Dialuilu 14:34 - O Mikanda Ikola

³⁴ Ki kaiela mu izuua i mua bhangele mu kulonda ixi, makuinhi auana a kizuua, mu makuinhi auana a muvu, kizuua muvu, kizuua muvu, muambata mulonga uenu mu makuinhi auana a muvu, muijiie ki kala o kuẋimbuka kuami.

Dialuilu 14:34 ပူးပေါင်းရင်းမြစ်များ

I Jisobha 8:56

Jihova a taneku, ua nhohesa o kifuxi kié kia Izalaiele kala kioso kia tangele, ku izuelu ioso iambote ia zuelele mu ukunji ua ngunza iê, Mozé, ki bhua sonoka né ngó kimoxi.

II Malunda 36:21

Mbé o kizuelu kia Jihova ki tenene kia tange ku dikanu dia Jelemiia, katé bhuoso ixi bhu ia kà uabhela dingi o jisabhalu jê; o mu izuua ioso ia kibuika, iene ia nhoha; katé kia tenena o makuinhi sambuadi a mivu.

Jisálamu 105:42

Kuma kizuelu kiê kikôla ua ki te muẋima; ni Mbalahamu, dia selevende iê.

Jisálamu 38:4

Mukonda ikuma iami ia ngi bhiti ku thandu, nga jikinina muene; ia ngi xina ni iene kala kimbamba kia dikota.

Jisálamu 77:8

Henda iê, kifua, iaia muene nzaká? O plomesa iê ki iala dingi ni ku i kumbidila ku miji ni miji?

Jisálamu 95:10

Muiji uenhú anga a ngi kuma mu makuinhi auana a mivu, ngixi: O iá athu ala ni mixima ia kudianguka! o jinjila jami a lémbua ku jʼijiia!

Izekiiele 14:10

O kikuma kiâ a kà kiʼambata ene ku thandu diâ; o kikala o kikuma kia iu uibhula, kiene ue ki kala o kikuma kia musesedi.

Izekiiele 23:35

Kala kiki, O Jihova Nzambi uambe, kuma: Mukonda eie ua ngi jimbi, eie ua ngi takuila kuema dié, kuabhu-phe, ua-nda kuambata ue ni phulu ié ni maundumbu mé.

Izekiiele 4:5

Mukonda eme nga ku xindila o mivu ia kuiibha kuâ kia soko o dialuilu dia izuua, hama jitatu ni makuinhiʼvua dia izuua; kiene ki ua kʼambata o kikuma kia dibhata dia Izalaiele.

Izekiiele 4:6

O ki ua-nda kuila ua zubha o kutenesa izuua iii, ua kà lunguluka-phe, hé ua kà zekela kiá ku mbandu ié ia lukuaku lua kúdia, hé ua kʼàmbata o kikuma kia dibhata dia Juda mu makuinhi auana a izuua; nga ku bhana kala kizuua muvu, kizuua muvu.

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Hozeia 9:12

Némbe-phe a sasa ana, eme nga-nda ku a katula-nâ, phala ki bhu subhuke diiala. Ni kidi muene, kokolo diâ! Kioso eme ki nga-nda ku a tunda bhu mbandu iâ.

Ijila 20:19

Kana kuvungununa tuẋi ia muhatu, ua dibhange phangʼia mamʼenu, mba phangʼia tatenu, uoso ubhanga kiki uazula ndandu iê ia muambeʼa kidi; kikuma kiâ aia na-kiu ku thandu diâ.

Zakadiia 11:10

Anga ngi zangula mbangala iami “Kiadi” anga ngi i bukulʼé phala kusendumuna o kikutu kiami ki nga tele ni miji ioso ienhiʼii.

Dialuilu 13:25

Kia zubha kubhanga makuinhi auana a kizuua ni kulonda ixi, kiene kia vutuka.

Dialuilu 18:23

Maji o jilevita ene a bhanga jinga o ukunji ua kikalakalu kia balaka ia kutakanena, o itondalu iâ ioso ia bhanga, ene kiá a ebhula; ki mi kale kijila ku miji ienu ioso katé ku hádia ni hádia; o muʼaxaxi ka ana Izalaiele ene uâ ka kala-mu ni undundu ua kima.

Dialuilu 32:13

Njinda ia Jihova anga i uama kua Izalaiele, anga u a nhungisa mu kikangalakata mu makuinhi auana a muvu, katé muiji uosuʼô ua bhangele kiaiibha ku mesu a Jihova, ua jila.

Jipoxolo 13:18

Anga u tenesa makuinhi a uana a mivu ni kulendukila o kubhuma kuâ mu kikangalakata.

Matendelelu 2:7

Kuma Jihova Nzambi ié ikalakalu ioso ia maku mé ua i zediuisa muene; muene ua kʼijiia kiambote kuila eie u ngenjiʼa-thumba uala kuenda mu kikangalakata kia dikotʼiki; o mu makuinhi auana a mivu oso iá, Jihova Nzambi ié ua ku bande muene, ki kuala kima kia ku kambe.

Jihebeleu 4:1

Nzambi ua tu bhana polomesa kuila tu tena kubokona mu kunhoha ni muène. Tu kalienu-phe ni uôma, sumba mba kia xie o kizueluʼ iki kia kubokona mu dinhohenu diê, bhu kala muthu mudienu u ki tokoka.

Josuué 14:10

O kiki-phe ua mono, Jihova ua ngi bhake hanji ku muenhu, kala kia ki tanga muene, makuinhi auana a mivu ni itanu ioso iii, tunde Jihova kia zuela o maka iá kua Mozé, mu thembu ioso iala hanji anʼa Izalaiele mu kuenda mu kikangalakata; leluʼidi-phe hanji eme-ami-ú, ngala kiá mu makuinhi nake a mivu nʼitanu.

Dijingunuinu 11:3

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.