Dialuilu 16:26 - O Mikanda Ikola

²⁶ Muene hé uambela o kifuẋi, kuila: Nga mi diondo, o ku jibalaka ja athu iá a bhukumuka, sondolokenu-ku, ki mu babate ku kima kiâ kioso kia a tokala, mbebhu enu ue ki mu bhituke mu ituxi iâ ioso.

Dialuilu 16:26 ပူးပေါင်းရင်းမြစ်များ

Dimatekenu 19:17

Anga ki bhita-phe kuila, o kia zubha ku a bheka ku kangʼuku, exi: Lenga, se uendi o muenhu; Kana kusakuka ku dima, kana kuimana mu ngânga ioso iii; lengela koko ku mulundu, phala ku jime o mbutu.

Izaía 52:11

Tundenu-ku, tudenu-ku, sondolokenu-bhu, kana kubabata kima kia ufusa; tundenu muʼaxaxi kâ, di-zelesienu enu oso muambata ingolongondo ia Jihova.

Jelemiia 51:6

Mu kaxi ka Babilonha lengenu-mu! O muthu ni muthu a bhulule muenhu uê. Ki mu di jikinise anuʼenu mu ku ibha kuêmuène; mukonda o kiki kiene o kithangana kia phonzo ia Jihova; Muene hádia u mu bhana kioso kia mu fuama.

Dialuilu 16:25

Kienhókio o Mozé u balumuka, hé uia kua Datane ni Abilamu; o adiakime oso a Izalaiele a mu kaiela.

Matesu 10:14

Uoso ka mi tambulula, mba u kamba kuívua maka menu, ki mu tunda mu inzuʼ oio mba mu mbongeʼ omo, mu a kukumuina fufuta ia inama ienu.

Jipoxolo 13:51

Jipoxolo ene-phe, a a kukumuina o fufuta ia inama iâ, anga aia ku Ikônio.

Jipoxolo 8:20

Phetele-phe ua mu ambela, uixi: Phalata ié i texike ni eie-muene kumoxi mu infernu! Mukonda eie ua fika kuma usumba ujitu ua Nzambi mu kitadi?

II Kolindo 6:17

Ngana muène uixi, dingi: Uila kiki, Tundenu mu mundu uâ, mu di kalele, eme ngi Ngana. Kana kubabata kima kia ufusa, eme nda ngi mi tambulule.

Matendelelu 13:17

Enu-phe lukuaku luenu kana dingi kukuata kima kia ufusa ku imbamba ia tokala mu sanzalʼoio mbé ki mu nomone-mu kama, phala njinda ia Jihova isosoloke, nda a ku lendukile nʼa tene ku ku kuatela henda, phala a ku sokolole kala kia lokela o jitata jenu,

I Timote 5:22

Ku bhange lusolo mu kutula maku ku thanduʼa muthu, phala ku mu lumbila mu kikalakalu kia Ngana. Ku bhange ue kisangela ni athu engi mu ituxi iâ. Di bhake eie-muène ni kuzela.

Dijingunuinu 18:4

Anga ngʼivua dízui dia mukuá ku diulu, dixi: Tundenu moxi dia mbanza íii, enu mu mundu uami! Tundenu-mu! Kana ku di lunga-nê mu ituxi iê, phala ki mu tambule mbandu ku mabhebhu mê!