Dialuilu 17:5 - O Mikanda Ikola

⁵ Hé kia kà kala-phe kuila, o mbangala ia muthu uoso ngi mu sola eme ia-nda kutuluka; mu kubhanga kiki ngi zubha-ku o makulongolola ma ana a Izalaiele a mu ngi longolola na-u eme, mu ku mi longolola enu.

Dialuilu 17:5 ပူးပေါင်းရင်းမြစ်များ

II Malunda 26:16

Maji Uziia-phe kia zubha kiá o ku kituka dizonda, o muẋima uê ua di zangeleka katé ki ua zangiua; anga u tondalela Jihova, Nzambi iê, mbata ua bokona muene mʼonzo ia Jihova phala kuoha uasu ua dizumba ku thandu dia kalatódio ka uasu ua dizumba.

Ejidala 2:62

Eneʼ-phe a a sota bhuoso bhua a soneka mu madivulu a muiji uâ, maji ka a sange-mu, Mukonda dia kiki a a jini, kuma a xidi, ku unganga a a katula-ku.

Jisálamu 105:26

U katula Mozé, selevende iê ua mu tungula, kumoxi ni Alá a mu bhana kukala-nê.

Makatukilu 16:7

o mungu ki kúkia mu kimene, mua-ndu mona o unene ua Jihova; mukonda muene ua mʼivu o kulongolola kuenu; Jihova mua mu longolola, etu tu akua-hi kuila mu tu longolola etu?

Izaía 11:1

Mbata ku kixina kia Jese kuanda kusabhuka Luthangu, o ku jindanji jê kua-nda kufuafua ngolongo ia-nda kuima.

Izaía 13:11

Kuma nga kèza kufuta o phulu ia mundu, akuaphulu nga kà a futa kikuma kiâ; akua kudikaka nga kà a bhuisa o izala; o ingulungumba ukumbu uâ ua kà bhua.

Izaía 27:6

Bhua kèza izuua ia kuila Jakobo u ta jindanji, o Izalaiele ua kà sabhuluka u fuafua anga u bhana itulu ni ibundu; enhá anga a kèzalesa oxi ioso ni ibundu, kulu dia mundu.

Izaía 5:24

Kienhiki-phe, kala ki kuata o dimi dia mulengu ku ibhiaẋi, kala ki uama iangu ku mulengu, kiene ue kianda ku lukuta o lundanji luâ, mukuâ ni kubola; kuuabha kuâ, mbambe ni kitulu, kua kà jimuka kala fufutila: mbata o ngonge ia Jihova dia Ilômbo Ieta a i tènde, o kizuelu kia Dilemba dia Izalaiele a ki sebulula.

Izekiiele 16:41

O jinzu jé a kà ji oha mu túbhia, mu ku ku belesa a kà ku bhanga ima ia vulu bhu pholo ia ahetu andumba muene; anga ngi ku zumbula mu ku kala u kiuaia, o futu ue kua kà i bhana dingi.

Izekiiele 23:27

Hé nga kà zumbula kienhiki o phulu ioso momué, ni maufusa é oso, u ua tundu-nâ mʼoxi ia Ijitu; o mesu mé ku ma zambula dingi kua ene, mba ua kà xinganeka dingi ku Ijitu.

Hozeia 14:5

Eme Izalaiele nga kà mu tekela kala dimume dîa kimene, o muene ua kà buingita kala kitulu mu honga, o jindanji jê ja kʼàia makanga kala musédulu ua muxitu ua Libano.

Dialuilu 1:51

O balaka né ia bhingi kuenda, ene akua Levi a i sokomona; o bhua bhingi ku imika dingi, ene akua Levi a i sokeka; hé bhueza muthu uengi ki kale a mu jibha.

Dialuilu 11:1

Kifuẋi anga ki kala mu longolola, a zuela ima iaiibha mu mátui ma Jihova; Jihova-phe kia kʼivu njinda i mu kuata; túbhia tua Jihova anga tu uama muʼaxaxi kâ, o bhua suku kilômbo, hé enda ni kuaúka.

Dialuilu 16:11

Ki kia mi bhekesa dingi kuila ni eie ni kionge kié kioso mua di bhongolola mu kuzoka ni Jihova; o Alá, muene kima kiahi, muala ku mu longololʼenu?

Dialuilu 16:5

anga u zuelela Kola ni kionge kiê kioso, uixi: O mungu, mu kimenemene, o Jihova muene ua-nda kuijidisa uoso o uê ua mu tokala, ni ió uoso uazele, uoso Muene ua-nda ku mu bhiẋidisa kokuʼê.

Dialuilu 17:10

Bhenhobho-phe Jihova uambela Mozé, uixi: Tona dingi ku ta o mbangala ia Alá bhu pholo ia umbangi, phala ku i bhaka, i kale kijimbuete phala o ana a ẋinuka; mu kubhanga kiki ua-nda ku a zubha o makulongolola mâ ene ku ngi longolola na-u, nʼa kambe o kúfua.

Dialuilu 17:6

Mozé-phe anga u ki tangela anʼa Izalaiele; anga o ilamba iâ ioso a mu bhana jimbangala, kilamba ni mbangala imoxi, kala kiala o mabhata ma jitata jâ; kuinhi dia mbangala hi kiiadi; o mbangala ia Alá ia kexi ue mu kaẋi ka jimbangala jâ.

Dialuilu 17:8

Anga ki bhita-phe kuila, o ki kuákie, Mozé ua bokona mu balaka ia umbangi, tala-phe, o mbangala ia Alá, ia tela o dibhata dia levi, ia tûluka; mbata ia bhana itulu, ia sabhuluka tuthangu i iemi ibundu ia amêndoua.

I Kolindo 10:10

Kana ue kulongolola, kala kia longoluele ene amoxi-mu, anga a a jima mbutu kuala o Anju ia Mubuikixi.

Josuué 4:7

Kienhókio mua kà a tangela, muixi: Mukonda menha a Njolodá a batukile bhu pholo ia álaka ia kikutu kia Jihova; kioso ki ia zaukile Njolodá, menha a Njolodá a batukile ku thala iê; matadi enhá-phe a kala dixinganeku di nangenena dia anʼa Izalaiele.