Dialuilu 16:14 - O Mikanda Ikola

¹⁴ Mu ixi izunzumuka lete ni uemba, nêngó bhuòfele kua tu bheka-mu, mba u tu bhana kulundula mikáu ni mábhia a mivide, lémbue; manhi o athu iá eie ua-nda ku a ẋakula o mesu? Etu-phe, koko ki tua-nda kubanda-ku.

Dialuilu 16:14 ပူးပေါင်းရင်းမြစ်များ

Makatukilu 22:5

Se muthu u diuisa díbhia, mba kithádi kia mivide, mukonda uehela kibhaku kiê ni ki die mu díbhia dia mukuâ, ku idima iê muene, ni ku mivide iê muene, ioso ia beta kuuabha, kuene kua katula mu futa idima ia mukuâ ia diua.

Makatukilu 23:10

O mavu mu a dima mivu isamanu, mu bhongolole o ibundu ia kuima kuê kuoso;

Makatukilu 23:11

muvu ua kasambuadi-phe a zeke, a kale ngó, kana ku a dima; phala o ngadiama ku mundu ué a die; o ia xala-ku, ni xitu mu iangu ji die.

Makatukilu 3:17

Kala kiki, nga ki ambe muene kuma ngi mi tundisa mu jiphaxi ni jingongo ja Ijitu, ngi mi bandesa katé mʼoxi ia Makanana, ni Mahiti, ni Mamodi, ni Mapelezi, ni Mahivi, ni Majebusi, ixi i kunguluka lete ni uiki.

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Ijila 20:24

Maji Eme-phe nga mi ambela enu, ngixi: Mu bhingana oxi iâ-ene, i mi kale undundu uenu, ni ngi mi bhana-iu muene, phala mu iʼvue, oxi i zunzumuka lete ni uiki; kabasa eme Jihova Nzambi ienu, nga mi uanununa muʼaxaxe ka ifuẋi ku mundu.

Dialuilu 13:27

A ambela, exi: Ixi tua i sange muene, ku ua tu tumu; i kunguluka lete ni uiki, ki makutu, o ibundu iê iene i tua bhekʼiii.

Dialuilu 14:8

Jihova hé ua tu uabhela, muene u tu bheka mʼoxi muenhumu, u tu bhana-iu, ixi ia mu kunguluka muene lete ni uiki.

Dialuilu 20:5

Phala-hi mua tu bhangesa kutunda mu Ijitu ni kubanda kunu, phala ku tu bheka o kididi kia iibha kiki? Kididi ki ki moneka mbutu, ki ki moneka jifiku, mba mivide, mba jilomá, mba menha ngó a kúnua, lémbue.

Afundixi 16:21

Akua Fidíxia anga a mu kuata, a mu tufula mesu, a mu bheka ku Ngaza, a mu kuika ni jingidinhá ja ngondo; u kala mu nhungisa matadi a kuzukila fuba mu kaleia.

I Samuuele 11:2

Nahaxi mukua Amone anga ua vutuila, uixi: Eme o kubangana nʼenu, nga mi xindi kima kimoxi: Ngi mi totola diesu dia kadilu enu oso, phala ki mi kale dilebhu di nga te kua Izalaiele ioso.