Dialuilu 14:14 - O Mikanda Ikola

¹⁴ akua-xi mumu a-nda ku a tangela-kiu. A kʼivu kiá kuma eie, Jihova, ua tungu muʼaxaxi ka kifuẋi kienhiki, a kʼivu ue kuma, eie Jihova, uala ku a tukulukila pholo ni pholo, dituta diê diemana ku thandu diâ, u mukua ku a tuamenena mu philadi ia dituta mu muanha, ni philadi ia túbhia mu usuku.

Dialuilu 14:14 ပူးပေါင်းရင်းမြစ်များ

Dimatekenu 32:30

Jakobo anga u ixana kididi kienhókio, uixi: Peniiele: kuma uambe uixi: Nga mono Nzambi pholo ni pholo, maji muenhu uami iú-ué.

Nehemiia 9:12

Mu muanha anga u a songuela ni dituta dia kilembeketa, o mʼusuku u a endesa ni dituta dia túbhia, nda u a muikine mu njila mu a kexi mu kuendela.

Nehemiia 9:19

eie mu nzungule ia jihenda jé, ku a ehelela mu kikangalakata. Mu muanha dituta dia kilembeketa ki dia a kambele, né o dituta dia túbhia mʼusuku, phala kuia ni ku a muikina, ni ku a edikiza jinga o njila mu endela.

Jisálamu 105:39

U futununa dituta, dia a bhana kilembeketa, ni túbhia tua a muikina mu usuku.

Jisálamu 78:14

Mu muanha ua a songuela jinga mu dituta, o mu usuku uoso túbhia tua a muikina.

Makatukilu 15:14

O ifuẋi iamukuâ a kʼivu, a teketa; a tunga mu Fidíxia mika ia a kuata.

Makatukilu 33:11

Jihova anga u kala mu zuela ni Mozé, pholo ni pholo kala muthu uoso-uoso kia zuela ni kamba diê. Anga u vutuka kuia ku kibangu; maji o dikuenze diê-phe, Josuué, monʼa Nune, munzangala, ka kexile mu tunda-mu mu balaka.

Makatukilu 33:16

Kuma ki tualʼiki, a kʼijiia kiebhi kuma tua sange ngalasa ku mesu mé ni eme ni mundu ué uenhú? Ka kʼijidila mu kuila tuendela kumoxi, eie muene i uala ku tu bheka, bhene muene bhu tu di tunguila, ni eme ni mundu ué, ku mundu uoso mu ngongo.

Makatukilu 40:38

Mukonda o dituta dia Jihova dia nanga jinga ku thandu dia balaka mu muanha, o mu usuku di kituka túbhia ku mesu ma dibhata dioso dia Izalaiele, mu jinjila jâ joso.

Dialuilu 10:34

Dituta dia Jihova anga di kala ku thandu diâ mu muanha, kia katuka bhu kibangu.

Dialuilu 12:8

Muene ngi zuela-nê kanu ni kanu, ki jimbuluka muene, ki ki kala ngó mu ifika; kidifua kia Jihova u ki mona; enu-phe mua kambela-hi uoma ua kuâmba mubhikʼami, kuamba Mozé?

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

Nzuá 14:9

Jezú, uixi: Tunde bhuoso bhanhá bhu ngala ni enu, Felipe tata, ku ngʼ ijiia luua? Uoso ua ngi mono eme, ua mono ue Tata; eie uala kuila kiebhi: Tu idikize Tata?

I Kolindo 13:12

Ki tualʼ iki tu muena mu lumuenu lua fefetela, maji kithanganʼ okio-phe tua kà mona pholo ni pholo. Kiki ngejiia ngó mbandu, kienhokio-phe nga kèjiia kiambote, uila eme-muène ki a ngʼ ijiia kuala Nzambi.

Matendelelu 1:19

Kiene kiua ki tua katuka, mu kutunda ku Holebe, anga tuhuha kikangalakata kiosuʼokio ki mua di muena enu-enu; tua bhitila ku milundu ia akua Mamodi, kala kia tu tumina Jihova, Nzambi ietu; anga tu bhiẋila bhu Kadexe-Baneia.

Matendelelu 34:10

Kiluua kukala dingi polofeta mu Izalaiele kala Mozé, a mu ijidile kuala Jihova, katé kia diendela jinga mu kuzuela-nê pholo ni pholo.

Matendelelu 5:24

Muexi-phe: Tua mono kuma Jihova Nzambi ietu ua tu idikiza kijingo kiê, ni ukota uê, dízui diê tua dʼivu muene muʼaxaxe ka milengu; lelu etu tua mono kiua kuma Nzambi uzuelʼê ni muthu, maji muthu hé u kolʼê muene o muenhu.

Matendelelu 5:4

Tua di muena-kiu etu oso kia tu zuelesa Jihova pholo ni pholo mu kaẋi ka túbhia.

Josuué 5:1

Mu kubhanga izuua, jisobha joso ja Mamodi ku sámbua dia Njolodá ku luiji ni jisobha ja ákua Kanana, a zukama ku kalunga, kia zubha kuívua kioso Jihova kia kukutisa menha a Njolodá bhu pholo ia anʼa Izalaiele, katé ki tua zaúka kiambote, miẋima iâ ia botomoka, uiala ki u moneka dingi ua kubhânga ni anʼa Izalaiele.

I Nzuá 3:2

Enu akuetu, nga mi zola, kiki tuala tu anʼa Nzambi, maji kiluua-phe tu kʼijiia kioso ki tuà kala. Inda, tuejiia ngó kuila, se muène Kristu uedi u tukuluka, etu uetu tua kà di fuangana-nê, mukonda tua kà mu mona katé ni kidifua kiê muène kioso kiala.