Dialuilu 16:13 - O Mikanda Ikola

¹³ Manhi kia ku tolela, ki ua tu bhangesa o kutunda mu ixi izunzumuka lete ni uemba, phala ni u tu jibhile mu kikangalakata mumu, anga u mesena u di bhanga dingi u ngana ietu?

Dialuilu 16:13 ပူးပေါင်းရင်းမြစ်များ

Makatukilu 1:11

Mukonda dia kiki, a ta-ku akalakixi, ende ni ku a ta mualala ni imbamba iâ. Mukonda Falaó a mu tungila jimbonge ja kubhakela, ni Pitome ni Lamaseji.

Makatukilu 1:22

Falaó anga u tuma mundu uê uoso, uixi: Uoso monʼa diiala a mu vuala mu mu takula mu honga ia Nilo, o mona muhatu mu mu bhaka ni muenhu.

Makatukilu 16:3

Anʼa Izalaiele anga a zuela kua ene, exi: Tamano tua fuile ku lukuaku lua Jihova, mʼoxi ia Ijitu, kioso ki tua kexile mu xikama bhu mbanduʼa jímbia ja xitu, anga tu dia o mbolo, hé tu i lémbua; enu-phe mua tu katula, enu mua tu bheka mu kikangalakatʼumu, phala kujibha o mundu uosʼú ni nzala.

Makatukilu 17:3

O mundu-phe bhenhobho dinhota dia a kuata; mundu anga a longolola Mozé, exi: Phala-hi ua tu katula mu Ijitu; phala ku tu jibha ni dinhota, etu ni anʼetu ni ibaku ietu?

Makatukilu 2:14

Kuala muene: Eie nanhi ua ku bhange u kilamba kietu, u mufundixi ua ku tu tambula etu konda? Ua mesena ku ngi jibha, kala ki ua jibha mukua Ijitu mazá? Mozé anga u kala ni uoma, uixi: Manhi ni kidi kiene, kia fumana kiá.

Makatukilu 2:23

Mu kubhanga-phe izuua iavulu, muenexiʼa Ijitu u fua; anʼa Izalaiele anga a kema mukonda dia ubhika uavulu, a dikola, o kudikola kuâ anga ku banda kua Nzambi, mukonda dia ubhika uavulu.

Izekiiele 34:18

Manhi ki ki mi soko o kudia sabhelela iambote, mbé mu táku dingi o kudiota-diotela bhoxi o sabhelela ienu ia mi subhuka-ku ni ikoto ienu? Ni kunua ue o menha a zele kiambote, manhi a mi subhuka-ku mu a vunza-vunza dingi ni mikônzo ienu?

Dialuilu 11:20

mu i dia mu mbeji ia muvimba katé xitu i mi tundila mu mazulu, i mi bhekela fôkoso; mukonda Jihova mua mu tènde uala muʼaxaxi kenu, mua mu didila, muixi: Phalahi ua tu katula mu Ijitu?

Dialuilu 11:4

Mbutu ia iá ahuku a di lungu mu kifuẋi anga a kala ni uilu uavulu; ni anʼa Izalaiele ene a kala mu dila, exi: Nanhi u tu bhana xitu ia kúdia?

Dialuilu 11:5

Tuinda-phe jimbiji ji tua kexi kudia jinga mu Ijitu, ja ngoho; ni ixibua, ni jimelá, ni jipolo, ni sabhola, ni jaiu;

Dialuilu 13:27

A ambela, exi: Ixi tua i sange muene, ku ua tu tumu; i kunguluka lete ni uiki, ki makutu, o ibundu iê iene i tua bhekʼiii.

Dialuilu 14:2

Anʼa Izalaiele oso anga a longolola Mozé ni Alá: Kilômbo kioso anga a ambela, exi: Tamanu tua fuidile mʼoxi ia Ijitu! Mba tu fuila ngó mu kikangalakatʼumu!

Dialuilu 14:3

Jihova ua tu bhekela-hi kʼoxi kunu, phala ni tu fuile ngó ku xibhata? Ni ahatuʼetu ni anʼetu nʼa di bhange mbole; manhi ki kota tu vutukila mu Ijitu?

Dialuilu 16:12

Anga o Mozé u tuma kuixana Datane ni Abilamu, anʼa Eliiaba; maji ene-phe, exi; Etu, koko ki tu bande-ku.

Luka 19:14

Maji o akua ʼxi iê-phe a mu zembe, anga a tumikisa jiphunga ku dima diê mu kuamba: Etu muthu iú nguetu-nê kukala sobha mu ku tu tumina etu.

Jipoxolo 7:35

Xitevá uamba dingi uixi: Mozé imoxi iii, a mu ditunine kuala anʼ a Izalaiele, exi: Eie nanhi ua ku bhange kukala u dikota dia ku tu fundisa etu? Muene Mozé a mu tumu kuala Nzambi kukala dikota, ni mukudi, ku lukuaku lua anju ia mu tukulukila mu kisasa.