Dialuilu 15:31 - O Mikanda Ikola

³¹ Mukonda ua tobhesa kizuelu kia Jihova, ua bulu kitumu kiê, muthu ió a mu batula muene ku kifuẋi; kituxi kiê ki kala muene ku thandu diê.

Dialuilu 15:31 ပူးပေါင်းရင်းမြစ်များ

II Samuuele 12:9

Kiki-phe, phala-hi u tènda kizuelu kia Jihova, mu kubhanga kima kia mu iibhila ku mesuʼê? Kuma Udiia, mukua Hiti, ua mu jibha ku xibhata, o mukajiʼê eie ua mu bhange mukajiʼé eie; o muene eie ua mu bhange ujibhanganga ku xibhata ia anʼa Amone.

Jisálamu 107:11

Mukonda a kitukila o maka ma Nzambi, Suke-ku kia a longo kilunji, nguauâ ku mu ívua.

Jisálamu 119:126

Dikumbi dieza kiá dia eie u Jihova kukalakala; kuma ene o ngonge ié a i somboka kiavulu.

Jisálamu 38:4

Mukonda ikuma iami ia ngi bhiti ku thandu, nga jikinina muene; ia ngi xina ni iene kala kimbamba kia dikota.

Makatukilu 30:33

Uoso u iudika maji kala iá, mba u a ta ku mukutu ua muthu uengi, ió muthu ua ku mu batula mu jindandu jê.

Jisabhu 13:13

Uoso u tènda o phangu ia mu bhana, u jikinina; uoso-phe u xila ngonge, ubhanduluka.

Izaía 30:12

Mukonda dia kienhiki Dilemba dia Izalaiele uambe kiki: O ki muedi kizuelu kiki mua di tunu-kiu, enu mua dielela o ungumba ni phulu, enu kuenhuku kuene kiá ngó ku mua xamenena.

Izaía 53:6

Etu oso tua kexi mu kuenda kala jimbudi ja jimbidila; kala muthu u di-texila ni njila iê; maji-phe o mulonga ua tu tokala etu-oso, Jihova ua mu xina-u kiá muene ku thandu diê.

Izekiiele 18:20

O muenhu uoso u ta o kituxi, uene ufua; o mona kʼambata ikuma ia tatʼâ, mba o tata ua kʼambata ikuma ia monʼê; o kuiuka kua muthu ua iuka, kua kà kala ku thandu diê-muene, o phulu ia mukua phulu, ià kà mu lundumukina ue muène.

Ijila 26:15

o jingonge jami se mua ji te dikunda, o mabatuilu mami mua di kumu-nâ, anga mu fula o ku kumbidila ijiia iami ioso, phala ku ngi seluila o kikutu kiami,

Ijila 26:43

Kuma oxi ia di kuata mukondo iaxala umba, iii ia di bhange ngùndu, ia kà kuata dingi kutana mu jisabhalu jê, kuma a i sengulula mukonda dia ene; ene-phe àkela: Né! Ngana ualungué, ua tu bhe-kiu, mukonda jiphangu jami a ji tele dikunda, o muenhu uâ ua di kumine ni jingonge jami.

Ijila 5:1

Se muthu u ta kituxi kia kuila dízui dia kuta hasa ua dʼivu, o muene mbangi, kuma sai kia mono ki ejiia, maji u di xibhê hé u kamba ku dijimbula, uala ni kuêla kua dikota, ka lungu.

Dialuilu 9:13

Uoso-phe ua zedié, kai mu uenji, maji u fula kubhitisa Phasu, ió muthu ua ku mu batula mu kifuẋi kiê; mukonda ka bhitisa ujitu ua Jihova bhu kizuua kiê kia xindi; muthu ió kituxi ki kala ku thandu diê.

Matendelelu 17:12

Muthu uoso-phe usola kunanuka ni ukumbu, na kambe kubatekela kia mu ambela o nganga uene bhu pholo ia Jihova Nzambi ié, ne-mbé kuividila o kizuelu kia mufundixi, nguê na-kiu, kuabhu, muthu ió mu mu jibha afue muene. Sembele mu kubhanga kiki ituxi iende ni kubhua mu Izalaiele;

I Tesalonika 4:8

Uila kiki, uoso ua ditunu o ulongelu iú, ki muthu a mu ditunu, maji ua ditunu Nzambi mukua ku mi tumikisa o Nzumbi iê Ikôla.

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.

II Phetele 2:21

Mukonda kieju beta kuuabha, se a kambele kuijiia o njila ia kuiuka, kana kiki kiaʼijiia, maji kijila kiangene kikôla kia a bhana a ki xie, a vutukila ku dima.

I Samuuele 3:14

Mu kienhiki nga lokela o dibhata dia Eli, kuma o kutondala kua dibhata dia Eli kà ka tena ku ku bhuisa ni jisata ni ilumbu mu mivu ni mivu sé dizubhilu.