Dialuilu 16:22 - O Mikanda Ikola

²² Maji-phe ene a di ṗhudikila o jipholo jâ bhoxi, anga ela exi: Uá! Nzambi, tata! Eie u Nzambi ia jinzumbi ja xitu ioso, abha mukonda dia muthu umoxi ua-te o kituxi, eie u thathamena kiavulu kiki o kilômbo kiosuʼiki?

Dialuilu 16:22 ပူးပေါင်းရင်းမြစ်များ

Dimatekenu 18:32

Uixi: Ngana ku kale ni njinda, ngi tone dingi kuzuela lumoxiʼulu, sumba a sanga-mu dikuinhi dimoxi. Ngana uixi: Ki nga a buikisa dingi mukonda ngó dia dikuinhi diala-mu.

II Samuuele 24:1

Njinda ia Jihova anga i uamena Izalaiele luamukuá dingi, anga u vunza Davidi ku a bhanga-kiu, uixi: Ndeie, ka kuate konda ia Izalaiele ni Juda.

II Samuuele 24:17

Davidi anga u ambela Jihova, kia mono o anjo iala kubeta o mundu, uixi: Tala, nga te kituxi eme, eme nga bhange kuthathamana; jimbudi jiji-phe ja bhange kima kiahi? Nga ku diondo, lukuaku lué lu ngi nemene eme, ni dibhata dia tatʼetu.

Jobe 12:10

Kuila o muenhu ua ima ioso i bhuima, uala bhu lukuaku luê, ni nzumbi joso ja mbutu ia muthu?

Jisálamu 99:6

Jinganga jê sai, ni Mozé ni Alá, o jipolofeta ue sai, Samuuele: ela jinga a dikola kua Jihova, muene u a evua anga uitaia.

Ndongixi 12:7

O fufuta ni i vutukila ku mavu kala ki ia kexile, o nzumbi anga i vutukila kua Nzambi ua i bhele.

Izaía 57:16

Kuma eme ki ngi jijilʼami kuzoka izuua ioso, ki ngi-di ue kiene ki nga teme kiene, kana; kuma nzumbi ia muthu ia vula kulémbua bhu i nhohena, ni mienhu i nga bhange.

Jelemiia 32:27

Tala-ze, eme Jihova, Nzambi ia Xitu ioso; mbé sai-ku kima kioso-kioso ki ngi bhekela ku diuana?

Jelemiia 38:16

Bheneʼobho, mu kasuekele, Zedekiia ua lokela muene Jelemiia, uixi: Ki kola! Jihova a nangenene, ua tu bhange o muenhu iú, kuila eme ki nga-nda ku ku jibha, kana, mba ngi ku bhakula ue bhu maku ma iá a mu kenga ku ku jibha.

Izekiiele 18:4

Talesenu, o mienhu ioso iami eme-muène; kala o muenhu ua tata, ni muenhu ua mona uami-eme; muenhu uoso u ta o kituxi, uene u fua.

Ijila 10:6

Mozé anga u ambela Alá, ni anʼê Eliiezale ni Itamale, uixi: Kana kuehela ndemba ienu kuila ngó fuandu-fuandu, kana kutandula ue o izuatu ienu, phala ki mu fue, mba kuiza njinda ia Jihova ia dikota ku thandu dia kilômbo kioso; maji ehelenu akuenu, o dibhata dioso dia Izalaiele, ene a dila o thambi ia kujokota kuenhuku kua túbhia tua tundu kua Jihova.

Ijila 4:3

Se o nganga muene a mu undu ni maji muene ua te o kituxi, anga mundu ki a iibhila beneʼobho-phe kituxi kiê a ki bhele sata kua Jihova, sata ia kuoha ia monʼa ngombe ua kiubha, ngombe ia ndumbe, iadisanze kiambote sé ngó unema uoso-uoso mba dibaka.

Zakadiia 12:1

O mabatuilu ma Jihova ma bilukila Izalaiele. Jihova ua zala o diulu, iú ua te o madisesa ma ixi anga u bhanga o nzumbi ia muthu moxi diê, ua zuela, uixi:

Dialuilu 14:5

Bhenhobho ni Mozé ni Alá a di bhala jipholo bhoxi, ku mesu a kionge kioso kia kilômbo kia Izalaiele.

Dialuilu 16:23

Jihova anga u zuelela Mozé, uixi:

Dialuilu 16:4

Kuma o kienhiki Mozé ua kʼivu, ua di ṗhudika o pholo iê bhoxi,

Dialuilu 16:45

Katukenu muʼaxaxe ka kionge kiki, nda eme ngi ki jimise mu kapota-diesu. Ene-ṗhe bhenhobho a di ṗhudikila o jipholo bhoxi,

Dialuilu 27:16

Jihova, Nzambi ia jinzumbi ja xitu ioso, a xinde muthu, u xala mu kulanga o kilômbo,

Loma 5:18

Uila kiki, kala kiejile o mulonga ku thandu dia athu oso mu kituxi kimoxi ngó, athu oso iá a xedi ni kuêla, kiene kimoxi, mu kima kia kulunga ngó lumoxi kia bheka o ujitu iú ua ngoho ueza ku thandu dia athu oso mu ku a lungisa nʼ a tambule muenhu.

I Kolindo 13:7

O henda ki i zondo mu phaxi, maji i xididika mu ima ioso ni kuxikana, i dielela mu ima ioso, i bhalakata mu ima ioso.

Jihebeleu 12:9

Ku mbandu ia jitata jetu mu xitu, ene a kexile mu tu beta, etu-phe anga tu kala mu ku a xila. Kala kiki-phe, kia tu tokala kutumaka, kiala kota o Tata ietu mu nzumbi, phala tu mone muenhu!

Josuué 22:18

Lelu mu batuka dingi kua Jihova? Mua-nda kuila-phe mu zubha ku kitukila Jihova lelu, o mungu ki kua-nda kúkia, phônzo-phe ia tuluka ku thanduʼa kionge kioso kia anʼa Izalaiele.