Dialuilu 14:3 - O Mikanda Ikola

³ Jihova ua tu bhekela-hi kʼoxi kunu, phala ni tu fuile ngó ku xibhata? Ni ahatuʼetu ni anʼetu nʼa di bhange mbole; manhi ki kota tu vutukila mu Ijitu?

Dialuilu 14:3 ပူးပေါင်းရင်းမြစ်များ

Nehemiia 9:17

Anga a dituna muene ku kuívua, o madiuanu mé u ua a bhangela, ku a xinganeka kana; anga a kolokotesa o xingu iâ mu kuxikana, o mu huka kuâ anga a zangula mutumini hé a mu ta ku pholo iâ, mu kusota kuvutukila mu ubhika uâ mu Ijitu; Maji eie-phe, eie u Nzambi ia muloloki, ia kutululuka ni henda, ua kokoloka mu kutema, uene ni unéne mu kubhanga o mbote, ku a ehelela.

Jisálamu 78:40

Lukuxi luosʼulu lua mu kitukila mu kikangalakata; a mu nhemuna jinga mʼoxi ia kukuta i bhekela o ngunzu!

Makatukilu 16:3

Anʼa Izalaiele anga a zuela kua ene, exi: Tamano tua fuile ku lukuaku lua Jihova, mʼoxi ia Ijitu, kioso ki tua kexile mu xikama bhu mbanduʼa jímbia ja xitu, anga tu dia o mbolo, hé tu i lémbua; enu-phe mua tu katula, enu mua tu bheka mu kikangalakatʼumu, phala kujibha o mundu uosʼú ni nzala.

Makatukilu 5:21

anga a ambela, exi: Jihova a ki suue, a mi bhange kioso kia tokala; mukonda mua tu nuhisa dizumba diaiibha kua Falaó, ni akua mbèle ku mbanza, kífua mua a bhana xibhata bhu maku, ia ku tu jibha etu.

Jelemiia 42:14

muexi: Kana, kota o kuietu ku ixi ia Ijitu, koko ki tua-nda kumona-ku dingi ita, mba tuà kʼevua mbimbi ia koloneta, mba tua kà kala ni nzala ia kudia inda tua kà kala kuneʼoko.

Jelemiia 42:19

Jihova ua zuela ku mbandu ienu, eie u masubhu a Juda! Kana kubokona mu Ijitu; ijiienu-kiu mu kidi, kuila lelu nga mi bhela umbangi u mi bhanga kia ibha.

Jelemiia 9:3

Oleka o dimi diâ kala uene o mufula uâ, mu kuta o makutu; a di suinisa maji ki phala o kidi, kana: mukonda a muia dingi ku pholo ni kubhanga usuéia mu usuéia, eme a lémbua ku ngʼijiia, Jihova ua ki tange.

Dialuilu 11:20

mu i dia mu mbeji ia muvimba katé xitu i mi tundila mu mazulu, i mi bhekela fôkoso; mukonda Jihova mua mu tènde uala muʼaxaxi kenu, mua mu didila, muixi: Phalahi ua tu katula mu Ijitu?

Dialuilu 16:13

Manhi kia ku tolela, ki ua tu bhangesa o kutunda mu ixi izunzumuka lete ni uemba, phala ni u tu jibhile mu kikangalakata mumu, anga u mesena u di bhanga dingi u ngana ietu?

Dialuilu 20:3

O mundu anga a zoka ni Mozé, hé a zuela, exi: Tamanu tua fuile, kioso o jiphange jetu ki jafu, bhu pholo ia Jihova!

Dialuilu 21:5

Kifuẋi anga a longolola Nzambi ni Mozé, exi: Mukonda diahi ua tu katula mu Ijitu, ni tu fuile ngó mu kikangalakatʼumu? Ki mu moneka mbolo, ki mu moneka menha; ima ia maná iii ia tu kumu!

Jipoxolo 7:39

Muenʼiú-phe jitata jetu ka ẋikinine ku di tuma-nê, maji a mu tènde a-nga ku miẋima iâ enda a vutuka ku Ijitu.

Matendelelu 1:39

O anʼenu-phe, u muedi, muixi: Anda kukituka mbole, o anʼenu a kambe o kuijiia kiauabha ni kiaiibha leluʼidi, ene a-nda kukutuka-mu, ene nganda ku a bhana-iu anga a iʼvua.