Dialuilu 15:20 - O Mikanda Ikola

²⁰ Ku dikende dienu di dianga, mu bhanga-ku mbolo ia mubhaku ua kuzangumuna, kifua mubhaku ua kienda kia kuvundila.

Dialuilu 15:20 ပူးပေါင်းရင်းမြစ်များ

Nehemiia 10:37

Ni kuila ue o dikènde dietu dia kutomona, ni maujitu metu ma kubhuka, ni kibundu kia muxi uoso, ni vinhu ni maji, tuiza na-iu ku jinganga, mu maxilu ma inzo ia Nzambi ietu; ni kakuinhi ka mábhia metu ku akua Leví: ni kuila o mbandu ia kakuinhi ka idima itunda ku mábhia, tu i bhana kua akua Leví, kuma ene a a lekelela kutambula o kakuinhi ka tunda mu jisanzala jetu joso.

Makatukilu 23:19

O ibundu ioso i dianga kúbhia ku ibundu ienu i tunda mu mavu, mu i bheka mʼonzo ia Jihova Nzambi ienu. Mona hombo kana ku mu lambela mu lete ia mamʼâ.

Makatukilu 34:26

Ibundu ioso i dianga kúbhia ku ibundu ienu i tunda mu mavu, mu i bheka mʼonzo ia Jihova, Nzambi ienu. Monʼa hombo kana ku mu lambela mu lete ia manhʼâ.

Izekiiele 44:30

Ni ibundu ioso kiá ia mutômo, ku ibundu ienu ioso ia dianga ku mbutu joso, ni maujitu oso ku maujituʼenu, a kala a ngene a jinganga; kumoxi ue ni makènde enu a dianga, mu bhana-ku jinganga; mbé a bhangese o kizediuise kubutama ku thandu dia dibhata dié.

Ijila 2:12

Se ku mubhaku ua ibundu ia kutomona, felemento ni uiki u kalê; maji mu kubhanga dizumba diambote kua Jihova ku kalatódio, kana.

Ijila 2:14

Ki uila u bheka mubhaku ua musa kua Jihova ua ibundu ia kutomona, u bheka masa a uisu a kuoha, mba ua jimbundu ja uisu jókange ku túbhia hé a ji zuka.

Ijila 23:10

Anʼa Izalaiele a tangele, u a ambela, uixi: O ki mua kà zubha kukutuka mʼoxi, i nga-nda ku mi bhana, kioso ki mua kà muna ku idima iê, katulenu-ku kita kimoxi kia mutômo ku idima ioso i mua-nda kutomona, mu ki bheka kua nganga,

Ijila 23:20

O nganga-phe a ji bhukile kuma sata ia kubhukila bhu pholo ia Jihova kumoxi ni jimbolo ja mutômo, ni tumbudi tuiadiʼoto; iii-phe iene o ima ikolʼiii ia Jihova phala o nganga.

Dialuilu 15:21

Ku dikende dienu dia dianga mu katula-ku munomo ua kubhakuila Jihova, ku miji ienu ioso.

Dialuilu 18:12

Ku maji oso ambote, ni ku mákunua oso ambote, ni ku jimbundu joso jambote, ni ku ibundu ia ioso ia mutômo, ia bhakula kua Jihova, nga ku bhana-iu; eie.

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

Loma 11:16

Mbata se o dikende dia dianga ku mbolo a di bhakuila Nzambi, ni mbolo ioso iê-muène ue. Se o jindanji ja muxi a ji lumbila Nzambi, ni jithangu ue jê-muène.

I Kolindo 15:20

Maji kiki-phe, Kristu ua fukunuka muene mu ʼalunga ni kidi, iú ua di bhange ngunji ia tu dielelesa kuila athu oso afu kiá hadia ue a kà fukunuka.

Matendelelu 14:22

Ku idima ioso ima mʼóbhia dié muvu ni muvu, eie u katula jinga-ku o mba-ndu ia kakuinhi phala madijimu ma Jihova, kioso ki uzubha kumuna o díbhia.

Matendelelu 14:23

Anga mu i dila bhu kididi kioso Jihova Nzambi ié kia tungula ku kala diembu dia dijina diê, ni díjimu dia masa mé, ni dia maluvu mé, ni dia maji mé, ni dia jiphande-kumbi ja jingombe jé ni jimbudi jé; phala u di longe o kuxila jinga Jihova Nzambi ií izuua ioso.

Matendelelu 16:13

O fesa-phe ia jifundu mu i bhanga jinga mu sambuadi dia izuua, mu kuila eie uomona kiá o idima ié bhu dianekenu, ni ia mivide iabhu kiá mu ditangi dia kukamena.

Tiiaku 1:18

O mu vondadi iê-muène, muene mua bhangesa o ku tu vuala ku kizuelu kiê kia kidi, phala ku ima ioso ia bhange Nzambi, etu-ene muene tu kale bhu kididi kia dianga.

Dijingunuinu 14:4

Enhá ene a di bhake ni kuzela, a kambe kudikasanesa ku jiphànda ni ahatu, kuma ala anʼa ndenge. Enhá ene a nhenganana Kambudi, ene a nhunganê kuoso-kuoso ku a di tela. Enhá ene a a sumbu muʼaxaxe ka mundu ua athu mu ngongo, mu kukala ibundu ia kutomona ia bhakuila Nzambi ni Kambudi.