga. Kuma ene a mi lange o mienhu ienu, mbata athu a bhinga hinu a kà ki bhela konda kua Nzambi. Se enu mu a tumaka, ene o kikalakalu a ki bhanga ni ngalasa, kuma se o kikalakalu a ki bhanga ni malamba, enu ki kala kima kia kuxixima kuenu.

Jihebeleu 4:15

O Nganga ietu ia Dikota u tena kuivua o malamba metu. Mukonda o Nganga ia Dikota muenʼiú, a mu thendalele mu ima ioso kala etu-ene, maji sé ngó ku ta kituxi.

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.

Afundixi 17:12

Mika anga u xingidisa levita muenhú, munzangala iú anga u kala nganga iê, anga u xikama mu dibhata dia Mika.