Dialuilu 16:29 - O Mikanda Ikola

²⁹ Hé iá a fua muene kala kiene mu kúfua o athu oso, se a a kunda muene kala kiene mu ku kunda o athu oso, kuabhu-phe, o Jihova ki muene ua ngi tumu.

Dialuilu 16:29 ပူးပေါင်းရင်းမြစ်များ

I Jisobha 18:36

Hé ki bhita-phe kuila ki a zubha kubhikila o kithangana kia kubhana o mubhaku ua musa, polofeta Elija u zukama, anga u zuela, uixi: Eie u Jihova, Nzambi ia Mbalahamu, ni Izake, ni Izalaiele, di tukulule mbé lelu a kʼijiie kuma eie-muène u Nzambi mu Izalaiele, ni kuila ue kuma eme ngi ngunza ié, o ima ioso iii nga i bhange mu kizuelu kié.

I Jisobha 22:28

Anga Mika u zuela, uixi: Eie ku vutuka ni uembu, kale o Ngana ka zuelela moʼmuami. Uixi dingi: Enu athu oso ivuenu-kiu!

II Malunda 18:27

Kuala Mika: Sʼeie u vutuka muene ni kutululuka, Jihova-phe ki kale kene mu zuelela momuʼami. Anga uamba dingi uixi: Ivuenu-kiu, enu mu mundu uoso!

Jobe 35:15

Maji kuma Nzambi mu njinda iê kindala ka mu bhana luua kaxtiku mba u suua kiavulu ikuma ia muthu,

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Makatukilu 32:34

Kala kiki-phe ndeie, u tuamenene o mundu iú, mu ku a bheka kididi kioso ki nga ku tangela; tala-ze, anju iami ia-nda ku ku tuamena jinga ku pholo; maji-phe, bhu kizuua kiami kia ku a zungila, ni kituxi kiki nga-nda ku a bhela-kiu o kaxtiku kê.

Ndongixi 3:19

Mukonda kioso ki bhita ku anʼathu, kiene ue ki bhitʼé ku iama; ima ioso i bhita kiòmuene kua ene oso; o ki fua iú, kiene ue ki fué ió; ene oso o muenhu uene umoxi. Ukota ua muthu-phe ku iama ki u moneka; kuma ene oso muene kingoho.

Izaía 10:3

O kiki-phe enu mua-nda kubhanga kiebhi, mu kizuua ki nga-nda ku mi endela, anga kuiza o kibuika ki tunda makanga? Mua kà lengela kua nanhi mu sota o disuamenu? O kijingo kienu ue muanda kuá ki tula bhebhi?

Jelemiia 5:9

Manhi ima kala iii ngeji ku i talela ngó, sè ku i bhesa kaxtiku, eme ngi Jihova? inga muenhu uami u kamba kuzoka ni muiji u kala kiki?

Kuditenda 4:22

O kaxtiku ka kikuma kié, eie monʼa kilumba kia Ziione, mu bhua mu kala, kuma ka tenena kiá; Nzambi muene nuka dingi a kà tona ku ku balakala ku ubhika. Kala kiki, muene hinu uiza kuibhula o ikuma ié, eie u kilumba kia Edomo; muene ua-nda ku ku tungununa o ituxi ié ioso.

Dijingunuinu 11:5

Se bhu kala muthu u sota ku a bhanga kima kiaiibha, mu kanu diâ mu fuafua túbhia tu buidisa o jinguma jâ. Kienhiki uoso u sota ku a kuama, kikale kiene kia mu jibhʼiki.