Dialuilu 15:4 - O Mikanda Ikola

⁴ uoso u bheka ujitu kala kiki, u bhana kua Jihova mubhaku ua mákudia, u kuata kakuinhi ka efah ia fuba ia kábhia (fina), iólunge ni mbandu ia kauana ia hine ia maji;

Dialuilu 15:4 ပူးပေါင်းရင်းမြစ်များ

Ejidala 7:17

Kala kiki, ni muanu uoso, ua kà sumba ni kitadi kiki, tungombe, ni ilumbe ia jimbudi, ni tusèseme tua jimbudi, ni mibhaku iê ia makúdia ni makúnua anga ua kà i bhakula bhu Kalatódio ka onzo ia Nzambi ié, iene iala mu Jeluzaleme.

Makatukilu 29:40

Ku mbudi imoxi u kuata ni mbandu ia kakuinhi ia efah ia fuba ia fina, iólunge ni mbandu ia kauana ia hine ia maji òzunze; ni mbandu ia kauana ia hine ia vinhu ia kiamenga.

Izaía 66:20

Anga ene a kèza ni jiphange jenu, jene mu kaẋi ka ifuẋi ioso, mu ku a bhakuila Jihova; o iâ ejiia ku jikabalu, o iá mu makalu, ni mu maxila, ni ku jimula, ni ku jikamelu, anga eza kienhiki ku mulundu uami ukôla, ku Jeluzaleme, eme ngi Jihova; mukuâ ni kiene kuiza anʼa Izalaiele kubhakula maujitu mâ mu dibhata dia Jihova, a ʼambatela mu itutu iazele.

Izekiiele 46:14

O ki u iudika jinga ujitu ió imene ioso, u iudika jinga ue kumoxi ujitu ua mákudia phala Jihova, uene ua mbandu ia kasamanu ia efa, ni maji a tena mbandu ia katatu ia hine, mbé o kubunda kumoxi ni fuba ia kinzena. O kiki kijila kia miáka, ki kalelà-ku izuua ioso.

Ijila 1:13

O midia-phe ni inama u i sukula hanji ni menha. O Nganga anga u i bhakula iene ioso ia muvimba, u i ohela ku kalatódio; kífua sata ia kuoha, ujitu ua kubhakula ni túbhia, ua dizumba diambote kua Jihova.

Ijila 14:10

O mu kizuua kia kanake, u kuata tumbudi tuiadi tua jindumbe, tua ka-mbe kisemu, ni kambudi kamoxi ka mukaji, sé ngó unema, tua muvu umoxi; ni mabhûbhu matatu ma fuba ia fina, phala kubhakula ujitu ua musa, o fuba-phe a i masana ni maji, ni ditijela dia maji.

Ijila 2:1

Se muthu u bhanga ujitu ua mubhaku ua musa kua Jihova, ujitu ué u kala ua fuba ia fina; u lunduluila-ku maji, u ta-ku ni uasu ua dizumba;

Ijila 2:15

U lunduluila-ku maji, ni u tula-ku o uasu ua dizumba; uene o mubhaku ua musa.

Ijila 23:13

O musa ua ujitu uê, tu-inda tuiadi tua fuba iafina, iôlunge ni maji, phala sata ia kubhakula ni túbhia, ikale dizumba dinuha kiambote kua Jihova, kuie dingi tusòla tutatu tua vinhu, ene-phe o maluvu a kúnua.

Ijila 3:7

Se mbudi ia bhakula mu ujitu uê, a i bheka bhu pholo ia Jihova bhene bhua i bhakuila;

Ijila 6:14

O Ngonge ienhiʼii ia mubhaku ua musa: anʼa Alá ene a u bhana kua Jihova ku pholo bhua lulama ni kalatódio.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Dialuilu 28:12

ni tukuinhi tutatu tua efah tua fuba ia kábhia ia sata ia mákudia, iòlunge ni maji, tu di bandekeze ku kangombe kamoxi ka ndumbe; ni tukuinhi tuiadi tua efah tua fuba ia kábhia ia sata ia mákudia, iólunge ni maji, tu di bandekeza ku kilumbe kia mbudi;

Dialuilu 28:4

Mbudi imoxi mu i sata mu kimene, mbudi ia mukuá mu i sata mu ngoloxi;

Dialuilu 29:6

O jisata ja kuoha ja mbeji iathethama jengi, ni sata iê ia mákudia, o sata ia kuoha ia izuua ioso iengi, ni sata iê ia mákudia, ni sata ia mákunua, iamukuá iii ia di bandekeza, iene ioso ni ijiia iê, mu dizumba diambote, ujitu a u bhakula ni túbhia kua Jihova.

Dialuilu 7:13

ujitu uê ua bheka dilonga dia phalata, kinemenu kiê hama ia xikulu ni makuinhi atatu, ni mbasinha ia phalata, kinemenu kiê makuinhi sambuadi a xikulu, xikulu iene ia dibhezelu, ni dilonga ni mbasinha iezala fuba ia kábhia iólunge ni maji, ia tokala mubhaku ua mákudia;

Loma 15:16

Kia ku kala ngi mukunji ua Kristu Jezú, phala kukalakalela akua jixi jengi, ió ki Jijudé. Nga di bhange kala ngi nganga ia kutula o Njimbu Iambote ia Nzambi. Nga mu bhanga kiki phala o ió ki Jijudé a di bhange sata ia xikina kuala Nzambi mu dibônzo dia Nzumbi Ikôla.

Jihebeleu 13:16

O kubhanga o mbote ni ku di bhindumuna mudienu ki ku mi jimbe, mukonda ilumbu kala iii Nzambi ia mu uabhela kiavulu.

Afundixi 9:9

Kuala mudiva-phe, uixi: Kifuá ngi xia maji mami ma fumana ni kua Nzambi ni kua athu, ni ngiie mu kubhekela ngó ku thandu dia miẋi?