Dialuilu 16:38 - O Mikanda Ikola

³⁸ o ku iomuenu ia ió a te o kituxi ku mienhu iâ-ène, ioso a i bhange izalelu ia kuzala ku thanduʼa kalatódio; kuma iòbheke bhu pholo ia Jihova; mu kienhiki-phe, ikôla kiá; ia kà kala kijimbuete ku anʼa Izalaiele.

Dialuilu 16:38 ပူးပေါင်းရင်းမြစ်များ

I Jisobha 2:23

Sobha Solomá anga u lokela bhenhobho mu dijina dia Jihova, uixi: Nzambi a ngi bhange-kiu uami, a ngi tele-ku dingi, se o kizuelu kienhiki kia zuela Adoniia, ki kamba ku mu jimisa o muenhu uê.

Jisabhu 1:18

O iá-phe a di tela mibhetu ia ku di bhubhisa ene-muene o manhinga mâ; ala mu kuzomba o mienhu iâ-ene muene.

Jisabhu 20:2

O njinda ia sobha, mukua ni hoji ki i dila; uoso u mu salumuna o njinda iê, ua di bhange-kiu, kuma ua di te o muenhu uê bhu kíbhidi.

Jisabhu 8:36

Maji uoso u ngi ta kituxi, ua kakula o muenhu uê muene; kuma ene oso a ngi zemba eme, andala kalunga, ala mu kenga kúfua.

Jelemiia 44:7

Kiki-phe, Jihova, Nzambi dia Ilombo Ieta, Nzambi ia Izalaiele, uambe kiki: Enu muenhu uenu mu u bhangelaʼhi kuiibha kua soko kiki! Kia mi bhangesa o kuzangula o diiala ni muhatu, ni mona-ndenge ni iú uala hanji ku mele anga mu a katula mu kaxi ka Juda hé mu fula ku xa-mu ngó muthu uosouoso u subhuka.

Izekiiele 14:8

O pholo iami nga kà i ta mu kulungulukila o muthu muenhó, anga ngi mu bhanga kidiuanu, u kala muene kijimbuete ni Sabhu, o muʼaxaxe ka athuʼami ngi mu vuza-mu; nda mu kʼijiie kuila eme ngi Ngana.

Habakuke 2:10

O ki ua bhangʼiki, inzu ié ua i bhekela jisonhi; eʼmuene mu kubuikisa o mundu ua nzungule iú, ua te kituxi ku muenhu ué.

Dialuilu 16:37

Tangela Eliiazale, dia monʼa Alá, o nganga, kuila a katule o iomuenu mu kaẋi ka túbhia, o túbhia a tu sandele dikanga, kuma iomuenu ii ikôla kiá,

Dialuilu 16:39

Anga Eliiazale, o nganga, u zangula o iomuenu ia utadi, iejile-na-iu ió a oha ku túbhia tua Jihova hé a i bhanga izalelu ia kuzala ku thandu dia Kalatódio,

Dialuilu 16:40

ni i kale dilembalelu phala ana a Izalaiele, mbé ki bhu kale dingi muthu uengi, ka tokala ku mbutu ia Alá, u bhumina o kubhiẋila phala kuoha uasu ua dizumba bhu pholo ia Jihova; mbé ka kale kala Kola ni kibuka kiê, kala kia mu tangelele Jihova ku dikanu dia Mozé.

Dialuilu 17:10

Bhenhobho-phe Jihova uambela Mozé, uixi: Tona dingi ku ta o mbangala ia Alá bhu pholo ia umbangi, phala ku i bhaka, i kale kijimbuete phala o ana a ẋinuka; mu kubhanga kiki ua-nda ku a zubha o makulongolola mâ ene ku ngi longolola na-u, nʼa kambe o kúfua.

Dialuilu 26:10

mavu anga a jikuka, a a minha kumoxi ni Kola, kiafu kibuka kiókio; thembu iene imoxi kia bhi ku túbhia hama jiiadi ja mala ni makuinhi atanu, anga a di bhanga kijimbuete.

I Kolindo 10:11

Ima ioso ienʼ iii ia bhitile ku jitata jetu mʼ ukulu, ni i kale kijimbuete ku akua, maji ima ienʼ iii-phe a i soneka phala ku tu dimuna etu. Mukonda tuala mu kithangana kia kuila o dizubhilu dia jithembu dia zukama kiá.

II Phetele 2:6

Ni jimbànza ja Sodoma ni Ngomola Nzambi ua ji bhange uthôkua, ua jʼêlesa ni ji kale ngó jingundu, mbé ji kale kijimbuete kua ió oso enda ni kubhuma.