Dialuilu 16:15 - O Mikanda Ikola

¹⁵ Kienhókio Mozé o njinda i mu kuata kiavulu, anga uambela Jihova, uixi; Kana kusuua ku ujitu uâ; eme né ngó bulu imoxi ki ngi i tambula kokuâ, mba nga bhange kiaiibha ku muthu mudiâ.

Dialuilu 16:15 ပူးပေါင်းရင်းမြစ်များ

II Samuuele 22:22

Mukonda nga lange jinjila ja Jihova, Nzambi iami ki nga mu baluka ni ima ia kubhukumuka.

Makatukilu 32:19

Mu kuia ni kuenda-phe, kia zukama ku kibangu, u mona ndumbe ia ngombe ni kukina kua mu kina o mundu; njinda ia Mozé i uama, o ibasakasa ia matadi ia kuata bhu maku u i takula bhoxi anga i budikila mu betekete ia mulundu.

Jisabhu 21:27

Sata ia akua kubhuma, kisinji kua Nzambi; kuambe dingi-phe ki a i bheka ni muẋima ua kubhanga phulu!

Dialuilu 12:3

Mozé-phe ua kexi muthu ua xididika, athu oso mu ngongo ndenge.

Dialuilu 16:16

Mozé anga uambela dingi Kola, uixi: Ni eie ni kionge kié kioso imanenu bhu pholo ia Jihova, ni eie ni eme ni Alá, mungu.

Matesu 5:22

Eme-phe ngi mi ambela kuma, uoso u kuatela ngó mukuá njinda, u kala muêdi ua ku mu fundisa kuala afundixi. O uoso uâmba mukuá, uixi: U semenhi, u kala muêdi ku kionge kia jitata. Uoso-phe uila: U kiôua kia ngoho, u kala muêdi ua túbhia tua ifernu.

Marku 3:5

Muene ua exi suí, ene oso, ni dilamba ni njinda, mukonda kia mu iibhila o kukola kua kua muẋima, mbata nguâ-uâ ku tongolola, nʼejiie. Anga u ambela o diiala: Sunununa lukuaku. Muene kia lu sunununa, lukuaku lue lua disanze kala lua mukua.

I Kolindo 9:15

Maji eme-phe ima ioso iii ki ngi jijila ku i bhanga; ni kiki, ki ngi ki sonekena phala enu ni mu ngi bhange kienʼ iki. Kuma inda nga-fu, ki ngʼindi kubhanga kiki! Mbata ki ngʼ ehela muthu ku ngi bhuisa o thate iami mu kubhanga kiki.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

II Kolindo 7:2

Iudikenu kididi phala etu mu miẋima ienu. Kana-ku muthu tua mu bhange phulu, kana-ku muthu tua mu di mangonha, kana-ku muthu tua sota ku mu bhanga kudimuka.

Efezo 4:26

Se u kala ni njinda, kuehela kuila i ku bhangesa kuta kituxi; kumbi ki di ku bhuile mu njinda.

I Tesalonika 2:10

Enu mu jimbangi, Nzambi ue mbangi, kuma tu athu a ujitu, tu athu aiuka, tu athu ki tu moneka kikuma, mu kuenda kuetu mu ʼaxaxe kenu oso mua xikana.