Dialuilu 15:30 - O Mikanda Ikola

³⁰ Muthu uoso-phe u ta kituxi ku luelu, a kale mvàle, a kale nzuángiza, ua bhumina Jihova, muthu ua ku mu batula ku kifuẋi kiê.

Dialuilu 15:30 ပူးပေါင်းရင်းမြစ်များ

Dimatekenu 17:14

Diiala dioso a kambe ku mu saia o xitu ia kinhûnga kiê, muenhu ió a kà u batula mu jindandu jê; mukonda kikutu kiami ua ki tondala.

Jobe 38:15

O mukengeji uê, u ila kuengi, ku akuetuxi a u katula-ku, o lukuaku lu zangumukina ku kuama, lu bukuka.

Jisálamu 19:13

Selevende ié, Ngana, mu fudise o kubhuma kua izala; o ima ia ku di zangeleka ki iende ni ku ngi tumina; phala ngʼimane nzanza ni kulunga, mbé ki ngi kale ni kituxi kia dikota kokué.

Jisálamu 69:9

Kuma o muanu uaʼnzo ié uene ua ngi di, o manongo a ió a ku nongena eie, a ngi tula eme ku thandu,

Jisálamu 74:18

Maji-phe xinganeka-kiu: Nguma ja ku lokalala eie u Jihova; mbutu ia jisemenhi a ẋonguena o dijina dié.

Jisálamu 74:22

Balumuka, Ngana Nzambi, u funde o mulonga ué; xinganeka o kioua kiala ku ku tobhesa kumbi ni kumbi.

Jisálamu 79:12

Athu engiʼó u tua zukama-nâ a fute lusambuadi bhu homba iâ, o kusebha kuâ kua ku ku tobhesa eie u Ngana.

Jisálamu 89:51

Eie muene u Jihova, a ku te mondo, Kuma muthu ué ua mu undu ni maji uala kubonga malebhu.

Makatukilu 21:14

Maji o muthu-phe se u kanena mukuâ ni kubhuma, anga u mu tela masunga, ni a mu jibhe, muthu ió né bhu kalatódio kami mu mu katula-bhu muene phala a fue ue.

Makatukilu 30:33

Uoso u iudika maji kala iá, mba u a ta ku mukutu ua muthu uengi, ió muthu ua ku mu batula mu jindandu jê.

Jisabhu 14:31

Uoso u sondemeka o ngadiama, uala kulokalala Mubhangi uê; uoso-phe u bindumina o hukunhu, ua jingisa uoso ua mu bhanga.

Izekiiele 20:27

Kala kiki, eie monʼa muthu, ambela o dibhata dia Izalaiele u a tangele, kuila: Kienhiki kiambe Jihova Nzambi, uixi: Hanji, mu imʼiii, jitata jenu a ngi lebhula, ia a ngi tondalela.

Ijila 20:10

Se bhu kala ue diiala u ta phanda ni mukaj ʼangene, mukajʼa mukuá nʼa te-nê phanda, ni habu ia diiala, ni ndumbu ia muhatu a fue muene, sé phata.

Ijila 20:3

Eme uami muthu íó ngi di lulama-nê o pholo mu kuzoka-nê anga ngi mu mona bhu-aia, katé ki nga-nda ku mu batula mu kifuẋi kiê; mukonda ua katula ku mbutu iê iu ua bhakuila Mulôko; mu kubhanga kiki-phe, uakasanesa o dibhezelu diami dikola, iu ua sebulula o dijina diami diangene.

Ijila 20:6

O ki bhu kala ue muthu u bilukila mu ku ta muxima ku akua-ithutha ia kuzambula ni kubhanga, iphata, nʼende ni ku a kaiela ene, Eme-phe ngi mu ta diesu katé ki ngi mu batula muʼaxaxe ka povo iê.

Dialuilu 15:29

Ku kala kijila kimoxi kia ió ua te kituxi kia kutondala, ka ki bhange kiluelu, a kale muthu a mu vuala ku bhata, ku anʼa Izalaiele, a kale nzuángiza mua tungu-nê.

Dialuilu 9:13

Uoso-phe ua zedié, kai mu uenji, maji u fula kubhitisa Phasu, ió muthu ua ku mu batula mu kifuẋi kiê; mukonda ka bhitisa ujitu ua Jihova bhu kizuua kiê kia xindi; muthu ió kituxi ki kala ku thandu diê.

Matesu 12:32

Uoso u xinga Monʼa Muthu, a kà mu loloka-kiu. Maji uoso-phe u xinga o Nzumbi Ikôla, ka kà mu loloka-kiu, né ku muenhu iú, né ku muenhu ua hádia.

Matendelelu 1:43

Maji ki nga zuelʼiki, enu ki mua ki suu; Jihova mua mu ẋinukina kiá, mua di zangeleka, nguenu kutumaka o kizuelu kiê. Anga mu banda muene o mulundu.

Matendelelu 32:27

Maji nga kexile ni hele, mukonda dia nzabala ia nguma. Oso a mi kala ni luma avula ku ki mona; a soko-bhu kuila: Lukuaku luetu luene lua ki bhange, Jihova ki muene ua ki bhange ubheka uê.

Jihebeleu 10:26

Mbata se o ituxi tu tona ku i ta ku luelu, ku thandu dia ku tu ijidisa o kidi, sata ia tokala ituxi ia xala-ku, ki i moneka dingi.

Jihebeleu 10:29

Abha-phe kia kà bhita kiebhi ni ió ua ditunu o Monʼ a Nzambi, iú ua mono kuila o manhinga ma kikutu kia Nzambi ma mu kolêsa, kima kia ngoho? Kia kà bhita kiebhi ue ni uoso u lokalala o Nzumbi ia kiadi kia Nzambi? Xinganekenu-phe, se o kaxtiku kê ka mu tokala, ka kà soka kiebhi!

II Phetele 2:10

Nzambi u kala-phe kota mu ku a bhanga-kiu, enhó oso enda kala kia a tumu o xitu mu hânji ia kubola, o Ngana u tokala ku a tumina, hé a mu tènda. Jimesene ja makutu jenhiji, a bhumu, a thathamena vondadi jâ, ka moneka ujitu ua kuxila ji-anju mba a kala ni héle ia kuxinga jingana.

I Nzuá 5:16

Se muthu u mona phangʼiê uala mu ta kituxi, maji ki kituxi kia kúfua, a mu bhingile, Nzambi nda a mu bhane muenhu muenhó uoso u ta kituxi, ki kituxi kia kúfua. Sai-ku kituxi kia kúfua; ki kiene-phe eme ki nga mi ambela kuila mu ki bhingila.

I Samuuele 2:25

Muthu se u ta kituxi kua mukuâ, Nzambi u mu fundisa; muthu-phe se u ta kituxi kua Jihova, u mu zuelela nanhi? Sumbala tatâ ua zuela kiki, maji ene kʼevu dízui dia tatʼâ, mukonda Jihova ua mesena kiá ku a jibha.

I Samuuele 3:14

Mu kienhiki nga lokela o dibhata dia Eli, kuma o kutondala kua dibhata dia Eli kà ka tena ku ku bhuisa ni jisata ni ilumbu mu mivu ni mivu sé dizubhilu.