Dialuilu 15:27 - O Mikanda Ikola

²⁷ Hé muthu umoxi u ta kituxi kia kutondala, ki kia luelu, muene-phe u bheka hombo ia mukaji ia muvu umoxi ia sata ia kituxi.

Dialuilu 15:27 ပူးပေါင်းရင်းမြစ်များ

Ijila 4:2

Ambela anʼa Izalaiele, kuma: Se muthu u ta kituxi ni kutondala kua ku kamba ku kʼijiia, ka ki bhange kiluelu mu ima ioso ia kidika Jihova kuila kana ku i bhanga, muene anga u bhanga-bhu kima kimoxi.

Dialuilu 6:14

anga u bhana ujitu uê kua Jihova, kilumbe kia mbudi kia muvu umoxi sé ngó dixaka, kia sata ia kuoha, ni mbudi ia mukaji ia muvu umoxi sé ngó dixaka, ia sata ia kituxi, ni kilumbe sé ngó dixaka, kia sata ia paze,

Luka 12:48

Maji uoso-phe ka kʼijiia, kioso kiandala ngana iê, maji u bhanga ima ia tokala o ku mu beta, a mu beta ni jisanzu jòfele. Kala kiki, uoso a mu bhana kiavulu, a mu bhinga ue kiavulu. O kua ió uoso a mu bhakesa kiavulu, kuene ue kua beta dingi o kubhinga.

Jipoxolo 17:30

Mu jithembu ja kukamba ku kʼijiia, Nzambi ua dixibhidiê. Maji o kiki-phe ua tumu athu oso mu ngongo kudiela ni kueha o ituxi iâ.

Jipoxolo 3:17

Kiki-phe enu mu akuetu, o Jezú ku mu bhanga kiki, nga mono kuma o kukamba ku kʼ ijiia kuene kua mi bhangesa-kiu, ni enu ni afundixi enu; mbata ioso i mua kexi mu kubhanga, enu ki mu ijidile.

I Timote 1:13

Muène ua ngi bhange kienhiki, sumbala mʼokulu nga diangele ku mu zuela kiaiibha, ni ku mu zukutisa, ni ku mu sombola. Maji o Nzambi ua ngi kuatelele henda, mukonda ki nga xikanene luua, o ioso i nga kexe mú bhanga ki nga i ijidile.