Dialuilu 15:9 - O Mikanda Ikola

⁹ o kuta ku ngombe, mubhaku uê ua mákudia u bheka efah imoxi ia fuba ia uabha kiambote iólunge ni kaxaxe ka hine ia maji,

Dialuilu 15:9 ပူးပေါင်းရင်းမြစ်များ

I Malunda 21:23

O Holonane-phe, uambela Davidi, uixi: Tambula-kiu phala eie, u sobha ngana iami, phala eie u ki bhange kioso ki ua mono kia uabha ku mesu mê. Tala-ze, ngi ku bhana ue o jingombe phala o sata ia kuoha, o malola a dikalu phala o jihuinhi, ni tiliku phala o ujitu ua mákudia; iene ioso ngi i bhana!

Nehemiia 10:33

mbé kusumba o jimbolo ja munôno, ni mubhaku ua musa kizuua ni kizuua, ni sata ia kuoha kizuua ni kizuua, ni sata ia jisabhalu, ni ia jimbeje ja thethama, ni ia izuua iangene, ni ima iòlumbile, ni ia jisata ja kiluuluilu kia ituxi, ni ja kuluulula Izalaiele ioso, ni kubhangesa kikalakalu kioso mʼonzo ia Nzambi ietu.

Izekiiele 42:13

Anga u ngʼambela, uixi: O maxilu a kexile ku mutunmdila-kumbi ni maxilu a kexila ku uombe, ala ku pholo ia kididi kia di kalela, ió maxilu a kôla, mua bhingi kuila o jinganga, ja mu bhixila kua Jihova, muene mua dila o ima ikôla kinéne; o ima ikôla kinéne, muenhomo mua i tula, ni maujitu a makúdia, ni sata ia kituxi ni sata ia kuêla; mbata kididi kiókio kikôla.

Izekiiele 46:11

O bhu jifesa, ni bhu ionge ia ujitu, o ujitu ua mákudia ua kà kala efa imoxi ku kangombe ni efa imoxi ku kilumbe kia mbudi, maji ku tumbudi tuofele muthu u bhana kioso kia tena; o ku maji, hine imoxi phala efa imoxi.

Izekiiele 46:15

Kienhiki kiene kia iudika jinga o kambudi, ni ujitu ua mákudia, ni maji, imene ioso, mu kubhana o sata ia izuua ioso ia kubhakula ni túbhia kua Jihova.

Izekiiele 46:5

O ujitu ua mákudia u kala efa imoxi mu kilumbe kia mbudi; o ku tumbudi tuofele, mubhaku ua mákudia uoso kiá ua tena o kubhana mu kambudi kamoxi; o ku maji u bhana hine mu efa imoxi.

Izekiiele 46:7

Ua kà iudika ue o ujitu ua mákudia, efa imoxi phala o kangombe ni efa imoxi phala o kilumbe, maji ku tumbudi tuofele u bhana kioso kia tena kukuata o lukuaku luê; ni hine imoxi ia maji ku efa.

Jouele 1:9

Mʼonzo ia Jihova o jisata ja makudia ni makunua ja batuka-mu; akuetu jinganga, o jingunza ja Jihova, lamba dia a kuata.

Jouele 2:14

Nanhi ua kijiia kuila muene ualulukê nʼa diela, phala kuema diê nʼa kʼàxa-ku kizediuise mu mibhaku ia makúdia ni makúnua phala Jihova Nzambi ienu?

Ijila 14:10

O mu kizuua kia kanake, u kuata tumbudi tuiadi tua jindumbe, tua ka-mbe kisemu, ni kambudi kamoxi ka mukaji, sé ngó unema, tua muvu umoxi; ni mabhûbhu matatu ma fuba ia fina, phala kubhakula ujitu ua musa, o fuba-phe a i masana ni maji, ni ditijela dia maji.

Ijila 6:14

O Ngonge ienhiʼii ia mubhaku ua musa: anʼa Alá ene a u bhana kua Jihova ku pholo bhua lulama ni kalatódio.

Ijila 7:37

Ienhiʼii iene o ngonge ia sata ia kuoha, ni mubhaku ua musa, ni sata ia kituxi, ni sata ia kuêla, ni ia kuunda nganga, ni sata ia paze;

Dialuilu 15:10

o mubhaku ua mákunua, u kala ua kaxaxe ka hine ia vinu, ujitu ua túbhia, ua kubhanga dizumba diambote kua Jihova.

Dialuilu 15:8

Se ngombe i u bheka, ia kuoha, mba sata ia mutululuku, mu ku tenesa hasa, mba mu ujitu ua mutululuku kua Jihova;

Dialuilu 28:12

ni tukuinhi tutatu tua efah tua fuba ia kábhia ia sata ia mákudia, iòlunge ni maji, tu di bandekeze ku kangombe kamoxi ka ndumbe; ni tukuinhi tuiadi tua efah tua fuba ia kábhia ia sata ia mákudia, iólunge ni maji, tu di bandekeza ku kilumbe kia mbudi;

Dialuilu 28:14

O sata ia mákunua kaxaxi ka hine ka vinhu ku ngombe, mbandu ia katatu ia hine ku kilumbe kia mbudi, mbandu ia kauana ia hine ku mbudi ia muvu umoxi; sata iii, sata ia mbeji ia thethama, jimbeji joso ku muvu kiene.

Dialuilu 29:6

O jisata ja kuoha ja mbeji iathethama jengi, ni sata iê ia mákudia, o sata ia kuoha ia izuua ioso iengi, ni sata iê ia mákudia, ni sata ia mákunua, iamukuá iii ia di bandekeza, iene ioso ni ijiia iê, mu dizumba diambote, ujitu a u bhakula ni túbhia kua Jihova.

I Samuuele 1:24

Kia zubha ku mu sumuna anga u banda ni mona, ni ngalote jitatu ja ngombe ja kiubha, ni kinda kia fuba, ni kisudi kia vinhu, anga u mu bheka ku inzu ia Jihova mu Silo; kienhokio kambonga kene, hanji ala monʼa uisu.