Dialuilu 16:3 - O Mikanda Ikola

³ Anga a di bhongolola mu kuzoka ni Mozé ni Alá, hé a a tangela, exi: O kiki ue kia vulu kiá, kuma o kilômbo kioso kia Ngana, o ene oso athu a Ngana, o Jihova uala muʼaxaxe kâ; enu-phe mua di zangelekelaʼhi ku kionge kiangene kia Jihova?

Dialuilu 16:3 ပူးပေါင်းရင်းမြစ်များ

Ejidala 9:2

Mbata a tambula ku anʼa akuaʼxi, ahatu phala ene kusakana ni kusakanesa anʼâ a mala. O mu kubhanga kienhiki, o muiji ukôla iú, ua di fungisa ni akua jixi jenʼiji, katé o lukuaku lua adiakimi mudietu ni atumini luene lua dianga mu kutondala kuenhuku.

Jisálamu 106:16

A kala ni difutu dia Mozé bhu kilombo, ni dia Alá, o muthu uangene ua Jihova.

Jisálamu 68:17

Makalu a Nzambi a ita makuinhi aiadi a midi, ni jimidi ja jimidi ja ndumba; o Ngana uala muʼaxaxi kâ, mukuâ ni mú Sinai, o kididi kiê kia isuma!

Makatukilu 19:6

Enu-phe mu ngi kala mu utuminu ua jinganga jami, mu mundu uami uazele. Enhá ene o maka u ua kà tangela anʼa Izalaiele.

Dialuilu 14:14

akua-xi mumu a-nda ku a tangela-kiu. A kʼivu kiá kuma eie, Jihova, ua tungu muʼaxaxi ka kifuẋi kienhiki, a kʼivu ue kuma, eie Jihova, uala ku a tukulukila pholo ni pholo, dituta diê diemana ku thandu diâ, u mukua ku a tuamenena mu philadi ia dituta mu muanha, ni philadi ia túbhia mu usuku.

Dialuilu 16:11

Ki kia mi bhekesa dingi kuila ni eie ni kionge kié kioso mua di bhongolola mu kuzoka ni Jihova; o Alá, muene kima kiahi, muala ku mu longololʼenu?

Dialuilu 16:41

Maji mu kizuua kia kaiadi, o kilômbo kioso kia anʼa Izalaiele a kuata o kulongolola Mozé ni Alá, exi: Enu mua jibha o mundu ua ngene ua Jihova.

Dialuilu 16:7

o mungu, bhu iomuenu ki mu ta-bhu o túbhia, takuilenu-bhu kiá o uasu ua dizumba, bhu pholo ia Jihova; kia kà kala-phe kuila, uoso kiá o muthu a mu sola-bhu kuala Jihova, muenhó muene o muthu ua zele; lu mi suke kiá, enu anʼa Levi.

Dialuilu 23:21

Ka mono kubhukumuka kua Jakobo; ka mono ikuma kua Izalaiele; Jihova, Nzambi iê, ua tungu-nê, o muʼaxaxe ka uivua-mu nzôngo ia sobha ala ku mu kola.

Dialuilu 35:34

Ixi ki mu i fukule, ioso i mua tungu, muʼaxaxe ka ixi mu nga tungu ue eme; kuma eme Jihova nga tungu mu kaẋi ka anʼa Izalaiele.

Dialuilu 5:3

a kale diiala, a kale muhatu, mu a tubhula mu kibangu, a kale ku kanga, phala ka kasanese kibangu, mukonda eme muene nga tungu mu kibangu.

Jipoxolo 7:39

Muenʼiú-phe jitata jetu ka ẋikinine ku di tuma-nê, maji a mu tènde a-nga ku miẋima iâ enda a vutuka ku Ijitu.

Jipoxolo 7:51

Mu kuzumbuka Xitevá, uixi: Enu mua thathamena-hi kiosuʼiki, tata! Mua kolela-hi kinéne o muẋima, matui a mi xiluka, mua lémbua kuivua o maka ma Nzambi! Enu izuua ioso mua di bhange kala o jitata jenu, nuka mu kamba kuẋinukina o Nzumbi Ikôla!