Dialuilu 15:29 - O Mikanda Ikola

²⁹ Ku kala kijila kimoxi kia ió ua te kituxi kia kutondala, ka ki bhange kiluelu, a kale muthu a mu vuala ku bhata, ku anʼa Izalaiele, a kale nzuángiza mua tungu-nê.

Dialuilu 15:29 ပူးပေါင်းရင်းမြစ်များ

I Jisobha 8:41

Anga uívua ue o ngenji, ka tokala mu kifuxi kié kia Izalaiele, maji ua tundu-phe ku jixi ja makangʼèlele, mukonda dia henda ia dijina dié ia mu bheka.

Makatukilu 12:49

Kijila ki kala kiene kimoxi, phala iú a mu vualela ku bhata ni iú muthu uengi ueza kutunga muʼaxaxi kenu.

Ijila 16:29

O kiki kijila ki xialela katé ku hádia; bhu mbeji ia sambuadi mu kizuua kia kakuinhi ku mbeje, huhenu o mienhu ienu, ikalakalu ehelenu-iu bhoxi enu-oso muene, ni akua-bhata, ni nzuangiza uoso ua tungu momuenu.

Ijila 17:15

Muthu uoso ue kixi mukuaʼxi, kixi nzuángiza, se uedi udia xitu ia di fuila, mba a i sanujuna kuala o iama, a sukule-phe izuatu iê, muene ue a dʼiẋike mukutu ni muenha, kukasana kuê a kale na-ku kumbi dioso dia kambâmba, o ki bhiẋila ngoloxi-phe, kukasana kuê kuabhu kiua; kiene kiua kia kala ni kuzela.

Ijila 4:2

Ambela anʼa Izalaiele, kuma: Se muthu u ta kituxi ni kutondala kua ku kamba ku kʼijiia, ka ki bhange kiluelu mu ima ioso ia kidika Jihova kuila kana ku i bhanga, muene anga u bhanga-bhu kima kimoxi.

Dialuilu 15:15

Kima kia ngonge, ni enu ni nzuangiza muala-nê, kijila kiene kimoxi, kijila ki nanganena, ku miji ienu ioso; ki mualʼenu, kiala o nzuángiza, bhu pholo ia Jihova.

Dialuilu 15:28

Nganga anga u mu bhangela kiamenga mu kubhuisa ikuma ia muthu ua te kituxi kia kutondala bhu pholo ia Jihova, kuma ka ki bhange luelu, bhu bhita kiluuluilu, anga a mu loloka.

Dialuilu 15:30

Muthu uoso-phe u ta kituxi ku luelu, a kale mvàle, a kale nzuángiza, ua bhumina Jihova, muthu ua ku mu batula ku kifuẋi kiê.

Dialuilu 9:14

Hé bhu kala nzuángiza ua tungu muʼaxaxi kenu, anga u sola, uixi: Ngi bhitisa uami o Phasu ia Jihova; kabasa u kuata ijiia iê ioso ni ubhitisilu uê uoso ua xindi ku i bhitisa; kijila kiene kimoxi ni ió nzuángiza, ni ió a mu vuala mukuaʼxi.

Luka 12:48

Maji uoso-phe ka kʼijiia, kioso kiandala ngana iê, maji u bhanga ima ia tokala o ku mu beta, a mu beta ni jisanzu jòfele. Kala kiki, uoso a mu bhana kiavulu, a mu bhinga ue kiavulu. O kua ió uoso a mu bhakesa kiavulu, kuene ue kua beta dingi o kubhinga.

Josuué 8:33

Izalaiele ioso-phe, ni adiakimi, ni jithuame, ni afundixi, emana ku mbandu ni mbandu ia álaka, bhu pholo ia jinganga ni jilevita ambata álaka ia kikutu kia Jihova, ni jinzuángiza ni iá a a vualela mʼonzo, ku bhata; mbandu iê emana mu mulundu ua Ngedizini, mbandu ia mukuá emana mu mulundu ua Ebale; kala Mozé mukalakadi ua Jihova kia tumu mʼokulu, ni a bhane nzediuise ku kifuẋi kia Izalaiele.