Dialuilu 15:16 - O Mikanda Ikola

¹⁶ Kitumu kimoxi, ukalelu umoxi, ni enu mu akua bhata ni nzuángiza muala-nê, uala kunhunganena muʼaxaxe kenu.

Dialuilu 15:16 ပူးပေါင်းရင်းမြစ်များ

I Jisobha 8:41

Anga uívua ue o ngenji, ka tokala mu kifuxi kié kia Izalaiele, maji ua tundu-phe ku jixi ja makangʼèlele, mukonda dia henda ia dijina dié ia mu bheka.

Makatukilu 12:49

Kijila ki kala kiene kimoxi, phala iú a mu vualela ku bhata ni iú muthu uengi ueza kutunga muʼaxaxi kenu.

Ijila 24:22

O ngonge-phe iene imoxi i mu kala na-iu; kixi muthu uatunda dikanga, kixi mukua-xi, ene oso kiene kimoxi; oko Eme-muène ngi Jihova Nzambi ienu.

Ijila 4:27

Se bhu kala muthu dingi uoso-uoso ku akua-xi u ta kituxi, maji ka ki bhange kiluelu, hé u bhanga kima kia kidika Jihova kuma kana ku ki bhanga, iú uala ni kuêla;

Dialuilu 15:17

Jihova anga u ambela dingi Mozé, uixi:

Dialuilu 35:15

Kixi anʼa Izalaiele, kixi musonhi, kixi nzuángiza ueza kutunga, ji kala jimbonge jâ ja kukondamena, mbebhu uoso ua jibha muthu, ka ki bhange luelu, kuene kua lengela.

Dialuilu 9:14

Hé bhu kala nzuángiza ua tungu muʼaxaxi kenu, anga u sola, uixi: Ngi bhitisa uami o Phasu ia Jihova; kabasa u kuata ijiia iê ioso ni ubhitisilu uê uoso ua xindi ku i bhitisa; kijila kiene kimoxi ni ió nzuángiza, ni ió a mu vuala mukuaʼxi.

Josuué 8:33

Izalaiele ioso-phe, ni adiakimi, ni jithuame, ni afundixi, emana ku mbandu ni mbandu ia álaka, bhu pholo ia jinganga ni jilevita ambata álaka ia kikutu kia Jihova, ni jinzuángiza ni iá a a vualela mʼonzo, ku bhata; mbandu iê emana mu mulundu ua Ngedizini, mbandu ia mukuá emana mu mulundu ua Ebale; kala Mozé mukalakadi ua Jihova kia tumu mʼokulu, ni a bhane nzediuise ku kifuẋi kia Izalaiele.